ကမ္ဘာ့ဘဏ် ထောက်ပံ့ကြေး ပြန်စပေး

ဖွံ့ဖြိုးရေး အစီအစဉ်များဖြစ်သော ကျောင်း၊ လမ်း၊ သောက်သုံး ရေနှင့် အခြား စီမံကိန်းများအတွက် အမေရိကန်ဒေါ်လာ ၈၅ သန်းကို ပေးရန် လျာထားကြောင်း ကမ္ဘာ့ဘဏ်က ထုတ်ပြန်သည် (ဓာတ်ပုံ- Reuters)

မြန်မာ့ ပြုပြင်ပြောင်းလဲရေးကို အားပေးသည့်အနေဖြင့် ကမ္ဘာ့ဘဏ်အဖွဲ့ (World Bank Group) က မြန်မာနိုင်ငံတွင် ရုံးခန်းသစ်တခုကို ဖွင့်လှစ်ပြီး ထောက်ပံ့ငွေများ ပြန်လည်ပေးရန် ယနေ့ သြဂုတ်လ ၁ ရက်နေ့တွင် ကြေညာထုတ်ပြန်သည်။
ဖွံ့ဖြိုး ရေး အစီအစဉ်များဖြစ်သော ကျောင်း၊ လမ်း၊ သောက်သုံး ရေနှင့် အခြား စီမံကိန်းများအတွက် အမေရိကန်ဒေါ်လာ ၈၅ သန်းကို ပေးရန် လျာထားကြောင်း ကမ္ဘာ့ဘဏ်၏ ကြေညာချက်ကဆိုသည်။ ထောက်ပံ့ငွေသည် နယ်စပ်ရှိ ပဋိပက္ခဖြစ်နေသော ဒေသရှိ စီမံကိန်းများမှသည် နိုင်ငံလုံးဆိုင်ရာ အဖွဲ့အစည်းများ၏ ဖွံ့ဖြိုးရေးအစီအစဉ်များထိ အထောက်အပံ့ဖြစ်မည်။
ကမ္ဘာ့ဘဏ်အဖွဲ့ (World Bank Group ) ဆိုသည်မှာ ယေဘုယျအားဖြင့် ဆင်းရဲသည့်နိုင်ငံများကို ကြွေးမြီများ ချေး ငှားပေးနေသည့် နိုင်ငံတကာအဖွဲ့ ၅ ခုပေါင်းထားသည့် အဖွဲ့ဖြစ်သည်။ ယင်းမှာ ဖွံ့ဖြိုးတိုးတက်ရေးနှင့် ပြန်လည်တည်ဆောက်ရေး နိုင်ငံတကာ ဘဏ် – International Bank for Reconstruction and Development (IBRD)၊ နိုင်ငံတကာ ဖွံ့ဖြိုးတိုးတက်ရေး အသင်း- International Development Association (IDA)၊ နိုင်ငံတကာ ဘဏ္ဍာငွေကြေး ပူးပေါင်းဆောင်ရွက်ရေး အဖွဲ့- International Finance Corporation (IFC)၊ နိုင်ငံစုံ ရင်းနှီးမြှုပ်နှံမှု အာမခံ အေဂျင်စီ- Multilateral Investment Guarantee Agency ( MIGA) နှင့် ရင်းနှီးမြှုပ်နှံမှုဆိုင်ရာ အငြင်းပွားမှု ဖြေရှင်းပေးရေး နိုင်ငံတကာဌာန- International Centre for Settlement of Investment Disputes ( ICSID) တို့ ဖြစ်သည်။
ရုံးခန်းသစ်ဖွင့်လှစ်ရန် မြန်မာပြည်လာရောက်ခဲ့သော ကမ္ဘာ့ဘဏ်အဖွဲ့ ဒု-ဥက္ကဌ မစ္စ ပါမီလာကော့စ်က ထောက်ပံ့ကြေး ပြန်ပေးခြင်းနှင့် ပတ်သက်၍ “မြန်မာဟာ ဒေသတွင်းမှာ အဆင်းရဲ့ဆုံး နိုင်ငံတွေထဲမှာပါဝင်နေတယ်။ ပြည်သူတွေရဲ့ လိုအပ်မှုတွေက အရမ်းမြင့်မား တယ်။ ဒါကြောင့် ကမ္ဘာ့ဘဏ်ကလည်း အစိုးရရဲ့ ပြုပြင်ပြောင်းလဲရေးကို ထောက်ပံ့အားပေးဖို့ တွဲဖက်လုပ်ကိုင် သူတွေနဲ့ အကောင်အထည်ဖော်နေပါတယ်။ ဒါမှလည်း ပြည်သူ့ဘ၀တွေ တိုးတက်လာမှာပါ။ အထူးသဖြင့်တော့ ဆင်းရဲချို့တဲ့နေတဲ့သူတွေပေါ့” ဟု ပြောသည်။
ကမ္ဘာ့ဘဏ်အဖွဲ့သည် နေပြည်တော်တွင် သမ္မတ ဦးသိန်းစိန် ဦးဆောင်သော မြန်မာအစိုးရအဖွဲ့နှင့်လည်း တွေ့ဆုံဆွေးနွေးခဲ့ပြီး အတိုက်အခံ ခေါင်းဆောင် ဒေါ်အောင်ဆန်းစုကြည် အပါအ၀င် လွှတ်တော် ကိုယ်စားလှယ်တချို့နှင့်လည်း တွေ့ဆုံခဲ့ကာ မြန်မာနိုင်ငံကို ကမ္ဘာ့ဘဏ်နှင့် ပြန်လည် ချိတ်ဆက်လုပ်ဆောင်နိုင်ရန် နည်းလမ်း ရှာဖွေမှုများနှင့်ပတ်သက်၍ ဆွေးနွေးခဲ့ကြသည်။ အဆိုပါ ခရီးစဉ်မှာ မြန်မာနိုင်ငံတွင် ပြုပြင်ပြောင်းလဲရေးလုပ်ဆောင်လာပြီးနောက် ကမ္ဘာ့ဘဏ် ထိပ်တန်းခေါင်းဆောင်များ၏ ပထမဆုံးလည်းဖြစ်သည်။
မြန်မာနိုင်ငံအနေဖြင့် ကမ္ဘာ့ဘဏ်ကို  ပေးရန်ကျန်နေသော အကြွေး အမေရိကန် ဒေါ်လာ ၃၉၇ သန်း ချေးငွေ စာရင်းရှင်းရန်နှင့် အတိုးနှုန်းမဲ့ ချေးငွေ ပြန်ရရေး ရှေ့နှစ် ဇန်နဝါရီလတွင် ဆက်လက်ဆွေးနွေးမည်ဟု မစ္စ ပါမီလာကော့စ်က ရန်ကုန်ရုံးသစ်ဖွင့်ပွဲတွင် ပြောဆိုသည်။ “ဒီကိစ္စတွေကို ကျမတို့ အာရှဖွံ့ဖြိုးရေးဘဏ်နဲ့ ပူးပေါင်းဆောင်ရွက်ဖို့ ရှိပါတယ်” ဟု ပါမီလာကော့စ်က ပြောသည်။
မြန်မာက အာရှဖွံ့ဖြိုးရေးဘဏ်ကို ပေးရန် အကြွေး ဒေါ်လာ သန်း ၅၀၀ နီးပါးရှိသေးသည်။ အာရှဖွံ့ဖြိုးရေးဘဏ်ကလည်း ရန်ကုန်တွင် ယခု ရုံးခန်း ဖွင့်ထားပြီဖြစ်သည်။
မြန်မာနိုင်ငံတွင်း ၀န်ထမ်းများကို ဦးဆောင်ရန်အတွက် ကမ္ဘာ့ဘဏ်က မြန်မာနိုင်ငံဆိုင်ရာ မန်နေဂျာအဖြစ် မစ္စတာ ကန်သန်ရှန်ကာကို ခန့်အပ်ခဲ့သည်။ ၄င်းသည် ဂါဇာ၊ အရှေ့တိမော၊ ကိုဆိုဗို စသည့် ပဋိပက္ခနှင့် ပဋိပက္ခလွန် ဒေသများတွင် လုပ်သက် ၁၅ နှစ်ကျော် ရှိသည်။
ထို့အပြင် မစ္စတာ ချားလ်စ်ရှနိုက်ဒါကိုလည်း IFC ၏ မြန်မာနိုင်ငံဆိုင်ရာ ကိုယ်စားလှယ်အဖြစ် ခန့်အပ်ခဲ့သည်။ သူသည် ဗီယက်နမ်၊ လာအို၊ ကမ္ဘောဒီးယား နိုင်ငံစသည့် အရှေ့တောင်အာရှဒေသတွင် ပုဂ္ဂလိက ကဏ္ဍဆိုင်ရာ လုပ်သက် ၁၅ နှစ် လုပ်ငန်းအတွေ့ အကြုံ ရှိသည်။
မြန်မာနိုင်ငံသည် ၁၉၅၂ ခုနှစ်တွင် ကမ္ဘာ့ဘဏ် အဖွဲ့ဝင်နိုင်ငံ တနိုင်ငံဖြစ်လာခဲ့ပြီး ၁၉၈၇ ခုနှစ်ကတည်းက ဘဏ်က ချေးငွေအသစ် မပေးတော့ပေ။ မြန်မာအစိုးရက ကြွေးကျန် ရှိသော်လည်း အဖွဲ့ဝင် အဖြစ် ဆက်လက် ရှိနေဆဲဖြစ်သည်။

စင်ပေါ်ကလူ

မသေခင်က ပျောက်နှင့်သည်

ဘုန်းတော်ကြောင့်

ပိုင်ဆိုင်မှုတွေ ကြေညာရရင် …

---

“တသက်စာ”

တပ် … လယ်မသိမ်းရ

---

အိပ်နေတာပဲ ကောင်းပါတယ်

မြန်မာပြည် လွှတ်တော်တွင်း တနေရာ (ဓာတ်ပုံ - CNN ရုပ်သံမှ)

အခုတလော ထိုင်းနိုင်ငံက ရုပ်သံသတင်းကြည့် ပရိသတ်တွေအတွက် ထိုင်းလွှတ်တော် အစည်းအဝေးတွေဟာ ပျင်းစရာ မကောင်းတော့တာကို တွေ့ရပါတယ်။
ဥပဒေကြမ်းတခုနဲ့ ပတ်သက်ပြီး လွှတ်တော်ထဲမှာ ရုန်းရင်းဆန်ခတ် ဖြစ်ခဲ့ကြတာပါ။ ဒီဥပဒေကြမ်းဟာ ၀န်ကြီးချုပ်ဟောင်း သက်ဆင် လွတ်ငြိမ်းချမ်းသာခွင့်ရပြီး ပြည်တော်ပြန်နိုင်အောင် ရေးဆွဲထားတယ်လို့ သုံးသပ်သူတွေ ရှိပါတယ်။
ရုန်းရင်းဆန်ခတ် ဖြစ်မှုဟာ လွှတ်တော်ဥက္ကဋ္ဌကို လုံခြုံရေးတပ်ဖွဲ့ဝင်တွေ ၀န်းရံပြီး လွှတ်တော်ထဲက ခေါ်ထုတ်သွားမှုနဲ့ အဆုံးသတ်ပါတယ်။ အမတ်တချို့က လွှတ်တော်ဥက္ကဋ္ဌရှိရာကို သွားကြပြီး အော်ဟစ် ကန့်ကွက်ကြ၊ တချို့က စာရွက်စာတမ်းတွေနဲ့ ပစ်ပေါက်ကြတာကို ရုပ်သံသတင်းတွေမှာ ရှင်းရှင်းလင်းလင်း တွေ့ခဲ့ရပါတယ်။
ဒီလိုဖြစ်ရပ်ကို ရုပ်သံကနေ တိုက်ရိုက်ပြသတာ တွေ့လိုက်ရတော့ ထိုင်းတွေက အေးအေးဆေးဆေး နေတတ်တယ်၊ မြန်မာတွေလောက် ရန်မလိုဘူး ဆိုတဲ့ အယူအဆတခုက မှားနေတယ်လို့ ဆိုရမလိုပါပဲ။
တကယ်ဆိုရင် မြန်မာတွေကပဲ အေးအေးဆေးဆေး နေတတ်ကြတာ မဟုတ်လား။
နေပြည်တော်က လွှတ်တော် အစည်းအဝေးများဟာ အင်မတန် တည်ငြိမ်အေးချမ်းတဲ့ အသွင်ကိုဆောင်တာ အားလုံးအသိပါ။ အမတ်မင်းတချို့ အိပ်ငိုက်နေ၊ အိပ်စက်နေကြတဲ့အထိ အေးချမ်းပါတယ်။ လွှတ်တော်ထဲ အိပ်မောကျကြတဲ့ နေရာမှာတော့ နိုင်ငံတကာကို ပုခုံးချင်း ယှဉ်နိုင်ပြီလို့ ဆိုနိုင်တာပေါ့။
ဟိုတလောက စစ်အရာရှိကိုယ်စားလှယ် အများအပြား အစားထိုးမှုတွေကို တွေ့ရပါတယ်။ ဘာကြောင့် အစားထိုးမှန်းတော့ မသိရပါဘူး။ လွှတ်တော်ထဲ အိပ်ပျော်သွားတတ်တဲ့ စစ်အရာရှိများကို ပြန်ရုပ်သိမ်းသွားတာလည်း ဖြစ်နိုင်ပါတယ်၊ အိပ်စက်ခြင်းကြောင့် ဒီလို အရေးယူတယ် ဆိုရင်တော့ များပြီ ထင်ပါတယ်။
အေးရာအေးကြောင်း ငိုက်နေ၊ အိပ်နေကြတာဟာ ရုန်းရင်းဆန်ခတ် ဖြစ်နေတာထက်တော့ ပိုကောင်းတယ် မဟုတ်လား။
ထိုင်းလွှတ်တော်မှာ ဖြစ်နေတဲ့ ရုန်းရင်းဆန်ခတ်မှုတွေ ပေါ်လာမှပဲ နေပြည်တော် လွှတ်တော်အခင်းအကျင်းကို ဖန်တီးခဲ့ သူများဟာ အမြော်အမြင်ကြီးကြပါလားဆိုတဲ့ အယူအဆ ပေါ်လာပါပြီ။
ဒီအယူအဆ မှန်တယ် ဆိုရင်တော့ လွှတ်တော်ထဲကို စစ်အရာရှိ ကိုယ်စားလှယ် ၂၅ ရာခိုင်နှုန်း ရောက်အောင်လုပ်၊ ကျန်တဲ့ ၇၅ ရာခိုင်နှုန်းအတွက် နေရာကို အချိန်ယူတည်ထောင်ခဲ့တဲ့ ပါတီကြီးတခုရဲ့ ကိုယ်စားလှယ်တွေ ရောက်သွားအောင် စီစဉ် ကုလားဖန်ထိုးခဲ့တာဟာ တကယ့်ကို အမြော်အမြင်ကြီးတဲ့ လုပ်ရပ်လို့ ဆိုရမှာပါပဲ။
စိတ်တူ၊ သဘောတူ၊ အမြင်တူသူတွေ အများစုနဲ့ စုစည်းထားတဲ့ လွှတ်တော်ဟာ ရုန်းရင်းဆန်ခတ် ဖြစ်စရာအကြောင်း မရှိတော့တာကြောင့် ငြိမ်းချမ်းရေးကို မြတ်နိုးသူတချို့ နေပြည်တော်ရဲ့ လွှတ်တော် အခင်းအကျင်းကို စိတ်ဝင်စားလာဖွယ်ရှိတယ်လို့ ယူဆရပါတယ်။

အခြေခံဥပဒေနဲ့ ကိုင်ပေါက်ခြင်း

တရားဥပဒေစိုးမိုးရေး ဆိုတဲ့ စကားလုံးကို အခုတလော ဓာတ်ကျ နေသူတွေထဲမှာ ရွေးကောက်ပွဲ ကော်မရှင်လည်း ပါဝင်လာတာ ဒီကနေ့ တွေ့လိုက်ရပါတယ်။
ကော်မရှင်က ဒီကနေ့ သတင်းတပုဒ် ထုတ်ပြန်ရာမှာ နိုင်ငံအမည်ကို Myanmar လို့ ခေါ်ဖို့ လိုအပ်တယ်၊ ဒါမှ တရားဥပဒေ စိုးမိုးမယ်လို့ ဆိုထားပါတယ်။ ဒီလ ဒေါ်အောင်ဆန်းစုကြည်ရဲ့ ဥရောပ ခရီးစဉ်မိန့်ခွန်းတွေမှာ Burma လို့ပဲ ပြောပြော သွားတာဟာ အခြေခံဥပဒေနဲ့ ဆန့်ကျင်နေတယ်လို့ ဆိုပါတယ်။
ရွေးကောက်ပွဲ ကော်မရှင် အလုပ် အရမ်းကြိုးစားပါလားလို့ ချီးကျူးခံရနိုင်သလို၊ Burma လို့ ဒေါ်အောင်ဆန်းစုကြည် ပြောနေတာ ကြာလှပြီဆိုတာ မသိဘူးလား၊ ဘယ်မှာသွား အိပ်ပျော်နေတာလဲ၊ ဘာကြောင့် အခုမှ ကန့်ကွက်ရတာလဲလို့ မေးခွန်းထုတ်ခံရဖွယ် ရှိပါတယ်။
Myanmar လို့ ခေါ်ဖို့ အခြေခံဥပဒေမှာ ပြဋ္ဌာန်းထားတယ် လို့ ကော်မရှင်က ဆိုပါတယ်။ ဗိုလ်ချုပ်ကြီးတွေကလည်း သူတို့ စိမ်ပြေနပြေ စိတ်ကြိုက် ရေးဆွဲထားတဲ့ အခြေခံဥပဒေ ဆိုတာကြီးနဲ့ ကိုင်ကိုင်ပေါက် ရတာကို အင်မတန် အရသာတွေ့ဟန် တူပါရဲ့။
အခြေခံဥပဒေ ဖတ်ဖူးသူတချို့ကလည်း “ပြည်ထောင်စု သမ္မတ မြန်မာနိုင်ငံတော်ဟု ခေါ်တွင်ရမည်” လို့ပဲ ပြဋ္ဌာန်းထားတာ မှန်တယ်၊ The Republic of the Union of Myanmar လို့ အင်္ဂလိပ် ဘာသာပြန်စာအုပ်မှာ ပြဋ္ဌာန်းထားတာလည်း မှန်တယ်၊ ဒါပေမယ့် အခန်း ၁၅ ဆိုတဲ့ နေရာမှာတော့ စကားလုံး တလုံးချင်းရဲ့အဓိပ္ပာယ်ကို “မြန်မာစာဖြင့် ရေးသား ထားချက်များ အပေါ်တွင်သာ အခြေပြုရမည်” လို့ ဆိုနေကြတယ်။
ဒီအတိုင်းဆိုရင်တော့ လွှတ်တော် အစည်းအဝေးတွေ မကြာခင် ပြန်အစပြုတဲ့အခါ အခြေခံဥပဒေထဲက အဲဒီအပိုဒ်ကို တိတိကျကျ ပြင်ဆင် ရေးသားဖို့ ဗိုလ်ချုပ်ကြီးတွေ ပြောဆိုကြတော့မယ့် ပုံပဲ။
နိုင်ငံအမည်ပြောင်းတာဟာ လူထု (သို့မဟုတ် လူထုကိုယ်စားလှယ်တွေ) နဲ့ တိုင်ပင်ဖို့ လိုတယ်လို့ ဒေါ်အောင်ဆန်းစုကြည်က လက်ကိုင်ပြုထားတာ အစိုးရမင်းများလည်း သိမှာပါ။
၁၉၈၉ ခုနှစ်ကစပြီး နိုင်ငံအမည်ကို Myanmar လို့ ပြောင်းလဲခဲ့သူတွေဟာ နေရာတကာ ၀င်ပါပြီး လူတတ်ကြီးလုပ်လေ့ရှိတဲ့ စစ်ဗိုလ်ကြီးတွေပါပဲ။ မြန်မာ နဲ့ ဗမာ၊ Myanmar နဲ့ Burma ဆိုတဲ့ ဝေါဟာရတွေကို မြန်မာပြည်မှာ လွတ်လွတ်လပ်လပ် ဆွေးနွေးငြင်းခုံတာမျိုး မရှိခဲ့ဘဲ စစ်ဗိုလ်ကြီးတွေ သတ်မှတ်ပေးသလိုပဲ ပြောဆိုသုံးနှုန်းခဲ့ရတာ ကြာပါပြီ။
သူတို့ ပြောင်းထားတဲ့ နာမည်၊ သူတို့ သေနတ်နဲ့ချိန်ပြီးဆွဲခဲ့တဲ့ အခြေခံဥပဒေ ဆိုတော့ ဒီလို ကာကွယ်ပြောဆို ရေးသားနေတာဟာ သဘာဝ ခပ်ကျကျပါပဲ။
ဟိုတုန်းကတော့ ဒေါ်အောင်ဆန်းစုကြည်ရဲ့ လှုပ်ရှားပြောဆိုမှုတွေကို ကဏ္ဍကောစ လုပ်တာဟာ အစိုးရသတင်းစာတွေရဲ့ ဂျူတီပေါ့၊ အခု ဒီသတင်းစာများက ဒေါ်အောင်ဆန်းစုကြည်ကို မဝေဖန်တော့ဘူး ဆိုတော့ ဒီတာဝန်ကို ရွေးကောက်ပွဲ ကော်မရှင်ကပဲ ယူတော့မယ့် သဘောများလား၊ ဒီလိုလည်း မဟုတ်လောက်ပါဘူးလို့ ထင်ရတာပါပဲ။
ကော်မရှင်ရဲ့ ထုတ်ပြန်ချက်ကို ဖတ်ပြီး စဉ်းစားမိတာတွေ ရေးလိုက်တာပါ။ အလုပ်မရှိ အဝှာ သန်းရှာတယ်ပဲ ဆိုဆို ပေါ့လေ။ ဝေါဟာရ ပိုင်းဆိုင်ရာ ငြင်းခုန်လိုပေမယ့် ဒီလိုငြင်းခုန်ခွင့် ရှိမရှိ အခြေခံဥပဒေကို ဖင်ပြန်ခေါင်းပြန်၊ အထပ်ထပ်အခါခါ မွှေနှောက်ပြီး ပြန်လည်ဖတ်ရှု လိုက်ပါဦးမယ်။

အံ့မခန်း ဖြစ်လာသော မြန်မာပြည်

ကမ္ဘာမှာ အိုင်တီနည်းပညာတွေ တိုးတက်လာတာနဲ့အမျှ မြန်မာပြည်ကလည်း နောက်ကချန်မနေဘဲ အမီလိုက်နေတာကို တွေ့နေရပါတယ်။
အရင်ကဆို မြန်မာတွေဟာ ရပ်ကွက်ကြို ရပ်ကွက်ကြား၊ ဘတ်စ်ကားပေါ်နဲ့ ငါးစိမ်းတန်းလို နေရာတွေမှာပဲ အော်ဟစ်ဆဲဆို ရန်ဖြစ်ကြပေမယ့် အခုဆိုရင် အဆင့်မြင့်မြင့် အင်တာနက်ပေါ်ကနေ ဆဲကြ၊ ရန်ဖြစ်ကြတာကို ကျယ်ကျယ်ပြန့်ပြန့် မြင်တွေ့နေရပါပြီ။
ဒီလို ဆဲရာ၊ ရန်ဖြစ်ရာမှာလည်း အရင်လို တရပ်ကွက်လောက် ကြားရုံ ဟိုဘက်အိမ်ကနေ ဒီဘက်အိမ်၊ ဟိုဘက်လမ်းကနေ ဒီဘက်လမ်းနဲ့တင် ဖြစ်ကြတာ မဟုတ်တော့ဘဲ မြန်မာပြည်ကနေ အမေရိကန်၊ အင်္ဂလန်ကနေ စင်ကာပူ၊ မလေးရှားကနေ တောင်အာဖရိက၊ ထိုင်းနိုင်ငံကနေ ရုရှား စသည်ဖြင့် နိုင်ငံတကာလှည့်လည် ရန်ဖြစ်နေတာကို တွေ့ရတဲ့အတွက် ကမ္ဘာမှာ မြန်မာဟေ့ဆိုပြီး ဂုဏ်ယူမယ်ဆို ဂုဏ်ယူလို့ရတဲ့ အနေအထား တရပ်ဖြစ်နေပါတယ်။ ဒါဟာ ဖြစ်ပေါ်တိုးတက်လာတဲ့ နည်းပညာကို မြန်မာတွေလည်း အကျိုးရှိရှိ ပါဝင်အသုံးချနေကြတယ်လို့ ဆိုရမှာပါ။
အင်တာနက် လူမှုကွန်ရက်တွေနဲ့ အိုင်တီနည်းပညာတွေကို မြန်မာတွေ အကျိုးရှိရှိ အသုံးချရာမှာ နည်းပညာ ဖြန့်ဝေမှုတွေကိုလည်း သူ့ထက်ငါ ပြုလုပ်လာတာ တွေ့ရပါတယ်။ အဲဒီလို ဖြန့်ဝေတဲ့အတွက် နိုင်ငံတကာမှာ ဘယ်သူမှ မသုံးသေးတဲ့ ဆဲနည်းတွေဟာ ကျမ်းတစောင် ပြုစုနိုင်လောက်တဲ့အထိ ကမ္ဘာနဲ့အဝန်း ပြန့်နှံ့နေပါပြီ။ ဒီလို အမျိုးမျိုးအဖုံဖုံ ဆဲနေကြတာကို ကြည့်ခြင်းအားဖြင့် မြန်မာပြည်သူတွေဟာ စိတ်ခံစားမှု အားကောင်းတယ်လို့ ကြံဖန်ဂုဏ်ယူလို့ရပါတယ်။ တချို့နိုင်ငံတွေဆို ခံစားမှုတွေမရှိတော့ဘဲ စက်ရုပ်ဆန်လာတဲ့အတွက် စိုးရိမ်စရာအခြေအနေနဲ့ ရင်ဆိုင်နေရတယ်လို့ ပညာရှင်တွေက သုံးသပ်ကြတာကိုး။
ဆွေးနွေးပွဲကြီးတွေ၊ ဖိုရမ်ကြီးတွေ၊ ဒီဘိတ်တွေဟာလည်း လူမှုဆက်သွယ်ရေး ကွန်ရက်တွေမှာ နင်ပဲငဆ အပြိုင်အဆိုင် ကျင်းပနေကြတာ အားရစရာ ကောင်းလှပါတယ်။
ဆက်ရရင် တိုးတက်လာတဲ့ နည်းပညာကို၊ လူမှုဆက်သွယ်ရေး ကွန်ရက်တွေကို အကျိုးရှိရှိ အသုံးချရာမှာ ကမ္ဘာမှာ မြန်မာဟေ့လို့ လက်သီးလက်မောင်းတန်း ကြွေးကြော်နိုင်တဲ့အထိကို တိုးတက်လာတာဟာ ဝမ်းမြောက်ဖွယ်လို့ ပြောလို့ ရနေပါတယ်။
ဥပမာအားဖြင့် လူမှုကွန်ရက်တခုမှာ သင်ဟာ “ခေါင်းကိုက်တယ်” လို့ တင်လိုက်တာနဲ့ အားလုံးဝိုင်းပြီး ဘာဆေးသောက်လို့ ညွှန်းကြပါလိမ့်မယ်။ “ဗိုက်ဆာလိုက်တာ” လို့ ရေးလိုက်ပြန်ရင်လည်း ချက်ချင်း စားသောက်ဖွယ်ရာ ဓာတ်ပုံတွေ သင့်ရှေ့ကို ရောက်လာပါလိမ့်မယ်။ “စိတ်ညစ်လိုက်တာ” လို့များ ပြောလိုက်လို့ကတော့ အားလုံး ဝိုင်းပြီး ကိုယ့်ကိုယ်ကိုယ် သတ်သေချင်စိတ် ပေါက်သွားတဲ့အထိ ပြောကြဆိုကြ၊ ဝေဖန်ကြ၊ ဖျောင်းဖြကြပါလိမ့်မယ်။
ဒါတင်ပဲလား ဆိုတော့ မကပါဘူး။ “ဘာဟင်းကို ဘယ်လိုချက်ရလဲဟင်” လို့ တခွန်းလောက် မေးလိုက်တာနဲ့ ဗားရှင်း အမျိုးမျိုးသော ချက်နည်းပြုတ်နည်းတွေဟာ သင့်ရှေ့ကို စက္ကန့်မဆိုင်းဘဲ ရောက်လာပါလိမ့်မယ်။
အခုဆို ရခိုင်ပြည်နယ် ပဋိပက္ခလို အရေးအခင်းတွေ ပေါ်လာတော့လည်း မနုဿဗေဒပညာရှင်တွေ၊ နိုင်ငံရေးဂုရုတွေ လက်မှိုင်ချရလောက်အောင် ဆွေးနွေးငြင်းခုန်၊ ရန်ဖြစ်၊ မနိုင်ရင် အုပ်စုဖွဲ့ပြီး ချနေတာကတော့ စစ်ပွဲတပွဲအလား အောက်မေ့ရပါတယ်။
အဲဒီလို စက္ကန့်နဲ့အမျှ နည်းပညာကို ကမ္ဘာနဲ့ရင်ပေါင်တန်းပြီး မြန်မာပြည်သူတွေ အသုံးချနေ ကြတဲ့အချိန်မှာ နိုင်ငံတော်ကလည်း အားကျမခံ နည်းပညာအသစ်တွေကို ခေတ်မီအိုင်တီ ကွန်ရက်တွေ အသုံးမပြုနိုင်တဲ့ ပြည်သူပြည်သားတွေအတွက် ဖြန့်ဝေပေးနေတာ ကျေနပ်စရာ တွေ့နေရပါတယ်။ မြန်မာပြည်သူပြည်သားတိုင်း အင်တာနက် မသုံးနိုင်သေးပေမယ့် သန်းပေါင်းများစွာသော မြန်မာပြည်သူတွေဟာ သတင်းစာတော့ ဖတ်ကြတယ်လို့ အတည်မပြုနိုင်တဲ့ ပြန်ကြားရေးဝန်ကြီးဌာန သတင်းများအရ သိထားရပေတာကိုး။
လတ်တလောမှာပဲ နည်းပေးလမ်းညွှန်ချက် နှစ်ရပ်ကို နိုင်ငံတော်က စေတနာနဲ့ လျှို့ဝှက်မှုမရှိဘဲ အံ့မခန်း ပြောပြလိုက်တာ အင်တာနက်ထက် ထိရောက်တဲ့ သတင်းစာတွေထဲမှာ တွေ့ကြရမှာပါ။
အဲဒီ နည်းပညာတွေဟာ အရမ်းအရမ်းကို ခေတ်မီပြောင်မြောက်လွန်းတဲ့အတွက် အင်တာနက် အသုံးပြုသူတွေကလည်း မနေနိုင်ကြပါဘူး။ သူတို့ကနေတဆင့် ကမ္ဘာအရပ်ရပ်ကို ပြန့်နှံ့အောင် ဖြန့်ဝေလိုက်ကြပါပြီ။ အိမ်နီးချင်းနိုင်ငံတွေရော ကမ္ဘာ့နိုင်ငံ အရပ်ရပ်ကပါ ချီးကျူး အတုယူရလောက်တဲ့ ဒီနည်းပညာတွေကို ဖော်ပြချင်ပါတယ်။
ပထမတခုကတော့ လက်ကိုင်ဖုန်းကို အကျိုးရှိရှိ အသုံးချနည်းဖြစ်ပါတယ်။ ဒီနည်းဟာ ကမ္ဘာမှာ ဘယ်သူမှ မသုံးသေးတဲ့ နည်းဖြစ်ပါတယ်။ လက်ကိုင်ဖုန်း အသုံးပြုသူတွေ အနေနဲ့ စာအုပ်၊ ဘောလ်ပင်ဆောင်ထားပြီး လူတကာဆီကနေ ဖုန်းနံပါတ် လိုက်တောင်းရမယ်၊ ဖုန်းကို ကြွားဖို့အတွက် ကိုင်ရုံ ကိုင်မထားဘဲ များများဆက်ရမယ် ဆိုတာကို သတင်းစာကတဆင့် ပြည်သူတွေကို အသိပညာ ဖြန့်ဝေပေးလိုက်တာပါ။ အဲဒီ လမ်းညွှန်မှုကို စင်ကာပူအစိုးရက တွေ့သွားပြီး ဖုန်းသိပ်မဆက်ဘဲ SMS တွေပဲ ပို့ပို့နေတတ်တဲ့ သူတို့နိုင်ငံသားတွေကို လွှတ်တော်ကဆင့် ဖုန်းများများဆက်ကြဖို့၊ မြန်မာနိုင်ငံကို အတုယူဖို့ ပြောကြားလာဖွယ်ရှိကြောင်း ပညာရှင်တွေက သုံးသပ်နေကြပါတယ်။
နောက်တခုက ပိုအရေးကြီးပါတယ်။ အာဆီယံနိုင်ငံတွေနဲ့တကွ ဖွံ့ဖြိုးဆဲနိုင်ငံတွေ အတုယူရမယ့် ကိစ္စပါ။ အဲဒါကတော့ ကမ္ဘာနဲ့အဝန်း ပညာရှင်တွေ သိပ်ကို သိချင်နေကြတဲ့ ဆင်းရဲမွဲတေမှု ပပျောက်ရေး လျှို့ဝှက်ချက်ကြီး ဖြစ်ပါတယ်။ ဘယ်သူမှ မသိသေးတဲ့နည်းကို နိုင်ငံပိုင် သတင်းစာတွေကတဆင့် ဖော်ထုတ်ပေးလိုက်တဲ့အတွက် နောက်တကြိမ်ကျင်းပမယ့် ကမ္ဘာ့ အီကိုနောမစ် ဖိုရမ်က မြန်မာသမ္မတကို ဖိတ်ကြားပြီး စာတမ်းဖတ်ခိုင်းဖုိ့ အစီအစဉ်ရှိနေပါတယ်။ မကြာသေးခင်က ထိုင်းနိုင်ငံမှာ ကျင်းပသွားတဲ့ အီကိုနောမစ် ဖိုရမ်က ဒီနည်းပညာကို မမီလိုက်တဲ့အတွက် ပညာရှင်တွေ တောက် တခေါက်ခေါက် ဖြစ်နေတယ်လို့ အတည်မပြုနိုင်တဲ့ သတင်းရပ်ကွက်က ကြားသိရပါတယ်။
နောက်တကြိမ်ကျင်းပမယ့် အီကိုနောမစ် ဖိုရမ်မှာ မြန်မာပညာရှင်တွေအစား သမ္မတကြီး ဖတ်ကြားမယ့် စာတမ်းခေါင်းစဉ်ကတော့ “ဆင်းရဲမွဲတေမှု ပပျောက်ဖို့ အောင်ဘာလေထီ များများ ထိုးကြစို့” လို့ အမည်ရပါတယ်။
သမ္မတကြီး မဖတ်ကြားခင်မှာ ဒီစာတမ်းဟာ မြန်မာအင်တာနက် သုံးစွဲသူများ ကျေးဇူးကြောင့် ကမ္ဘာအရပ်ရပ်ကို ပြန့်နှံ့သွားပါပြီ။
နိုင်ငံတော်အစိုးရရဲ့ စေတနာနဲ့ နောက်ထပ် ဖြန့်ဝေမယ့် နည်းပညာသစ်တခုကတော့ “မီးမလာရင် ဖရောင်းတိုင်ထွန်းပါ” ဆိုတဲ့ နည်းပညာဖြစ်သင့်ပေမယ့် ဒီနည်းပညာကို သမ္မတ အကြံပေးတယောက်က သတင်းစာထက် ဦးအောင် ပြောပြီးသားမို့ သတင်းစာကနေ အကျယ်တဝင့် မဖော်ပြတော့ဘူးလို့ သိရပါတယ်။
(Satire ခေါ် သရော်စာ ကဏ္ဍ ဖြစ်ပါသည်။ သတင်း အချက်အလက် အမှန်များအပေါ် အခြေခံ ရေးသားထားခြင်း မဟုတ်ပါ။)

မျှော်သာမျှော်သည် မယုံကြည် …

ပြောပြန်ရင်လည်း အောင်မင်းတို့ လွန်ရာကျဦးမယ် … အဲ ဝန်မင်းရေ … ဆောရီးဗျာ … ဆောရီး … သူ့ဘာသာ တထိန်းထိန်း နဲ့ ငြိမ်းချမ်းရေး ဆင်နွှဲနေတဲ့ ရထားဝန်ကြီးကို ရွဲ့ချင်တဲ့ စိတ်နဲ့ ရေးတာမဟုတ်ပါဘူး။ ဘယ့်နှယ် မြန်မာစကားထဲ အောင်မင်း ဆိုတာကြီးက ပါလာသလဲ ဆိုတာ ကိုတာတေလည်း လင်ဂွစ်စတစ် သုတေသီ မဟုတ်လေတော့ ပြောတတ်ဘူးဗျား။ ကဲ … ကိုတာတေကနေ ကိုလျှာရှည် ဖြစ်တော့မယ်။ တော်ကြာ လွှတ်တော်ထဲ ဆဒ္ဒန်ဆင်မင်းဇာတ် ခင်းတဲ့ ဝန်မင်းကြီးလို အားလုံးက ဝိုင်းသမတာ ခံနေရမှဖြင့်။
အဟုတ်ကို … ပြောပြန်ရင်လည်း ကိုတာတေတို့ လွန်ရာကျဦးမယ်။ ကြည့်လေ … ဇွန်လ တလလုံး မိုးအေးအေးနဲ့ ကွေးမလား ဆို ရင်ထဲမှာ လှပ်လှပ်လှပ်လှပ်နဲ့ ကွေးလို့မရ၊ ထိုင်လို့မရ … ဆရာမကြီး ကြည်အေး ကဗျာလေး ငှားရွတ်ရရင် အိပ်ရာ တွေလည်း ကြေမွတွန့်လိပ် သိပ်စိတ်ညစ်တယ် … ပေါ့ … ဆရာမကြီးကတော့ တကယ်ညစ်မညစ် မသိဘူး၊ ကိုတာတေကတော့ ပျော်တာကို သူများ အမြင်ကတ်မစိုးလို့ ဟန်လုပ်ပြီး ညစ်ချင်ယောင် ဆောင်တာပါ။
မဒမ်တေက ကိုတာတေ့ မချိုမချဉ်မျက်နှာကို ကြည့်ပြီး “တော့်ငယ်ရည်းစားနဲ့ facebook ပေါ်မှာ ပြန်တွေ့ရလို့ ကြည်နူးနေတာ မဟုတ်လား” ဆိုတဲ့ မသင်္ကာမျက်လုံးတွေနဲ့ ရန်ရှာလို့ မနည်းကို ရှင်းပြထားရတာ။ “မဟုတ်ရပါဘူးကွယ် … ယူရို ၂၀၁၂ မှာ စပိန် ဖလားရသွားလို့ပါ” ဆိုပြီး သူနားမလည်တဲ့ ဘောလုံး ဝေါဟာရတွေနဲ့ ကြိတ်မှ ငြိမ်သွားတော့တာ။ ဒါတောင်မှ “ဒါဆို တော် ဘောပွဲနိုင်တယ် မဟုတ်လား၊ ပေး နိုင်တဲ့ ပိုက်ဆံ” ဆိုလို့ ခွကျရသေးတယ်။ စဉ်းစားကြည့်လေ ကိုတာတေက မီဒီယာသမားပါဆို ဘယ်နှယ့် ဘောပွဲလောင်းတတ်မှာတုန်း။ မသကာ ဘောဒိုင်ကိုင်တယ်ဆို တော်သေး။
တကယ်တော့ ဟုတ်သလေ … ဇွန်လကုန်ကစလို့ ကိုတာတေ့တသက် တရုတ်သိုင်းဝတ္ထု အတွဲ ၄၀ စာလောက် ခုတ်နေ ထစ်နေခဲ့တဲ့ စာပေစိစစ်ရေး ဆိုသဟာကြီး ပင်စင်ယူတော့မယ် ဆိုတာကိုး။ မပျော်ရှိမလား။ ကိုတာတေက ဒီမီဒီယာ ဆိုတဲ့ ဟာလေးနဲ့ပဲ လုပ်စားတတ်တဲ့ဟာ။ တချို့ တချို့တွေလို NGO လည်း လုပ်မစားတတ်ဘူးလေ။
အဲ … ပြောရင်းကကို ချော်တောငေါ့ပြန်ပြီ။ အဲသလို ဇွန်တလလုံး ကိုတာတေတို့ မီဒီယာသမားတွေ လည်ပင်း သစ်ကုလားအုပ် ဖြစ်ခဲ့ကြရတာကိုမှ မထောက် … ၊ တကယ်ဆိုရင်တော့ ကုန်းသတ္တဝါထဲမှာ အကြီးဆုံးသော သတ္တဝါကြီးရဲ့ တစုံတရာကို ဝုတ်ဝုတ်လို့ ဟောင်တဲ့အကောင် ခပ်ငယ်ငယ် တကောင်က မျှော်ခဲ့ရတာကိုမှ မထောက် ဆိုပြီး ရေးချင်တာ၊ ကိုတာတေတို့ အယ်ချုပ်ကြီးက ရိုင်းတယ်ဆိုပြီး ငေါက်မစိုးလို့ ရေးတော့ပါဘူး။
ဒီတော့ ကိုတာတေတို့ ဘဝများမှာ မျှော်သာမျှော်သည် မယုံကြည် … ရင်မှာ ဝေဒနာ ပွင့်ခက်အဝါအနီ ဆိုတဲ့ သီချင်းပဲ ညည်းရတော့မယ် ထင်ပါရဲ့။ ရင်မှာ ဝေဒနာကတော့ ပွင့်ခက် အဝါအနီတင်မကဘူး အစိမ်းတွေကော၊ အပြာတွေကော၊ လိမ္မော်၊ ခရမ်း သက်တံရောင်စုံ ကွန့်မြူးနေပြီ … သြော် ဝန်ကြီးရယ် … လုပ်ရက်တယ်။ ဝန်ကြီးတင်မကဘူး ပြန်ကြားရေး တဌာနလုံး လုပ်ရက်တယ်လို့ပဲ ပြောရတော့မှာပဲ။ အေးလေ … ခမျာများမလဲ အိမ်နီးချင်း နိုင်ငံတွေကော၊ ဥရောပတွေကော သူများနိုင်ငံတွေမှာ ဘယ့်နှယ် ခုတ်သလဲဆိုတာ လိုက်လေ့လာနေရတဲ့အတွက် ပေးထားတဲ့ ကတိ မတည်နိုင်သေးတာ ထင်ပါရဲ့လို့ အခုတလော မြန်မာပြည်မှာ ခေတ်စားနေတဲ့ အကောင်းမြင်သမား စတိုင်ဖမ်းပြီး ကိုတာတေ မြင်ကြည့်ချင်ပါတယ်။
သို့သော် …
ဒီသို့သော်က တော်တော့်ကို ခွကျတဲ့ သို့သော်ပဲ။ ကိုတာတေက ဘယ်လိုပဲ အကောင်းမြင်ချင်မြင်ချင် … ရှာကြံမြင်ချင်သော် ငြားလည်း အဲဒီအကောင်းဆိုတာကို ရှာမတွေ့တာ ခက်တယ်။
ကြည့်လိုက်လေ … သမ္မတကြီးကစလို့ ပြည်သူ့လွှတ်တော် ဥက္ကဋ္ဌကြီးအလယ် … မိမိတို့ အဆုံး … အဲ အစိုးရမင်းတွေ လွှင့်တဲ့ မိန့်ခွန်းတွေ နားထောင်ရတာများလို့ ယောင်သွားတာပါ၊ ပြောချင်တာက ပြည်သူတွေ အဆုံး … တတိုင်းလုံး တပြည်လုံး ပြုပြင်ပြောင်းလဲရေး ဆိုတဲ့စကားကို တွင်တွင်ကြီး အသုံးပြုနေတဲ့အချိန်မှာ ဒီ ပြန်ကြာရေး တဌာနတည်း ဘယ့်နှယ် နှာစေးနေရသတုန်း။ ဇွန်လထဲမှာ မိုးမိတာ များသွားလို့လား၊ ဒါမှမဟုတ် ဥရောပရာသီဥတု ပြင်းပြင်းဒဏ် ခံလိုက်ရလို့လား၊ ဒါမှဟုတ် တချို့တချို့သော အရှေ့အာရှတွင်းမှာ လည်ကြတဲ့ ပြန်ကြားရေးမင်းတွေ ခမျာ ညလုံးပေါက် ကာရာအိုကေ ဆိုခဲ့ကြရလို့လား … အဲလေ နှာစေးရောဂါနဲ့တော့ မှားကုန်ပြီ။
ဒီလိုဆိုပြန်တော့ ကိုတာတေက တဘက်သက်ကြီး ပြောသလို ဖြစ်နေပါဦးမယ်။ သူတို့ ခမျာများမှာလည်း ပြုပြင်ပြောင်းလဲရေး ဆိုတဲ့ ရေစီးထဲ စတိတော့ ဝင်မျောကြရှာပါတယ်။ ဘယ်သူမှ သေသေချာချာ မသိလိုက်တဲ့ သတင်းစာ ပြုပြင်ပြောင်းလဲရေး စာတမ်းဖတ်ပွဲဆိုလား တလောက ကျင်းပသွားတာ။ နောက်တခုသော ပြုပြင်ပြောင်းလဲရေးကလည်း ထူးဆန်းပါပေ့၊ မီဒီယာ သမား တွေကို ခေါ်သတိပေးတဲ့သူက ပြန်ကြားရေးဝန်မင်း မဟုတ်ဘဲ ရန်ကုန်တိုင်း ဒေသကြီး ဝန်ချုပ်တဲ့ဗျား၊ ပြောင်းတော့ ပြောင်းကြရှာသား။ အမယ် ညွှန်ချုပ်မင်းကြီး တပါးဆို မြန်မာပြည်တွင်းမှာ ပြောနေကျ စကားတွေ ဥရောပနိုင်ငံတခုကို ပြောင်းပြီး သွားပြောလို့ facebook ပေါ်မှာ ပါးစပ်သေနတ်၊ အဲ လက်သေနတ်တွေနဲ့ တရစပ် အပစ်ခံလိုက်ရပါရောလား။ ဒီတော့လည်း ပြန်ကြားရေးဌာန ပြုပြင်ပြောင်းလဲရေး စိတ်မဝင်စားဘူးလို့ ပြောရမှာ ခက်လှချည်ရဲ့။
သြော် … ခုတော့ ကိုတာတေတို့ဘဝ ဒုံရင်းက ဒုံရင်းပဲ … ဇွန်တလလုံး ပျော်နေခဲ့တဲ့သူက ဇူလိုင်လထဲကို ၂ ရက်ကနေ ၃ ရက် ဝင်တဲ့ထိ ဘာမှ ဖြစ်မလာတော့ မှိုင်ပြီပေါ့။ ဒီတော့လည်း မနေရပါဘူး။ မဒမ်တေက ရောက်လာပြန်တယ်။ “ဘာလဲ ကိုတာတေ … တော့်ကို facebook ထဲက ကောင်မလေးတွေက unfriend လုပ်လိုက်လို့လား” တဲ့။ ဒီမိန်းမနှယ် အိုင်တီခေတ်ထဲ ယောင်တောင်တောင် ဖြစ်လာတဲ့ မီဒီယာသမားရဲ့ မိန်းမ မပြောရဘူး တခုခုဆို ဒီ facebook နဲ့ပဲ ကိုင်ပေါက် နေတော့တာပဲ။ “စိစစ်ရေး မဖြုတ်သေးလို့ဟေ့” လို့ ဘုမှုတ်တော့လည်း သူက မယုံပြန်ဘူး … တဟားဟားရယ်ရင်း တော် စိတ်ကူးယဉ်မနေနဲ့ … တဲ့။ အင်းလေ ဟုတ်တော့လည်း ဟုတ်တာပဲ … ကိုတာတေတို့ မီဒီယာသမားတွေ စာပေစိစစ်ရေးနဲ့ နပန်းလုံး လာတာ တသက်လုံးပဲကို။ ခုမှ ဒင်းမဖြုတ်သေးလို့ ဆိုတဲ့စကားက ယုတ္တိမှ မရှိတာ၊ မဒမ်တေကလည်း ခေသူမှ မဟုတ်ပေဘဲ။
“လာရွှီးမနေနဲ့ … စာပေစိစစ်ရေးဆိုတာ ဘယ်တုန်းက ဖြုတ်ဘူးလို့လဲ၊ ရှင်ဖိန့်ဖိန့်တုန်အောင် ကြောက်တဲ့ ကျမအမေ ရှင့်ယောက္ခမကြီးသာ သေရာက ပြန်ရှင်ချင် ရှင်လာမယ် … အိပ်မက် မက်မနေနဲ့ … ကျမဟင်းချက်မလို့၊ ရှင် ကလေးထိန်း” ဆိုပြီး နှပ်တွဲလောင်းနဲ့ ဂျူနီယာတေကို လက်ထဲထည့်ရင်း တရစပ်ပြောသွားလေရဲ့။ အင်း သမ္မတကြီးကမှ လွတ်ငြိမ်းချမ်းသာခွင့်ကို နည်းနည်းချင်း၊ နည်းနည်းချင်း ပေးဖော်ရသေးတယ် … မဒမ်တေကတော့ ဘယ်လို အယူခံကိုမှ လက်ခံမယ့်ပုံမရဘူး။
ဒီတော့ ဘယ်ရမလဲ … ကိုတာတေတို့ကလည်း ခေသူမှ မဟုတ်ပေဘဲ။ မိန်းမက ကလေးထိန်းဆို … ထိန်းပြီးသား …၊ ငါးပိဟေ့ဆို ကျိုပြီးသား … အဲဒီလို မီးသေချက် ဆိုတော့ ဂျူနီယာတေကို သူ့ကစားစရာတွေ အလယ်မှာ ချထားရင်း ပိုက်ဆံမကုန်တဲ့ အတွေးကို ဆက်နယ်ချဲ့နေလိုက်တယ်။
စဉ်းစားရင်းတွေးရင်း မေးခွန်းလေးတွေ ပေါ်လာပါပကောလား။ ဟေမာနေဝင်းသီချင်း မဟုတ်ရပါဘူး။ တကယ်ပါ … အခုများတော့ သူတို့ ပြန်ကြားရေးက ဟိုဂျာနယ်ကို တရားစွဲလိုက်၊ ဒီဂျာနယ်ကို ယာယီနားလိုက်၊ ဒီစာအုပ်တိုက်ကို ခဏ ပိတ်လိုက်နဲ့ … မင်းသား ခေါင်းဆောင်း ချွတ်ပြ နေကြတာ … ကြည့်ပါဦး။ အစကတော့ ကိုတာတေက တကယ့် ဆင်ဖြူတော်ထင်မိတာ၊ လတ်စသတ်တော့ ခရုသင်းစွဲနေတဲ့ ဆင်မည်းကြီးကိုး။ ကိုတာတေတို့သာ ပုံလာလာပြောတိုင်း ယုံမိနေတာပ။
ဘာတဲ့ ဆူပူလှုံ့ဆော်မှုကို ဖြစ်စေတဲ့ အရေးအသားတွေ၊ ပုံတွေ ကြောင့်ဆိုလား …။ တလောက အယ်ဒီတာမင်းကြီး တပါး တရားစွဲ ခံလိုက်ရ ပါရောလား။ ကိုတာတေ စဉ်းစားမိတယ်။ ဒီအယ်ဒီတာ မင်းကြီးနှယ် တရားရုံးမှာ မေးခွန်းလေး ဘာလေး မထုတ်ဘူးလား … လို့။ ကိုတာတေတော့ မေးကြည့်ချင်တယ်။ သူတို့ ပြန်ကြားရေးက ထုတ်တဲ့ သတင်းစာထဲ ခေါင်းမည်းမည်း ကြီးနဲ့ ရေးထည့်လိုက်လို့ လောင်နေတဲ့မီးခဲ ယပ်ခပ်သလို ဖြစ်ခဲ့ရတာကိုတော့ ဘယ်သူမှ တရားမစွဲကြဘူးလား ဆိုတဲ့ မေးခွန်းပါ။ တကယ်မေးရဲလို့တော့ မဟုတ်ဘူးလေ။ စဉ်းစားရင်းတွေးရင်း မေးခွန်းလေးတွေ ပေါ်လာတာပါ ဆိုမှ။
ဟုတ်တော့လည်း ဟုတ်သား … သတင်းစာ နှစ်ပတ်ပိတ်တို့ … သတင်းစာ ယာယီထုတ်ဝေခွင့် ရပ်ဆိုင်းတို့ ဆိုတဲ့ ဝေါဟာရတွေ မြန်မာ အဘိဓာန်ထဲမှာမှ မရှိပေဘဲ။ ပြီးတော့ ဥပဒေအထက်မှာ ဘယ်သူမှ မရှိဘူး ဆိုပေမယ့် တချို့သော ဝန်မင်းတွေကတော့ နောက်ဖေးပေါက်ကနေ မီးသတ်လှေခါးလေး ထောင်ပြီး ဘယ်သူမှ မသိအောင် တက်ချင်လည်း တက်ကြပေမပေါ့ …။ အဲဒီတော့ ဒင်းတို့က အလျင် ဥပဒေဆိုတာကြီးရဲ့ အထက်ကို ရောက်ချင် ရောက်နေကြ ပေမပေါ့လေ။
မျှော်ရင်းမျှော်ရင်း … ဝေဒနာ ရင်မှာ အပွင့်အခက် ရောင်စုံနဲ့ ဟတ်ကော့ကြီးတွေ ဖြစ်ကြရတာကတော့ ကိုတာတေတို့ မီဒီယာသမား တွေသာပ။

ရခိုင်ပြည်နယ်အနှံ့ နိုင်ငံတော်အလံ လွှင့်ထူ၍ သမ္မတကို ဂုဏ်ပြု

ရခိုင်ပြည်နယ် တ၀န်း၌ သမ္မတ ဦးသိန်းစိန်ကို ထောက်ခံသည့် အထိမ်းအမှတ်အဖြစ် နိုင်ငံတော်အလံကို ဂုဏ်ပြု လွှင့်ထူ ကြိုဆို နေကြကြောင်း သိရသည်။

ရခိုင်ပြည်နယ် တောင်ကုတ်မြို့ ကိုင်းရှည်ရပ်ကွက်အတွင်း နိုင်ငံတော်အလံများ လွှင့်ထူထားစဉ် (ဓာတ်ပုံ – သွေးသစ္စာ facebook မှ)

မြန်မာနိုင်ငံတော်အလံကို စစ်တွေ၊ မြောက်ဦး၊ မင်းပြား၊ မောင်တော၊ ဘူးသီးတောင်၊ ပေါက်တော စသည့် မြို့နယ်များတွင် ဇူလိုင် ၂၁ ရက်နေ့မှ စတင် လွှင့်ထူခဲ့ပြီး တောင်ကုတ်မြို့တွင် ပြီးခဲ့သည့် နှစ်ရက် ခန့်က စတင် လွှင့်ထူထားကြောင်း၊ ကျောက်ဖြူ၊ ရမ်းဗြဲ၊ မာန်အောင် စသည့် မြို့နယ်များ တွင်လည်း လွှင့်ထူရန် ပြင်ဆင်နေကြကြောင်း ရခိုင်ဒေသခံများက ပြောသည်။
သမ္မတ ဦးသိန်းစိန်သည် ကုလသမဂ္ဂ ဒုက္ခသည် များဆိုင်ရာ မဟာမင်းကြီး Mr. Antonio Guterres  နှင့် ဇူလိုင်လ ၁၁ ရက်နေ့ က တွေ့ဆုံစဉ် ရိုဟင်ဂျာ အမည်ခံ ဘင်္ဂါလီလူမျိုးများသည် မြန်မာတိုင်းရင်းသားများ မဟုတ်ဘဲ ခိုးဝင်လာသူများ ဖြစ်ကြောင်း၊ ထို့ကြောင့် ၎င်းတို့အား လက်ခံရန် မဖြစ်နိုင်ကြောင်း၊ UNHCR သို့ အပ်နှံ၍ ဒုက္ခသည် စခန်းများ ဆောက်ပေးပြီး တတိယ နိုင်ငံ က လက်ခံလျင် ပို့ဆောင်ပေး မည်ဖြစ်ကြောင်း ပြောခဲ့သည်။
မြန်မာအစိုးရ အနေဖြင့် တိုင်းရင်းသား လူမျိုးများကို တာဝန်ယူမည်ဖြစ်ပြီး တိုင်းရင်းသား မဟုတ်ဘဲ ခိုးဝင်လာသည့် ဘင်္ဂါလီရိုဟင်ဂျာများကို လက်ခံရန် မည်သို့မျှ မဖြစ်နိုင်ကြောင်း သမ္မတက ပြောခဲ့သော်လည်း UNHCR အကြီး အကဲက ရန်ကုန်မြို့၌ သတင်းစာ ရှင်းလင်းပွဲ ပြုလုပ်စဉ် သမ္မတ၏ ပြောဆိုချက်ကို ပယ်ချခဲ့သည်။
နိုင်ငံတော်အလံကို မော်တော်ကား၊ ဆိုင်ကယ်၊ ဆိုက်ကား၊ စက်ဘီး စသည့် ယာဉ်များနှင့် နေအိမ်များ၌ ဇူလိုင် ၂၂ ရက်နေ့က စတင် လွှင့်ထူ ထားကြကြောင်း၊ အလံလွှင့်ထူခြင်း ကိစ္စကို မည်သည့် နိုင်ငံရေးပါတီ၊ အဖွဲ့အစည်း များကမှ စည်းရုံးခြင်း မဟုတ်ဘဲ ရပ်မိ၊ ရပ်ဘ များ၏ တိုက်တွန်းမှုနှင့် ပြည်သူတို့က မိမိတို့ အသိစိတ်ဓာတ်ဖြင့် လွှင့်ထူခြင်း ဖြစ်ကြောင်း မြောက်ဦး မြို့ခံ ဦးထွန်းလှိုင်က ပြောသည်။
“သမ္မတကြီးက ကိုယ့်တိုင်းရင်းသားတွေ ဘက်က ရပ်တည်ပေးတဲ့ အတွက် ကျေးဇူးတင် ဂုဏ်ပြုတဲ့ အထိန်း အမှတ်ရယ်၊ ကျနော်တို့ ရခိုင်ပြည်သူတွေ ကလည်းပဲ သမ္မတကြီးနဲ့ တထပ်တည်း ရှိတယ်ဆိုတာရယ် ပြသတဲ့ အနေနဲ့ နိုင်ငံတော် အလံကို ၉ ရက် တိတိ လွှင့်ထူ ကြတာပါ” ဟု ၎င်းက ဆိုသည်။
စစ်တွေမြို့၌ နိုင်ငံတော်အလံကို ဇူလိုင်လ၂၁ ရက်နေ့တွင် စတင်လွှင့်ထူထားကြောင်း၊ ပြည်သူ တရပ်လုံးက ပူးပေါင်းပါဝင်မှု ရှိသည် ကိုတွေ့ရကြောင်း၊ သမ္မတ၏ ပြောဆိုချက်ကို အစိုးရ အနေဖြင့်လည်း တရားဝင် ကြေညာချက် ထုတ်ပြန်ပေး သင့်သည်ဟု ရခိုင်ပြည်သူများနှင့် နိုင်ငံရေး အသိုင်းအ၀န်းက လိုလားနေကြကြောင်း သိရသည်။
“သမ္မတ ပြောသလိုပဲ နိုင်ငံတော်အနေနဲ့လည်း ကြေညာချက် တခု အနေနဲ့ ထုတ်ပြန်ရင် ပိုပြီးတော့ ကောင်းမယ် ဆိုတဲ့ အသံတွေကို နိုင်ငံရေး အဖွဲ့အစည်းတွေ၊ လူမှုရေး အဖွဲ့အစည်းတွေ ဆီက ကြားနေရပါတယ်” ဟု ၀ံလက် ကျေးလက် ဒေသ ဖွံ့ဖြိုးရေး ဖောင်ဒေးရှင်း အဖွဲ့ တာဝန်ခံ ဦးခိုင်ကောင်းစံက ပြောသည်။
ရသေ့တောင် မြို့နယ်တွင် အလံလွှင့်ထူမှု မရှိသေးကြောင်း၊ သို့သော် သမ္မတ၏ ပြောဆိုချက်ကို ထောက်ခံသည့် စာများ ရေးသားထားသည့် စာရွက်၊ စာတမ်းများကို ရပ်မိ၊ ရပ်ဘများ၊ လူငယ်များက ပြည်သူများထံ  ဖြန့်ဝေ နေသည်ကို တွေ့ရကြောင်း ရခိုင်တိုင်း ရင်းသားများ တိုးတက်ရေးပါတီ (RNDP) ၏ ရသေ့တောင်မြို့နယ် ဥက္ကဋ္ဌ ဦးလှမြင့်က ရှင်းပြသည်။
ရခိုင်ဒေသ အကြမ်းဖက်မှု စတင်ခဲ့သည့် မောင်တောမြို့နှင့် ဘူးသီးတောင် မြို့တို့တွင်လည်း နိုင်ငံတော် အလံလွှင့်ထူခြင်းကို ဇူလိုင် ၂၁ ရက်နေ့က စတင်ခဲ့ကြောင်း၊ ထိုဒေသများ၌ ယခုအခါ တည်ငြိမ်စ ပြုနေပြီ ဖြစ်သည့်တိုင် စာသင်ကျောင်းများ ဖွင့်လှစ်နိုင်ခြင်း မရှိသေးကြောင်း ဘူးသီတောင် မြို့ခံ ဦးထွန်းအောင်သိန်းက ပြောသည်။
“ကျောင်းတွေ ပိတ်ထားတာ ၂ လ ပြည့်တော့မယ် ဆိုတော့ သြဂုတ်လ ထဲမှာ ပြန်ဖွင့်နိုင်အောင် အာဏာပိုင်တွေနဲ့ ညှိနှိုင်း နေပါတယ်၊ ဆရာ ဆရာမတွေနဲ့ ကျောင်းသားတွေ လုံခြုံရေး အပြည့်အ၀ ရရှိရေး အတွက်ပါ” ဟု ၎င်းက ဆိုသည်။
မောင်တောနှင့် ဘူးသီးတောင် မြို့တို့ရှိ စာသင်ကျောင်းများ အားလုံးကို ဇွန်လဆန်းမှ စတင်ပိတ်ထားခြင်း ဖြစ်ပြီး ဆရာ၊ ဆရာမ များသည် လုံခြုံရေး စိတ်မချရသည့် အတွက် ထိုဒေသ၌ တာဝန်ထမ်းဆောင်ရန် စိုးရိမ်နေဆဲ ဖြစ်ကြောင်း သိရသည်။
စစ်တွေမြို့ရှိ စာသင်ကျောင်း အများစုမှာ ပြန်လည် ဖွင့်လှစ် သင်ကြားနေပြီ ဖြစ်ကြောင်း၊ နည်းပညာ တက္ကသိုလ်၊ ကွန်ပျူတာ
တက္ကသိုလ်တို့လည်း ပြန်လည် ဖွင့်လှစ်နေပြီ ဖြစ်ကြောင်း၊ ကျောင်းကားများတွင် လုံခြုံရေးများ လိုက်ပါပေးနေကြောင်း၊ စစ်တွေတက္ကသိုလ်ကို သြဂုတ်လ ၃ ရက်နေ့တွင် ဖွင့်လှစ်နိုင် စီစဉ်နေကြောင်း ရခိုင်ဒေသ ပဋိပက္ခများနှင့် ပတ်သက်၍ ဖွဲ့ စည်း ထားသော ပြန်ကြားရေးအဖွဲ့ တာဝန်ခံ ဦးဝင်းမြိုင်က ပြောသည်။
ရခိုင်ပြည်နယ် ပဋိပက္ခများကြောင့် ဒုက္ခသည် စုစုပေါင်း ၆ သောင်းကျော် ရှိနေရာ အရေးပေါ် အကူအညီနှင့် ပြန်လည် ထူထောင်ရေး အကူအညီများ လိုအပ်လျှက်ရှိကြောင်း နယ်စပ်ရေးရာ ၀န်ကြီးဌာနနှင့် မြန်မာ့စက်မှု ဖွံ့ဖြိုးရေး ၀န်ကြီးဌာန ပြည်ထောင်စု ၀န်ကြီး ဒုတိယ ဗိုလ်ချုပ်ကြီးသိန်းဌေးက ယနေ့ နေ့လယ်တွင် ကျင်းပခဲ့သည့် သတင်းစာ ရှင်းလင်းပွဲတွင် ပြောဆိုခဲ့သည်။
အဆိုပါ သတင်းစာ ရှင်းလင်းပွဲကို ရန်ကုန် ပြည်လမ်းရှိ နိုင်ငံခြားရေး ၀န်ကြီးရုံအဆောက်အအုံတွင် ကျင်းပပြီး ကုလသမဂ္ဂ ဆိုင်ရာ လူ့အခွင့်အရေး ကိုယ်စားလှယ် မစ္စတာ ကင်တာနား၊ ရန်ကုန်အခြေစိုက် နိုင်ငံတကာ သံရုံးများ၊ကုလသမဂ္ဂ အဖွဲ့အစည်း များနှင့် အပြည်ပြည်ဆိုင်ရာအဖွဲ့အစည်းများမှ အကြီးအကဲများ တက်ရောက်ခဲ့ပြီး သတင်းစာရှင်းလင်းပွဲတွင် ဒုတိယဗိုလ်ချုပ်ကြီးသိန်းဌေးက ပဋိပက္ခများသည် ဘာသာရေး အစွန်းရောက်များ၏ လှုံ့ဆော်မှုများကြောင့် ဖြစ်ပြီး ရခိုင်နှင့် ဘင်္ဂါလီ လူ့အဖွဲ့အစည်း နှစ်ခုစလုံးသည် ငြိမ်းချမ်းစွာ နေလိုကြကြောင်း ပြောဆိုခဲ့သည်ဟု သိရသည်။
မောင်တောဒေသ ပဋိပက္ခများကြောင့် နေအိမ်များ မီးလောင်ကျွမ်းခဲ့ရသည့် ဒေသခံ တိုင်းရင်းသားများသည် မြို့ပေါ်ရှိ ဘုန်း ကြီးကျောင်းများနှင့် အလယ်သံကျော် ဘုန်းကြီးကျောင်း တို့တွင် ကူညီစောင့်ရှောက် ပေးထားကြောင်း၊ ၎င်းတို့အတွက် စားနပ် ရိက္ခာ လိုအပ်နေကြောင်း ဒုက္ခသည်အရေး ကူညီဆောင်ရွက်ပေးသူ ဦးခိုင်ကောင်းစံက ဆိုသည်။
အ၀တ်အထည်၊ စောင်၊ ခြင်ထောင်၊ ဆန် စသည့် ပစ္စည်းများ အတိုင်းအတာတခုအထိ လုံလောက်မှု ရှိနေပြီ ဖြစ်ကြောင်း၊ အသီးအရွက်၊ ငါးခြောက် စသည့် စားသောက်ကုန်များနှင့် အိပ်စရာ အခင်းများ လိုအပ်နေသေးကြောင်း ၎င်းက ဆက်ပြောသည်။
ရခိုင်ဒေသတွင်း ပဋိပက္ခများကြောင့် လူ ၈၀ ၀န်းကျင် သေဆုံးခဲ့ပြီး ရာဂဏန်း ထိခိုက်ဒဏ်ရာရကာ သောင်းချီ၍ အိုးမဲ့ အိမ်မဲ့ ဖြစ်ခဲ့ကြောင်း သိရသည်။ ထိုပဋိပက္ခများ၊ အကြမ်းဖက်မှုများကြောင့် စစ်တွေ၊ ဘူးသီးတောင်၊ မောင်တော၊ ကျောက်ဖြူ၊ ရမ်းဗြဲ၊ သံတွဲ စသည့် မြို့နယ်များတွင် ညမထွက်ရ အမိန့် ပုဒ်မ ၁၄၄ ကို သမ္မတ ဦးသိန်းစိန် က ဇွန်လ ၁၀ ရက်နေ့တွင် ကြေညာ ခဲ့သည်။ ရခိုင်ပြည်နယ်ကို ထိုနေ့မှ စ၍ အရေးပေါ် အခြေအနေလည်း ထပ်ဆင့် ကြေညာခဲ့သည်။
ရခိုင်ဒေသ ပဋိပက္ခ တလ ပြည့်မြောက်သည့် ဇူလိုင် ၈ ရက်နေ့တွင် စစ်တွေမြို့အပါအ၀င် ရခိုင်ဒေသ တ၀န်းလုံး၌ သေဆုံးခဲ့ ရသူ များအတွက် ၀မ်းနည်းခြင်းနှင့် ငြိမ်းချမ်းရေး အထိမ်းအမှတ် အဖြစ် သာသနာ့ အလံများလွှင့်တင်၍ ဂုဏ်ပြု ခဲ့ကြ သေးသည်။

“အမျိုးသားရေးဟာ ဆားလိုပဲ”

၈၈ မျိုးဆက် ကျောင်းသားများအဖွဲ့ဟာ မကြာသေးမီက ရခိုင်ပြည်နယ် ပဋိပက္ခဒေသတွေကို သွားရောက်ပြီး လိုအပ်နေသူ တွေကို အကူအညီပေးတာ၊ အားပေးနှစ်သိမ့် စကားတွေပြောတာတွေ အပြင် အချက်အလက် ရှာဖွေရေးတွေလည်း လုပ်ဆောင်ခဲ့ ကြပါတယ်။ ၈၈ မျိုးဆက် ကျောင်းသားခေါင်းဆောင် တဦးဖြစ်တဲ့ ကိုကိုကြီးကို ရခိုင်ပြည်နယ် ခရီးစဉ်နဲ့ ပတ်သက်ပြီး ဧရာဝတီ သတင်းထောက် လင်းသန့်က ဆက်သွယ်မေးမြန်း ထားပါတယ်။

ရခိုင်ပြည်နယ် အလယ်သံတောင် ကျေးရွာရှိ ဒုက္ခသည်စခန်းတွင် နေထိုင်သူတဦးကို နှစ်သိမ့်နေသည့် ကိုကိုကြီး (ဓာတ်ပုံ – ၈၈ မျိုးဆက်ကျောင်းသားများ facebook မှ)

မေး။     ။ ရခိုင်ပြည်နယ် ပဋိပက္ခဖြစ်တဲ့နေရာတွေဆီ သွားပြီး ပြန်လာတဲ့ ကိုကိုကြီး အနေနဲ့ ဟိုက အတွေ့အကြုံတွေကို ပြောပြပေးပါ။
ဖြေ။    ။ စစချင်းတော့ စစ်တွေပေါ့။ စစ်တွေ ရောက်တော့ ရခိုင် ဒုက္ခသည် စခန်းတွေကိုသွားပြီး အားပေးခဲ့တယ်။ အဲဒီမှာ ရခိုင် ဒုက္ခသည် စခန်းတွေကတော့ ဘုန်းကြီးကျောင်း တွေရယ်၊ စာသင်ကျောင်းတွေမှာရယ် လောလောဆယ် ဒုက္ခသည် တွေကို နေရာ ချထားပေးတယ်။ သူတို့တွေနဲ့ တွေ့ဆုံပြီးတော့ အများပြည်သူ လှူလိုက်တဲ့ ငွေတွေထဲက စခန်းတခုကို ကျပ် ၅ သိန်းစီ လိုက်ပြီးလှူဒါန်းခဲ့တယ်။ ပြီးတော့ သူတို့ကိုလည်း အားပေးနှစ်သိမ့် ခဲ့တယ်။
စစ်တွေမှာ ညအိပ်ပြီးတော့ နောက်နေ့မှာ ဘူးသီးတောင် မောင်တောကို တောက်လျှောက် သွားတယ်။ မောင်တောမှာ ကျတော့ အခြေအနေက တမျိုး။ မောင်းတောမှာ အများစုက ဘင်္ဂါလီတွေ ချည်းပဲ ဖြစ်နေတယ်။ အဲဒီနား ရှိသမျှ ရွာတွေ အားလုံးက ဘင်င်္ဂါလီရွာတွေချည်းပဲ။ မြို့ပေါ်မှာ ရခိုင်အနည်းအကျဉ်းပဲ ရှိတယ်။ အဲဒီမှာ မြို့ခံတွေ ပြောသလောက် ကတော့ ၉၇ ရာခိုင်နှုန်းလောက်က ဘင်္ဂါလီတွေ။
နောက်တော့ ရခိုင်ရွာတွေ မီးရှို့ဖျက်ဆီးခံရတာတွေ သွားကြည့်တယ်။ သူတို့အနေနဲ့က စိတ်ပိုင်းဆိုင်ရာမှာ လုံခြုံမှု မရှိတော့တဲ့ အခြေအနေမျိုးတွေ ဖြစ်နေတယ်။ နောက်ဆုံး မောရ၀တီရွာဆိုရင် တရွာလုံး မီးရှို့ ဖျက်ဆီး ခံရတယ်။ အဲဒီမှာ ဘုန်းကြီးကျောင်းလည်း ဖျက်ဆီး၊ သတ်ဖြတ် မီးရှို့တာတွေ ခံခဲ့ရပြီးတော့ အလယ်သံပြာရွာမှာ ကွပ်ကဲရေး စခန်းပေါ့။ ကျောင်းဝန်းထဲမှာ ဒုက္ခသည်တွေ နေရာချထား ပေးထားတယ်။
အဲဒီလိုပဲ နောက်တနေရာမှာ ကျတော့လည်း စာသင်ကျောင်းထဲမှာ တွေ့တဲ့ ဟာတွေက တရွာလုံး ဖျက်ဆီးခံရလို့  ရောက်နေတဲ့ ရခိုင်မိသားစုတွေ၊ ကလေး လ သားလေးတွေပါ ပါတယ်။ သူတို့တွေအားလုံး တညလုံးလုံး တောထဲမှာ မေယုတောင်တွေကို ကျော်ပြီး ပုန်းအောင်းနေခဲ့ရတဲ့ အခြေအနေမျိုးတွေလည်း ရှိတော့ တော်တော်တော့ စိတ်ထိခိုက်စရာ ကောင်းတာပေါ့လေ။
နောက် ပိုဆိုးတာက လုံခြုံရေး တပ်စခန်းတွေ ရှိတဲ့နေရာ အနားမှာတင် အဲဒီလို မီးရှို့ဖျက်ဆီး နေတာတွေကို မတားဆီး နိုင်ခဲ့တဲ့ အပေါ်မှာလည်း ဒေသခံတွေက အမြင်မကြည်ဘူး။ ရခိုင်အမျိုးသားကြီး တယောက်ဆိုရင်လည်း သူတို့ မွေးတဲ့မြေ ဒီမြေ ဒီရေမှာ သူတို့ ဒီလိုနေနေရတာ ကိုယ်နှိုက်က သူတို့အနေနဲ့ တာဝန်တခုလိုမျိုး ကျားကုတ်ကျားခဲ ရပ်တည်နေရတာ ဖြစ်တယ် ဆိုတဲ့အကြောင်း ပြောပြီးတော့ မျက်ရည်ပါ ကျတယ်။ မချိတင်ကဲနဲ့ ဖြစ်နေရတာကို ကျနော်တို့လည်း စိတ်ထိခိုက်တယ်။ အဲဒါကတော့ မောင်းတောက အခြေအနေပေါ့။
စ ဖြစ်တဲ့ နေ့တုန်းကလည်း ၀တ်ပြုတဲ့ ဘင်္ဂါလီတွေက ဗလီထဲက ထွက်လာပြီးတော့ အုပ်စုလိုက် မီးရှို့တာတွေ၊ ဖျက်ဆီး တာတွေ လုပ်တယ်။ ၈ ရက်နေ့ပေါ့။ အဲဒီနေ့က ဗီဒီယိုခွေတွေလည်း ကျနော်တို့ကို ပေးလိုက်တယ်။ ဗီဒီယိုတွေလည်း ပြတယ်။ ဒါက မောင်းတောမှာရှိတဲ့ အခြေအနေတွေ။ ရခိုင်ရွာတွေ ဖျက်ဆီးခံရတယ်။
စစ်တွေကို အပြန်မှာ မွတ်စလင် ဒုက္ခသည် စခန်းတွေကိုလည်း ကျနော်တို့သွားတယ်။ ကျတော်တို့ မရောက်ရောက်အောင် သွားခဲ့တယ်။ အဲဒီတော့ ဟိုမှာက မွတ်စလင် ဒုက္ခသည်တွေကို သီးခြား နေရာချထားပေးရတဲ့ သဘောရှိတယ်။ အဲဒီမှာ ကျတော့လည်း စိတ်ထိခိုက်စရာ ကောင်းတာက မြေကြီးပေါ်မှာတင် ရွက်ဖျင်တဲတွေ ထိုးပြီး နေနေရတယ်။ ဒုက္ခသည် တွေပေါ့။ နောက် ကလေးတွေကလည်း အများကြီးပဲ။ စခန်းတိုင်း စခန်းတိုင်းက လမ်းပေါ်တွေမှာရော၊ ဘာရော၊ ကျပ်ခဲ ပြွတ်သိပ် နေတာပေါ့။ အဓိက ကတော့ လူဦးရေ ပြန့်ပွားနှုန်းနဲ့ ပတ်သက်တဲ့ အကြောင်းချင်းရာ တခုအနေနဲ့ ဒါ ကျနော်တို့ သတိပြုမိတယ်။
ကျနော် မွတ်ဆလင် ဒုက္ခသည် စခန်းက တာဝန်ရှိတဲ့သူတွေနဲ့ရော၊ ရွာခံတွေနဲ့ပါ သက်ကယ်ပြင်ကို ရောက်တော့လည်း ဆွေးနွေးခဲ့တယ်။ အဲဒီမှာလည်း ကျနော် ဘာပြောခဲ့လဲဆိုတော့ ဒီ နိုင်ငံသားနဲ့ ပတ်သက်လို့ကတော့ ဘယ်ဘာသာ ကိုးကွယ်သူပဲ ဖြစ်ပါစေ အားလုံး တပြေးညီပဲ ဖြစ်ရမယ်။ အဲဒီတော့ ဖြစ်နေတဲ့ ကိစ္စဟာ ဘာသာရေး၊ လူမျိုးရေး မုန်းတီးမှု ပုံသဏ္ဍန် မဖြစ်စေရဘူး။ အဲဒီလိုလဲ မမြင်ဘူး။
အဲဒီတော့ နှစ်ပေါင်းများစွာ အကျင့်ပျက် ချစားမှုတွေကြောင့် တရားမ၀င် ၀င်လာတဲ့ ဘင်ဂါလီတွေရဲ့ ပြဿနာဟာ အခုအခြေအနေထိ ဖြစ်လာတယ်ပေါ့။ အဲဒါကို ကျနော်တို့ ရေရှည် အမြော်အမြင်ရှိရှိ၊ ခေါင်းအေးအေးနဲ့ ဖြေရှင်းကြဖို့ လိုမယ်ဆိုတာကို ဒီအတိုင်းပဲ သူတို့ကို ကျနော်ပြောခဲ့တယ်။ ဒါ နိုင်ငံသား အခွင့်အရေး တန်းတူညီမျှမှုနဲ့ ဆိုင်တယ်။ ဒီအထဲမှာလည်း နိုင်ငံသား တယောက်ဖြစ်လာရင် နိုင်ငံတော်ရဲ့ ကျေးဇူး သစ္စာကို စောင့်သိဖို့၊ နိုင်ငံသားတယောက်ရဲ့ တာဝန် ၀တ္တရားတွေကို ထမ်းဆောင်ဖို့၊ ရှိနေတဲ့ လူ့အဖွဲ့အစည်းအတွင်းမှာ လူမှုရေး သဟဇာတ ဖြစ်အောင် နေနိုင်ကြဖို့၊ နောက် ကိုယ့်နောက်ပိုင်း လူငယ်မျိုးဆက်တွေကို ၀ိုင်းပြီးတော့ ထိမ်းကြဖို့ အစရှိသဖြင့် အဲဒါတွေ သူတို့ကို ပြောခဲ့တယ်။
ရခိုင်တိုင်းရင်းသားတွေ အနေနဲ့ကလည်း သီးခြားစီ ခွဲနေဖို့ ဆိုတာ ရေရှည်မှာလည်း ဒါ ပုံမှန် အခြေအနေ မဟုတ်ဘူး။ တကယ့်တကယ်က ကျနော်တို့ နိုင်ငံသားတွေ၊ ဘယ်လို ဘာသာပဲ ကိုးကွယ်သည်ဖြစ်စေ အားလုံးက လူမှုရေး သဟဇာတ ဖြစ်အောင် ရေရှည် ချင့်ချင့်ချိန်ချိန်နဲ့ စဉ်းစားကြရမှာ ဖြစ်တယ်ဆိုတာလည်း ပြောခဲ့တယ်။
အဲဒီမှာ စိုးရိမ်စရာ အခြေအနေတခုကို ပြောရမယ်ဆိုရင်တော့ ကျနော် မောင်တောကို ရောက်တဲ့အချိန်မှာ ဒီ ပဋိပက္ခဖြစ်တဲ့ ကာလအတွင်းက ကြွေးကြော်တဲ့ ကြွေးကြော်သံတခု၊ ပါကစ္စတန် ဂျီနာပါးဆိုပြီး ကြွေးကြော်တယ်။ အဓိပ္ပာယ်က ဘာလဲ ဆိုတော့ ပါကစ္စတန်နိုင်ငံ အဓွန့်ရှည်ပါစေ ဆိုတာပဲ။ ဒါ ကျနော်တို့က အမျိုးသားရေးရာ ဆိုရင် နိုင်ငံသား ဖြစ်မှုနဲ့ ပတ်သက်တဲ့၊ အရေးပါတဲ့ ကိစ္စကို ကိုင်တွယ်ဖြေရှင်း ရတဲ့အခါမှာ နိုင်ငံတော်ရဲ့ ကျေးဇူးသစ္စာ စောင့်သိမှု ဆိုတဲ့ အပိုင်းပေါ့၊ အဲဒါလည်းကျနော်တို့ အလေးအနက် ထားရမယ့် အပိုင်းပေါ့။
အဲဒီအခြေအနေတွေကို ကျနော်တို့က ဒေသတွေကို ကိုယ်တိုင်သွားခဲ့၊ ရောက်ခဲ့လို့ မြင်ရတာ။ လူသားချင်း စာနာမှု အရကတော့ ဘေးဒုက္ခ ရောက်နေတဲ့ ဘယ်သူပဲဖြစ်ဖြစ် အားပေးကူညီရမယ်။ တတ်နိုင်သမျှ အစားအသောက်၊ အမိုးအကာတွေ ကျနော်တို့ ဖြေရှင်းပေးရမယ်။ ဒါက လူသားချင်း စာနာမှုအရ တယောက်နဲ့ တယောက်  ထားရမယ့် အရာတခု။ နောက်တခုက နိုင်ငံရေးအရ ဘယ်နိုင်ငံဖြစ်ဖြစ် ကိုယ့်နိုင်ငံရဲ့ လိုအပ်ချက်ဖြစ်တဲ့ လိုက်လျောညီထွေဖြစ်တဲ့ နိုင်ငံသား ဥပဒေဆိုတာ ပြဌာန်းကြရတယ်။ နိုင်ငံတော်ရဲ့ လုံခြုံရေးကို ကာကွယ် စောင့်ရှောက်ကြရတယ်။
ကျနော်တို့မှာက စီးပွားရေးအရလည်း ဆင်းရဲတဲ့ နိုင်ငံဖြစ်တယ်။ နောက်တခါ အမျိုးသား ပြန်လည် သင့်မြတ်ရေးနဲ့ ပတ်သက်ပြီးတော့လည်း ကျနော်တို့က ထိခိုက်ဒဏ်ရာ အနာတရတွေ အများကြီးဖြစ်ခဲ့တဲ့ နိုင်ငံဆိုတော့ ကျနော်တို့ နိုင်ငံ ပြန်လည်ထူထောင်ရေးမှာ ဘက်ပေါင်းစုံကနေ ၀ိုင်းပြီးတော့ စဉ်းစား အဖြေရှာကြဖို့လိုတယ်လို့ မြင်တယ်။ ကျနော်တို့ သွားခဲ့တဲ့ နေရာမှာလည်း အများပြည်သူ လှူဒါန်းလိုက်တဲ့ ငွေ၊ အစားအစာ၊ အ၀တ်အထည်တွေ အားလုံးကို မျှပြီး ကူညီနိုင်ဖို့ ကြိုးစားခဲ့တယ်။
မွတ်ဆလင် ဒုက္ခသည် စခန်းကိုလည်း ကျနော်တို့ ဆန်အိတ်တွေ၊ အ၀တ်အစားတွေ ပြည်နယ်အစိုးရကနေ တဆင့် လှူဒါန်းဖို့ စီစဉ်ခဲ့တယ်။ ရခိုင် ဒုက္ခသည် စခန်းတွေကိုလည်း အလားတူ လှူဒါန်းဖို့ ကြိုးစားခဲ့တယ်။ အဲဒီတော့ လူသားချင်း စာနာမှုဆိုင်ရာနဲ့ ပတ်သက်လို့ကတော့ ဒုက္ခသည်အားလုံးကို အတတ်နိုင်ဆုံး အကူအညီ ပေးဖို့ ကျနော်တို့ ကြိုးစားတယ်။
မေး။    ။ အခု အင်တာနက်ပေါ်မှာ ကိုကိုကြီးပြောတဲ့ စကားဆိုပြီး ဖြန့်နေတာတွေ တွေ့ရတယ်။ ရိုဟင်ဂျာအရေးမှာ တပ်မတော်နဲ့ လက်တွဲ ဖြေရှင်းမယ်လို့ ပြောတယ်ဆိုတာ ဟုတ်ပါသလား၊ ပြောခဲ့ရင် ဘယ်လို ရည်ရွယ်ချက်နဲ့ ပြောခဲ့တာ ပါလဲ။
ဖြေ။    ။ အဲဒီဟာက ၈ ရက်နေ့မှာ ရခိုင်ရွာတွေ ၂၀ လောက် မီးရှို့ဖျက်ဆီး ခံရတယ်။ ဌာနေ ရခိုင်လူမျိုးတွေက နေရပ် တွေကို စွန့်ခွာပြီးတော့ အသက်လုပြီး ပြေးကြရတယ်ဆိုတဲ့ အခြေအနေတုန်းက သတင်းစာရှင်းလင်းပွဲမှာ ကျနော် ပြောခဲ့ တယ်။ ရိုဟင်ဂျာဟာ ကျနော်တို့ တိုင်းရင်းသား လူမျိုး မဟုတ်ဘူးဆိုတာ ကျနော် အတိအလင်း ပြောခဲ့တယ်။ နောက်တခု ကတော့ ကျနော်တို့ဟာ ဒီမိုကရေစီ ကိစ္စ၊ လူ့အခွင့်အရေး ကိစ္စ၊ တို်င်းရင်းသား တန်းတူ ညီမျှရေး ကိစ္စတွေ  ငြင်းခုန် ပြောဆိုနေရတဲ့ အချိန်မှာ တဘက်က အမျိုးသားရေး ပြဿနာမျိုးလို ဖြစ်လာခဲ့မယ်ဆိုရင် ကျနော်တို့က တပ်မတော်နဲ့ပါ ပူးပေါင်း ဆောင်ရွက်ရလိမ့်မယ်လို့ ပြောခဲ့တယ်။ အမျိုးသားရေး ပြဿနာ ဖြစ်ခဲ့ရင်လို့ ကျနော် ရည်ညွှန်းပြီး ပြောဆို ခဲ့တယ်။
အဲဒီလို အမျိုးသားရေး ပြဿနာလိုမျိုး ရင်ဆိုင်လာရပြီ ဆိုရင်တော့ ကျနော်တို့က ကျန်တဲ့ အင်အားစုတွေနဲ့ပါ အားလုံး ညှိနှိုင်းပြီး ပူးပေါင်းဆောင်ရွက် ကြရလိမ့်မယ်ဆိုတဲ့ဟာ ကျနော် ပြောခဲ့တယ်။ အဲဒါက ကျနော် ၈ ရက်နေ့ သတင်းစာ ရှင်းလင်းပွဲ အချိန်တုန်းက ပြောခဲ့တယ်။ ကျနော်တလျှောက်လုံး ရပ်တည်ခဲ့တာလည်း နိုင်ငံသားဆိုတဲ့ အခြေခံ အပေါ်မှာပဲ ရပ်တည်ပြီး ပြောခဲ့တယ်။
မေး။    ။ အခု လူတွေက ပြောဆို ဝေဖန်နေတာတွေ ကြားရပါတယ်။ အခုဖြစ်ရပ်ကြီးရဲ့ နောက်ကွယ်က မရိုးသားမှုတွေနဲ့ ဖန်တီးနေသူတွေ ရှိတယ်၊ ဒီ ထောင်ချောက်ထဲကို တော်တော်များများလည်း သက်ဆင်းမိ နေကြတယ် ဆိုပြီးပြောတယ်၊ ကိုကိုကြီးတို့ ၈၈ မျိုး ဆက် ကျောင်းသားတွေလည်း ဆင်ထားတဲ့ ထောင်ချောက်ထဲ ရောက်နေကြပြီဆိုတဲ့ ဝေဖန်မှု တွေကို ဘယ်လို တုံ့ပြန်ချင်ပါလဲ။
ဖြေ။    ။ ကျနော်တို့ရဲ့ နိုင်ငံရေး ဖြတ်သန်းမှုဟာ ၂၄ နှစ် ရှိခဲ့ပါပြီ။ ပြောရင် ကျနော်တို့ ငွေရတု တိုင်တော့မယ်။ ဆိုတော့ ကောင်းကောင်း နားလည်ပါတယ်။ ဒီလို အသုံးချ ခံရတယ်ဆိုတာ ကျနော်တို့လည်း သူငယ်နှပ်စား မဟုတ်သလို လုပ်နေတဲ့ သူတွေကိုလည်း အထင်အမြင် လွဲစေနိုင်တဲ့ အသုံးအနှုန်းမျိုးတွေ မဖြစ်သင့်ဘူး။
ကျနော်ပြောနေတာလည်း အမျိုးသားရေး ပြဿနာလိုမျိုး ကိစ္စမျိုးမှာ ကျနော်တို့ အားလုံး လက်တွဲ ဆောင်ရွက်ကြဖို့၊ ပူးပေါင်း ဆောင်ရွက်ကြဖို့ လိုတယ်ဆိုတာကိုပဲ အဓိက ထားပြီး ပြောတယ်။ အဲဒီတော့ နိုင်ငံသား ဖြစ်မှုဆိုတဲ့ ကိစ္စဟာ အရေးတကြီး ကိစ္စအဖြစ်နဲ့၊ အဓိက ကိစ္စတခု အဖြစ်နဲ့ ဆောင်ရွက်ကြရတယ်။ ဆိုလိုတာက ကျနော် ခဏခဏ ဥပမာလေး ပြောဖူးတယ်။ အမေရိကန် နိုင်ငံမှာလည်းပဲ မက္ကဆီကို နယ်စပ် လုံခြုံရေးကို ကာကွယ် စောင့်ရှောက်နေရတဲ့ ကိစ္စမျိုး၊ နောက်တခါ အိန္ဒိယမှာ ဆိုရင်လည်း နယ်စပ်မှာ ခြံစည်းရိုးကာပြီးတော့ ခြံစည်းရိုးနားကပ်ရင် ပစ်ချတဲ့ အခြေအနေမျိုးတွေ အထိ ဒီလိုပဲ ဖြေရှင်းကြရတယ်။
တဘက်က လက်တွေ့ နိုင်ငံရေးမှာ နိုင်ငံနယ်နိမိတ်တွေနဲ့ နိုင်ငံရဲ့ အချုပ်အခြာ၊ အာဏာ ဆိုတာ အရှိတရားပါ။ အဲဒါကို ကိုင်တွယ်တဲ့ နေရာမှာ Humanism ဆိုတဲ့ လူသားဝါဒတို့၊ လူသားချင်း စာနာ ထောက်ထားတာတို့ ဆိုတာတွေနဲ့ မရောထွေး သင့်ဘူး။ အဲဒါတွေက တခုစီလို့ပဲ မြင်တယ်။ လူသားဝါဒကို ကျနော်လည်း အင်မတန် တန်ဖိုး ထားပါတယ်။ နိုင်ငံတနိုင်ငံရဲ့ နယ်မြေ၊ အချုပ်အချာ၊ လုံခြုံရေးဆိုတာတွေနဲ့ပါ ထည့်သွင်း စဉ်းစားဖို့ လိုလိမ့်မယ်လို့ မြင်တယ်။
မေး။    ။ ကိုကိုကြီးတို့ ၈၈ မျိုးဆက်တွေက အခုအခါမှာ မြန်မာပြည် အနောက်ဘက်က ကိစ္စတွေလည်း စိတ်ဝင်တစား ရှိနေတာ တွေ့ရတယ်။ တခါ မြောက်ဘက်ပိုင်းက ကိစ္စတွေလည်း စိတ်ဝင်တစား သွားခဲ့တာ တွေ့ရတယ်။ ဒီပြဿနာတွေ ပြေလည်အောင် ဘယ်လို ကဏ္ဍကနေ လုပ်ဆောင် သွားဖို့ ရှိပါသလဲ။
ဖြေ။    ။ ကျနော်တို့ အနေနဲ့ နိုင်ငံရဲ့ ဒေသအသီးသီးမှာ ဖြစ်နေတဲ့ ကိစ္စအားလုံးမှာ ကျနော်တို့နဲ့ ပတ်သက်တယ်။ ကျနော်တို့နဲ့ တာဝန်ရှိတယ်လို့ ခံယူထားတာ ဖြစ်တဲ့အတွက်ကြောင့် ကျနော်တို့ နိုင်ငံသား အားလုံးနဲ့ ပတ်သက်တဲ့ အရေးအရာ၊ မြန်မာနိုင်ငံ တခုလုံးနဲ့ ပတ်သက်တဲ့ အရေးအရာ အားလုံးကို ကျနော်တို့ရဲ့ အရေးကိစ္စတွေ အဖြစ်ပဲ သတ်မှတ်ပြီးတော့ အသိစိတ်နဲ့ပဲ ကျနော်တို့ ဆက်ပြီး ဆောင်ရွက်သွားမှာပါ။
မေး။    ။ ရခိုင်အရေး ဖြစ်တဲ့အချိန်မှာ ကိုကိုကြီး ပြောစကားကြောင့် ကိုကိုကြီးဟာ ကျဉ်းမြောင်းတဲ့ အမျိုးသားရေး ၀ါဒီဆိုပြီး ပြောဆို ဝေဖန်တာနဲ့ ပတ်သက်လို့ ဘာပြောချင်ပါသလဲ။ အမျိုးသားရေး စိတ်ဓာတ်ဆိုတာ ကိုကိုကြီးက ဘယ်လို ခံယူပြီး ဘယ်လို အဓိပ္ပာယ်ဖွင့်ပါသလဲ။
ဖြေ။    ။ ကျနော်တို့ နိုင်ငံတနိုင်ငံမှာ နိုင်ငံရေး ဦးဆောင်တဲ့ သူတွေမှာ အမျိုးသားရေး ဆိုတာ မရှိရင် ဘယ်လိုမှ နိုင်ငံကို ဦးဆောင်နိုင်တဲ့ တာဝန်ယူနိုင်တဲ့သူ ဖြစ်မလာနိုင်ဘူး။ အရေးအကြီးဆုံးက နိုင်ငံ တနိုင်ငံမှာ၊ နိုင်ငံရေး ခေါင်းဆောင်မှာ အမျိုးသားစိတ်ဓာတ်က ရှိကို ရှိရမယ်။ အမျိုးသား စိတ်ဓာတ်ဆိုတဲ့ နေရာမှာ အစွန်းမရောက်ဖို့ဘဲ အရေးကြီးတယ်။ ကမ္ဘာမှာလည်း အစွန်းရောက် အမျိုးသားရေးတွေကြောင့် တိုက်ပွဲတွေ၊ စစ်ပွဲတွေ၊ သွေးထွက်သံယိုတွေ ဖြစ်နေကြတာ ကျနော်တို့ ကောင်းကောင်းကြီး သင်္ခန်းစာ ယူပါတယ်။
သို့သော် အဲဒီအမျိုးသားရေး ဆိုတာ မပါတော့ဘူး ဆိုရင်တော့ သူ့ရဲ့ နိုင်ငံ နယ်နိမိတ်ဆိုတာ အချုပ်အချာအာဏာ၊ နိုင်ငံသားဆိုတာတွေပါ ပျောက်သွားလိမ့်မယ်။ အမျိုးသားရေးဟာ “ဆား” လိုပါပဲ။ ဆားမပါရင် ဟင်းမဖြစ်သလို ဆားများရင်လည်း ဟင်းပျက်ပါတယ်။ ကျနော်တို့က အမျိုးသားရေးကို ချိန်ချိန်ဆဆနဲ့ ကျနော်တို့ နိုင်ငံရဲ့ အကျိုးစီးပွား၊ အိမ်နီးချင်း နိုင်ငံတွေနဲ့ ချစ်ကြည်ရင်းနှီးတဲ့ ဆက်ဆံရေး၊ နိုင်ငံတကာ မိသားစုနဲ့ ချစ်ကြည်ရင်းနှီးတဲ့ ဆက်ဆံရေး ဆိုတာတွေကို တပြိုင်နက်တည်းမှာ တည်ဆောက်ကြရမှာပါ။
နိုင်ငံတကာ သတင်းမီဒီယာတွေ၊ အွန်လိုင်းသတင်းတွေမှာ လုပ်ကြံ ၀ါဒဖြန့်ထားတဲ့ ဖိုတိုရှော့ နဲ့ ပြုပြင်ထားတဲ့ သတင်း၊ ဓာတ်ပုံ ၀ါဒ ဖြန့်မှုတွေဟာ နိုင်ငံတကာ မိသားစုတွေ နားလည်ဖို့အတွက်ကို အကြီးအကျယ် အဟန့်အတား ဖြစ်စေပါတယ်။ အဲဒီတော့ ကျနော်တို့ နိုင်ငံမှာဖြစ်နေတဲ့ တကယ့် ပကတိ အခြေအနေတွေကို မှန်မှန်ကန်ကန် သိနိုင်ဖို့အတွက်ကို ယုံကြည် စိတ်ချ ရတဲ့အဖွဲ့အစည်းတွေ၊ သတင်းဌာနတွေရဲ့ အခန်းကဏ္ဍဟာ အရေးကြီးတယ်လို့ ပြောချင်ပါတယ်။     ။

ဒေါ်အောင်ဆန်းစုကြည်ရဲ့ နှလုံးသားနဲ့ခံစားမှုကို တူးဆွမယ့်ရုပ်ရှင် ဒေါ်အောင်ဆန်းစုကြည်ရဲ့ နှလုံးသားနဲ့ခံစားမှုကို တူးဆွမယ့်ရုပ်ရှင်

ဒေါ်အောင်ဆန်းစုကြည်နဲ့ ဒါရိုက်တာ မင်းထင်ကိုကိုကြီး တို့ကို ရိုက်ကူးရေး စတင်သော လွန်ခဲ့သည့် စနေနေ့က တွေ့ရစဉ် (ဓာတ်ပုံ – မျိုးမြင့်ဆွေ)

ရုပ်ရှင် အနုပညာလောကထဲကို ၂၀၀၃ ခုနှစ်လောက်ကတည်းက ၀င်ရောက်လာခဲ့တဲ့ ဒါရိုက်တာ မင်းထင်ကိုကိုကြီးဟာ ဒေါ်အောင်ဆန်းစုကြည်ရဲ့ အတ္ထုပ္ပတ္တိကို အခြေခံတဲ့ မှတ်တမ်းရုပ်ရှင်(Documentary)ကို စတင်ရိုက်ကူးနေပါပြီ။ ဒီမှတ်တမ်း ရုပ်ရှင်နဲ့ ပတ်သက်ပြီး ဒါရိုက်တာ မင်းထင်ကိုကိုကြီးနဲ့ ဆက်သွယ် မေးမြန်း ထားပါတယ်။
ဒါရိုက်တာ မင်းထင်ကိုကိုကြီးဟာ ထိုင်းနိုင်ငံ မယ်ဟောင်ဆောင်ရှိ ကယန်းလူမျိုးများအကြောင်း မှတ်တမ်းရုပ်ရှင်၊ အင်းလေး ဒေ သ သဘာဝ ပတ်ဝန်းကျင် ထိန်းသိမ်းရေးအတွက် “အင်းသီး” ဆိုတဲ့ မှတ်တမ်းရုပ်ရှင်တို့အပြင် အခြားသော Documentary အမြောက်အမြားကို ရိုက်ကူးခဲ့သူဖြစ်ပါတယ်။ အဲဒီအပြင် ထိုင်းနိုင်ငံတောင်ပိုင်းရှိ ရွှေ့ပြောင်း မြန်မာ အလုပ်သမားတွေရဲ့ ဘ၀ ဇာတ်ကြောင်းတွေကို ရိုက်ကူးပုံဖော်ခဲ့ပြီး ပြည်တွင်းမှာလည်း ဗီဒီယို ရုပ်ရှင်ဇာတ်ကား များစွာကို ရိုက်ကူးခဲ့သူလည်း ဖြစ်ပါတယ်။
မေး။   ။ ဒေါ်အောင်ဆန်းစုကြည်ရဲ့ Documentary ကို ဘယ်လို ရိုက်ဖြစ်သွားတာလဲ။
ဖြေ။   ။ အမေစုက ၂၀၁၀ နိုဝင်ဘာ ၁၃ မှာ အကျယ်ချုပ်ကနေ လွတ်မြောက်လာတယ်ပေ့ါ။ ၂၀၁၀ ဒီဇင်ဘာလ ထဲမှာ အမေစုနဲ့ သွားတွေ့ဖြစ်တယ်။ အဲ့ဒီ တွေ့တုန်းမှာပဲ ကျနော် ရိုက်ထားတဲ့ အင်းသီး ကိုလည်း လက်ဆောင်ပေးရင်းနဲ့ အမေစုရဲ့ Biography (အတ္ထုပ္ပတ္တိ) ကို အခြေခံတဲ့ Documentary ရိုက်ချင်ပါတယ်လို့ ခွင့်တောင်းခဲ့ပါတယ်။
အဲ့ဒီတုန်းက အမေစုက ရိုက်တာတော့ ရိုက်လို့ရပါတယ်။ ဒါပေမယ့် ခဏတော့နေပါဦးပေ့ါ ဆိုပြီးတော့ ပြောခဲ့ပါတယ်။ နောက် တော့ ၂၀၁၁ ဇူလိုင်လထဲမှာ ကိုလံဘီယာမှာ လုပ်တဲ့ နိုင်ငံတကာ ကဗျာပွဲတော်ကို သွားတက်ဖြစ်တယ်။ အဲ့ဒီမှာ ကျနော်က အမေစု ကို ကဗျာပွဲတော်က ဖိတ်ထားပါတယ်။ အဲ့ဒီမှာ ကဗျာရွတ်မှာပါ၊ အမေစုရဲ့ ကဗျာလေးတပုဒ်လောက် ချီးမြှင့်စေချင်ပါတယ်လို့ ဆိုတော့ အမေစုက ကဗျာလေးတပုဒ် ပေးခဲ့တယ်။ အဲ့ဒီ ကဗျာလေးကိုလည်း ယူသွားပြီးတော့ ကျနော့် ကဗျာတွေနဲ့အတူတူ ရွတ် ခဲ့တယ်။
အဲ့ဒီကပြန်လာတော့ ကဗျာပွဲတော်က အတွေ့အကြုံ လေးတွေပြောပြဖို့ အမေစုနဲ့ထပ်တွေ့ဖြစ်တယ်။ အဲ့ဒီမှာ ဒီ Documentary ရိုက်ဖို့ ထပ်ခွင့်တောင်းခဲ့တယ်။ အမေစုကကျနော့်ကို ခွင့်ပြုခဲ့တယ်။ အဲ့ဒီတုန်းက၂၀၁၁ ဇူလိုင်ပေ့ါ၊ အခု၂၀၁၂ ဇူလိုင်မှာ ကျနော်တို့ ရိုက် ကူးရေးစတယ်။
ဒီ တနှစ်အတောအတွင်းမှာ Pre production ပေ့ါလေ။ အဲ့ဒါက အမေစုရဲ့ Biographyနဲ့ ပတ်သက်တဲ့ စာအုပ်စာတမ်းတွေ ရှာဖွေဖတ်ရှုရတာ တို့၊ Research သုတေသန လုပ်တာတို့ ပေ့ါလေ။ နောက် ရိုက်ကူးရေးအတွက် လိုအပ်မယ့် ပစ္စည်းကိရိယာတွေ စုဆောင်း ရတာတို့ ပြင်ဆင် ရပါတယ်။ အဲ့ဒီတနှစ်တာမှာလည်း သူ့ရဲ့ မွေးတာကနေ အခုလက်ရှိ ရှိတဲ့အချိန်အထိ ပေ့ါ၊ Time line တခု ဆွဲရတယ်။ အဲ့ဒါကို အမေစုနဲ့တွေ့ပြီးတော့ ဒါတွေကို ဘယ်လိုပိုင်းခြားထားတယ်၊ ဘယ်လို လုပ်ထားတယ်ဆိုတဲ့ တချို့ဟာ လေးတွေ ထပ်ပြီး ဆွေးနွေးရပါ သေးတယ်။
အဲ့ဒီတော့ အမေစုက သမိုင်းတချို့အချက်အလက်တွေ တိကျဖို့အတွက် ဘဘ ဦးတင်ဦးတို့၊ ဘဘ ဦးဝင်းတင်၊ ဦးဝင်းထိန်တို့ကို အင်တာဗျူးဖို့ လိုအပ်တဲ့အတွက် ဒီပုဂ္ဂိုလ်တွေကို ၂ ခါ ၃ ခါလောက်တွေ့ပြီး အင်တာဗျုးလေးတွေ လုပ်ခဲ့တယ်။ အခုတော့ ဇူလိုင် ၂၁ ရက်နေ့က စပြီးတော့ ရိုက်ကူးရေးကာလကို ရောက်သွားပြီပေ့ါ။
မေး။   ။ ဒီ မှတ်တမ်းရုပ်ရှင်ကို ဘယ်ကာလလောက်အထိ ရိုက်ဖို့ မှန်းထားပါလဲ..။ နာမည်ကရော ဘယ်လို ပေးထားပါသလဲ…။
ဖြေ။   ။ အဲ့ဒါကို စရိုက်တဲ့နေ့ကတည်းက အမေစုနဲ့ နည်းနည်း တိုင်ပင်ရတယ်။ တကယ်တမ်းတော့ အမေစုက အချိန်က အရမ်းရှားပါးပါတယ်။ ဒါပေမယ့်လည်း ဒီ  Documentary က ရိုက်မယ်ဆိုရင် အချိန်တော်တော်လေး လုံလုံလောက်လောက်ရမှ တကယ့်ကို ပြည့်စုံပြီး ကောင်းမွန်တာလေးဖြစ်မှာကိုး။ ဒါကြောင့် အမေစု ဒီ  Documentary အတွက် အချိန်ဘယ်လောက်ပေးနိုင်မလဲ ဆိုတာ ကို ကျနော်တို့ ညှိနှိုင်းကြပါတယ်။ ကျနော်ရည်မှန်းထားတဲ့အတိုင်း ပြည့်ပြည့်စုံစုံရဖို့ဆိုရင် တနှစ်ခွဲအတွင်းမှာ ဖြည်းဖြည်းချင်း အချိန် ပေးသွားမယ်လို့ သဘောတူညီမှုရပါတယ်။ အဲ့ဒီတော့ Production ကာလက တနှစ်ခွဲလောက် ကြာပါလိမ့်မယ်။ တည်းဖြတ်တာတို့ Music ထည့်တာ Master ထုတ်တာတို့က နောက်ထပ် ခြောက်လပေါ့လေ၊ အဲ့ဒီတော့ ဒါကနောက်ထပ် ၂ နှစ်လောက်တော့ အချိ်န် ယူပါလိ့မ်မယ်။ နာမည်လည်း မစဉ်းစားရ သေးပါဘူး။
မေး။   ။ ကိုမင်းထင်ကိုကိုကြီး ရိုက်ခဲ့တဲ့ Documentary တွေထဲမှာ လူတယောက်ရဲ့ အတ္ထုပ္ပတ္တိကို အခြေခံပြီး ရိုက်ကူးတာ ဆိုရင် ဒေါ်အောင်ဆန်းစုကြည် ရဲ့ Documentary က ပထမဆုံး လို့ ပြောလို့ရပါတယ်။ ဘာကြောင့် ဒေါ်အောင်ဆန်းစုကြည် ကို ရွေးချယ်ဖြစ် တာ ပါလဲ။
ဖြေ။   ။ ကျနော်တို့ မြန်မာနိုင်ငံမှာ ကမ္ဘာက သိတဲ့လူပုဂ္ဂိုလ် သုံးယောက် ရှိတာပေ့ါ။ ဗိုလ်ချုပ်အောင်ဆန်း၊ ဦးသန့်၊ ဒေါ်အောင် ဆန်း စုကြည် ပေါ့။ ဒေါ်အောင်ဆန်းစုကြည် ကတော့ ကျနော်တို့ မြန်မာနိုင်ငံရဲ့ Human Right(လူ့အခွင့်အရေး)နဲ့ ဒီမိုကရေစီ ဖြစ်ထွန်း ရေး အတွက် ကမ္ဘာမှာ သူက Icon (စံပြ)တခု ဖြစ်နေပြီလေ။
ကျနော်တို့ ကိုယ်တိုင်လည်း ဒေါ်အောင်ဆန်းစုကြည်ဟာ အင်မတန်ကို လေးစား ချစ်ခင်မြတ်နိုးရသူပေ့ါ။ အဲ့ဒီလို လူပုဂ္ဂိုလ်နဲ့ အခု ဟာက သူလည်း သက်ရှိထင်ရှား ကိုယ်လည်း သက်ရှိထင်ရှား ကြုံရတာပေ့ါ။ အဲ့ဒီတော့သူက နိုင်ငံအတွက် သူတတ်နိုင်သလောက် လုပ်တယ်။ ကျနော်တို့ကတော့ တိုင်းပြည်အတွက် ဘာမှ အဲ့ဒီလောက်ထိ မလုပ်နိုင်ပါဘူး။ ဒါပေမယ့် ကျနော့်မှာရှိတာတော့ အနုပညာလေး ရှိတာပေ့ါလေ။ အဲ့ဒီ အနုပညာလေးနဲ့ ကျနော်တို့ သက်ရှိထင်ရှားကြုံနေတဲ့ နိုင်ငံရဲ့ခေါင်းဆောင် ကျနော်တို့ ချစ်မြတ်နိုး တဲ့ ခေါင်းဆောင်ကို ကျနော့်မှာရှိတဲ့ အနုပညာလေးနဲ့ ဘာလုပ်ရင်ရမလဲဆိုတာ ဒီတခုတည်း တွေ့တာကိုး။ ဒါကြောင့် ဒီ Documentary ရိုက်ဖို့ ဖြစ်လာတယ်လို့ ပြောရမှာပါ။
မေး။   ။ ဒီ Documentary ဟာ ဒေါ်အောင်ဆန်းစုကြည်ရဲ့ ဖြတ်သန်းမှု ဘ၀တလျှောက်လုံးက ဘယ်အပိုင်းကို အဓိကထား ရိုက် ကူးဖြစ်မလဲ။
ဖြေ။   ။ ဒေါ်အောင်ဆန်းစုကြည်အကြောင်းကို Documentary ရိုက်မယ်ဆိုရင် အထူးသဖြင့် နိုင်ငံခြားသားတွေ ချဉ်းကပ်မယ့် Point of view (ရှုထောင့်) တခု ရှိလိမ့်မယ်။ အဲ့ဒါက ဒေါ်အောင်ဆန်းစုကြည် မြန်မာနိုင်ငံအတွက် နိုင်ငံရေးမှာ ဘယ်လို လုပ်ခဲ့ တယ်၊ ဘယ်လို အောင်မြင်ခဲ့တယ်၊ ဘယ်လို စွန့်လွှတ် အနစ်နာခံခဲ့တယ်၊ ဆိုတာတွေ ဖြစ်လိမ့်မယ်။ ကျနော့်ရဲ့ Documentary မှာတော့ အဲ့ဒါတွေထက် သူ့ရဲ့နှလုံးသား၊ သူရဲ့ခံစားမှုတွေကို တတ်နိုင်သလောက် တူးဆွကြည့်ပြီးတော့ ဖန်တီးဖြစ်လိမ့်မယ်။
မေး။   ။ ရုပ်ရှင်တွေ ဗီဒီယိုဇာတ်လမ်းတွေ ရိုက်ကူးရတာနဲ့ အခုလို Documentary ရိုက်ရတာ ဘယ်လို ကွာခြား ပါသလဲ။
ဖြေ။   ။ Feature Film က ပြောမယ်ဆိုရင် စိတ်ကူးကို အခြေခံတယ်ပေ့ါ။ စိတ်ကူးတခုကို အခြေခံပြီးရေးလိုက်တဲ့ စိတ်ကူးကဲတဲ့ ဇာတ်လမ်း ပေ့ါလေ။
ဥပမာ- The lady ဆိုတာလည်း အတ္ထုပ္ပတ္တိကို အခြေခံတဲ့ ဇာတ်လမ်းရုပ်ရှင် တခုပေါ့။ ဒါပေမယ့် စိတ်ကူးကဲတာပေါ့လေ။ အဲ့ဒီတော့ စိတ်ကူးကိုအခြေခံတဲ့ ဇာတ်လမ်းရုပ်ရှင်တွေ ရိုက်ရတာက ဥပမာ- ကျနော့်မှာ  စိတ်ကူး တခုရှိမယ်။ စိတ်ကူးထဲမှာ ဇာတ်လမ်းလေး တခုရမယ်။ ဒါမှမဟုတ် တကယ့် အတ္ထုပ္ပတ္တိကို အခြေခံမှာဆိုလည်း အဲ့ဒါနဲ့ ပတ်သက်တာလေး ရမယ်။ အဲ့ဒါကိုမှ စိတ်ကူးလေးနဲ့ ဇာတ်လမ်းလေးတွေကို ဇာတ်ညွှန်း ချရေးလိုက်မယ်။ စိတ်ကူးထဲက ဇာတ်လမ်းပေ့ါ။ အဲ့ဒီတော့ အနုပညာကို ဖန်တီးတာဖြစ်တဲ့ အတွက် ဖန်တီးတဲ့သူဆီမှာလည်း လိုင်စင်တခု လက်ထဲမှာရှိနေတယ် ပေ့ါလေ။
ကိုယ့်စိတ်ကြိုက် ဟုတ်သည်ဖြစ်စေ မဟုတ်သည်ဖြစ်စေ ကိုယ်နှစ်သက်သလို ဖန်တီးလို့ရတယ်။ ပြီးတော့ အဲ့ဒီဇာတ်ညွှန်းအတိုင်း ရိုက်မယ်။ ကားဆက်တော့လည်း လက်ထဲမှာရှိထားတဲ့ ဇာတ်ညွှန်းအတိုင်းပဲ ဆက်တာ။ ဘာမှ အခက်အခဲမရှိပါဘူး။
ဒါပေမယ့် Documentary မှာကျတော့ အဲ့ဒီလို လွယ်လွယ်ကူကူ မဟုတ်တော့ဘူး။ ဘာဖြစ်လို့လည်းဆိုတော့ ဇာတ်ညွှန်းလည်း လက်ထဲမှာမရှိဘူး။ ဘာပဲ ရှိမလဲဆိုတော့ Treatment တခု၊ Idea တခုပဲ ရှိလိမ့်မယ်။ Develop လုပ်ထားတဲ့ Treatment အကြမ်း တခုပဲ ရှိလိမ့်မယ်။
အဲ့ဒါနဲ့ ကျနော်တို့က ရိုက်ရတာကိုး။ အဲ့ဒါကျတော့ အခြေအနေတွေအချိန်အခါတွေ ပြောင်းလဲနေမယ်။ အဲ့ဒီအပေါ် မူတည်ပြီးတော့ နဂိုအကြမ်းချထားတဲ့ Treatment ကလည်း ပြောင်းလဲသွားတာမျိုးလည်း ရှိတယ်။ အဲ့ဒါကြောင့် Documentary ကောင်းတခု ဖန် တီး ရတာ အရမ်း မလွယ်ကူပါဘူး။ အဲ့ဒီလိုမျိုးတွေတော့ ကွဲပြားခြားနားပါတယ်။
မေး။   ။ ဒေါ်အောင်ဆန်းစုကြည်ရဲ့ Documentary ကို ရိုက်ကူးပြီးစီးသွားလို့ ထွက်လာပြီဆိုရင် ဘာဆက်လုပ်ဖို့ စီစဉ်ထားပါလဲ။
ဖြေ။   ။ ရိုက်ကူးရေးပိုင်းနဲ့ ကားဆက်တဲ့အထိက နောက်ထပ် နှစ်နှစ်လောက် ကြာမှာလေ။ နောက်တော့မှ Screening ဆိုတဲ့ ပြသ တာပေ့ါလေ။ နောက်တော့ ဖြန့်ဝေတာပေ့ါ။ ဒါတွေက နောက်ထပ် ၂ နှစ်လောက်နေမှ ကျနော်တို့ အဲ့ဒါကို လုပ်ရမှာဖြစ်တဲ့အတွက် အခုချိန်မှာ ဒါကို ကြိုတင်ပြီးတော့ ဘာမှ ပြောမထားချင်ပါဘူး။
မေး။   ။ မြန်မာပြည်က ဒါရိုက်တာ တယောက်အနေနဲ့ ဒေါ်အောင်ဆန်းစုကြည်ရဲ့ Documentary ကို ရိုက်ကူး မှတ်တမ်းတင်တာ ကိုမင်းထင်ကိုကိုကြီး က ပထမဆုံးဆိုတော့ ကိုမင်ထင်းကိုကိုကြီးရဲ့ သဘောထားကို သိချင်ပါတယ်။
ဖြေ။   ။ တကယ်တမ်းကျတော့ ဒီအလုပ်က တော်တော် တာဝန်ကြီးပါတယ်။ ဒီ Documentary ပြီးသွားရင် မြန်မာနိုင်ငံကလည်း ကြည့် လိမ့်မယ်၊ နောက်ပြီးတော့ ဒေါ်အောင်ဆန်းစုကြည်ရဲ့ Documentary ဖြစ်နေတဲ့အတွက် နိုင်ငံတကာကလည်း ကြည့် ကောင်း ကြည့်ကြ လိမ့်မယ်။ အဲဒီအခါမှာ မြန်မာနိုင်ငံမှာလည်း Documentary ဘာလဲဆိုတာ သိတဲ့သူ ရှိလိမ့်မယ်။ မြန်မာနိုင်ငံရဲ့ အနေအထားအရ Documentary ဘာလဲဆိုတာ သိတဲ့သူက တော်တော်နည်းတာကိုး။
ဒါပေမယ့် နိုင်ငံတကာမှာတော့ Documentary ဆိုတာကို သိတဲ့သူတွေ၊ အတတ်ပညာရှင်တွေက များတယ်။ အဲဒီလူတွေရဲ့မျက်စိ ထဲမှာ ကျနော်က သင့်တင့်လျောက်ပတ်မှုရှိတဲ့ Documentary လေးတခု Minimum Level လေး တခုပေါ့၊ နိုင်ငံတကာ အဆင့် အတန်းနဲ့ ကြည့်လိုက်မယ်ဆိုရင် ဒီ အဆင့်လောက်လေးပေ့ါ၊ ဒါဟာ အောင်မြင်ခြင်း၊ မအောင်မြင်ခြင်း မဟုတ်သေးဘူး။ ဒီအဆင့် လေးတခု ရဖို့အတွက်တောင် တော်တော်လုပ်ရမှာ။ ဒါလေးကို အကောင်းဆုံး ဖြစ်အောင်လုပ်မယ်ဆိုတဲ့ စိတ်ကူးပဲ ရှိပါတယ်။ ကျန် တာတွေ ဘာမှ မရှိပါဘူး။
မေး။   ။ မြန်မာနိုင်ငံမှာ မှတ်တမ်းရုပ်ရှင်(Documentary) နဲ့ပတ်သက်လို့ ရိုက်ကူးခွင့်၊ ပြသခွင့်၊ တရားဝင် ခွင့်ပြုထားခြင်း မရှိဘူးလို့ ကိုမင်းထင်ကိုကိုကြီး ပြောဖူးခဲ့သလိုပဲ။ ဒီ ဒေါ်အောင်ဆန်းစုကြည်ရဲ့ Documentary နဲ့ ပတ်သက်ပြီးတော့ သက်ဆိုင်ရာတွေဘက် ကရော ဘယ်လိုသဘောထား ရှိလာမလဲလို့ မြင်မိပါလဲ။
ဖြေ။   ။ မှန်တာပြောရရင် အဲ့ဒါတွေ ခေါင်းထဲမှာ ရှိကို မရှိဘူး။ သူတို့ ခွင့်ပြုချက် မပေးတာတို့၊ သူတို့က ဘယ်လိုတို့ ဘာတို့ ညာတို့က ခေါင်းထဲမှာ မရှိဘူး။ ဒါကို စဉ်စားစရာ လိုတယ်လို့လည်း ကျနော် မထင်ပါဘူး။ 

ဘောလုံးပွဲတွေမှာ ဂိုးလိုင်း နည်းပညာ စသုံးတော့မယ်

ဖရန့်လမ်းပတ် (အင်္ဂလန်) က ဂျာမဏီဘက်ကို သွင်းယူခဲ့ပေမယ့် ဒိုင်လူကြီး ခွင့်မပြုတဲ့ ဂိုး (ဓာတ်ပုံ – boribab.tistory.com)

နည်းပညာတွေ မြင့်မားလာချိန်မှာ သမားရိုးကျအတိုင်း ဒိုင်လူကြီးတွေရဲ့ ဆုံးဖြတ်ချက်တွေကို ရယူတာကနေတဆင့် အမှားအယွင်းတွေ ရှိနေခဲ့တာကြောင့် ၂၁ ရာစု ဘောလုံးလောကမှာ  ဘောလုံးဂိုးစည်း ကျော် မကျော်ကို ဆုံးဖြတ်ဖို့ နည်းပညာသုံးရေး၊ မသုံးရေးမှာ ဘောလုံးကျွမ်းကျင်သူ ဝေဖန်ရှင်တွေအကြား ညှိနှိုင်းမရတဲ့ ပုစ္ဆာဖြစ်နေခဲ့တာကြာပါပြီ။
အခုနောက်ဆုံးအချိန်မှာတော့ နိုင်ငံတကာ ဘောလုံးအစည်းအရုံး (IFAB) အဖွဲ့ဝင်များက ဆွစ်ဇာလန်နိုင်ငံ၊ ဇူးရစ်မြို့မှာ အစည်းအဝေးတရပ် ကျင်းပခဲ့ပြီး နောက်ဆုံးပေါ် ဂိုးလိုင်းနည်းပညာကို ဘောလုံးပွဲတွေမှာ စတင်သုံးဖို့ အတည်ပြုချက် ရယူနိုင်ခဲ့ပြီဖြစ်ပါတယ်။  အခုချိန်မှ စတင်အတည်ပြုချက်ရတာကြောင့် အသေးစိတ် ညှိနှိုင်းစရာတချို့ရှိသေးပေမယ့် ယခု ၂၀၁၂-၂၀၁၃ ပရီးမီးယားလိဂ် ရာသီမှာတော့ စတင်အသုံးပြုနိုင်ဖို့ ရှိနေပါတယ်။
IFAB ကစတင် ဦးဆောင်ပြီး ဂိုးလိုင်းနည်းပညာကို အသက်သွင်းရန်ကြိုးပမ်းခဲ့ကာ ယခုနည်းပညာကို အနှေးနှင့်အမြန် သုံးရေးမှာ သက်ဆိုင်ရာ အင်္ဂလန်ဘောလုံးအဖွဲ့ချုပ်၊ စပိန်ဘောလုံးအဖွဲ့ချုပ်နဲ့ အီတလီဘောလုံးအဖွဲ့ချုပ် စတဲ့ အဖွဲ့အစည်းတွေရဲ့ ကိုယ်ပိုင်ဆုံးဖြတ်ချက်ပေါ်မှာသာ မူတည်ပြီး သုံးသွားမှာဖြစ်ပြီး အင်္ဂလန်ဘောလုံးအဖွဲ့ချုပ်ကတော့ ပရီးမီးယားလိဂ်မှာ အမြန်ဆုံး စတင်အသုံးပြုဖို့ ကြိုးပမ်းနေပြီဖြစ်ပါတယ်။
ဖီဖာက အမြဲတမ်း ကန့်ကွက်ခဲ့တဲ့ ဂိုးလိုင်းနည်းပညာဟာ ၂၀၁၀ ခုနစ်က အင်္ဂလန်အသင်းမှ ဖရန့်လန်းပတ် အဝေးကနေ ကန်သွင်းချက်က ဂျာမနီအသင်း ဂိုးစည်းထဲသို့ ၀င်ပြီးမှ ပြန်ထွက်လာပြီး ဂိုးအဖြစ် မသတ်မှတ်ခဲ့တာကြောင့် ၂၀၁၀ တောင်အာဖရိက ကမ္ဘာ့ဖလားအပြီးမှာ ဂိုးလိုင်းနည်းပညာ အသုံးပြုရေးဟာ ပိုမိုဆူညံခဲ့ပါတယ်။ ဒါပေမယ့် နောက်ဆုံးအချိန်မှာ ဖီဖာက ဂိုးလိုင်းနည်းပညာ စတင်အသုံးပြုရန် ခွင့်ပြုလိုက်ရတာ ဖြစ်ပါတယ်။
ဒီဖြစ်ရပ်နဲ့ပတ်သတ်ပြီး ဖီဖာရဲ့ ၈ ယောက်မြောက် ဘောလုံးဥက္ကဋ္ဌ ဆပ် ဘလတ်တာက  “ဒီလိုအဖြစ်မျိုး နောင်လာမယ့် ကမ္ဘာ့ဖလားမှာ မဖြစ်ဖို့ လိုအပ်ပါတယ်။ ကျနော် ပြောချင်တာကတော့ ဒီနေ့မှာ နိုင်ငံတကာ ဘောလုံးလောကကို တခေတ်ဆန်းစေတဲ့ နေ့ပါပဲ“ လို့ ဂိုးလိုင်းနည်းပညာ သုံးရေးနဲ့ ပတ်သတ်ပြီး ပြောကြားသွားခဲ့ပါတယ်။
အခုနည်းပညာနဲ့ ပတ်သတ်ပြီး ကုမ္မဏီ ၂ ခုက လုပ်ဆောင်ခွင့်ရရှိထားပြီး အဲဒီ ကုမ္မဏီတွေကတော့ GoalRef နဲ့ ဗြိတိန် အခြေစိုက် Hawk-Eye တို့ဖြစ်ကြပါတယ်။ အဆိုပါ ဂိုးလိုင်းနည်းပညာကို ရာသီဥတုအခြေအနေ၊ ကစားသမားတွေရဲ့ ပွဲအတွင်းလှုပ်ရှားမှု၊ လက်တွေ့ကျတဲ့ ဘောလုံးကန်သွင်းမှုတွေနဲ့ စမ်းသပ်ပြီး ဘောလုံးဂိုးစည်း ကျော်၊ မကျော်ကို အခြေအနေ အရပ်ရပ်အတွင်းမှ မှန်ကန်စွာ ဆုံးဖြတ်နိုင်တာကို စမ်းသပ်ပြီးဖြစ်ကြောင်း ဖီဖာက ပြောကြားခဲ့ပါတယ်။
ဂိုးလိုင်းနည်းပညာကို လက်ရှိအချိန်မှာ ပရီးမီးယားလိဂ် အဖွဲ့ချုပ်က ၂၀၁၂-၂၀၁၃ ရာသီအမီ အသုံးပြုချင်နေပေမယ့် ဖီဖာက ပြုလုပ်တဲ့ ဘောလုံးပွဲတွေမှာတော့ ၂၀၁၂ ဒီဇင်ဘာမှာ ပြုလုပ်မယ့် ကမ္ဘာ့ကလပ်ပြိုင်ပွဲမှာ စတင်အသုံးပြုဖို့ ကြိုးပမ်းနေပြီး အဲဒီပြိုင်ပွဲမှာ ဂိုးလိုင်းနည်းပညာ အသုံးပြုမှုအောင်မြင်ခဲ့လျှင် ၂၀၁၃ ကွန်ဖရက်ဒေးရှင်း ဖလားနဲ့ ဘရာဇီးမှာ ကျင်းပမယ့် ၂၀၁၄ ကမ္ဘာ့ဖလားမှာ စတင်အသုံးပြုသွားမှာ ဖြစ်ပါတယ်။

မြန်မာ့ဘောလုံး သွေးသစ်လောင်းပြီး ပြန် လာပြီ

၂၀၁၁ ဆီးဂိမ်း ပြိုင်ပွဲမှာ ဗီယက်နမ် ကို ၄-၁ ဂိုးနဲ့ အနိုင်ရလို့ ကြေးတံဆိပ်ဆု ရခဲ့တဲ့ အသက်၂၃ နှစ်အောက် မြန်မာ ဘော လုံး အသင်း (ဓာတ်ပုံ – Getty Images)

သယံဇာတ အများအပြား ထွက်တယ်လို့ လူသိများတဲ့ မြန်မာနိုင်ငံဟာ နိုင်ငံတကာ အလယ်မှာမထင်ပေါ်နိုင်ပဲ ငုပ်လျှိုးနေခဲ့တာကြာပါပြီ။ “မြန်မာ့ အားကစား ကမ္ဘာကိုလွှမ်းရမည်”လို့ ဆောင်ပုဒ်ရှိပေမယ့် ယခုအချိန်ထိ အာရှအဆင့်ပွဲတွေ ရောက်ဖို့တောင် အရှိန် ယူနေဆဲပါ။
တချိန်က အာရှမှာ ရွှေခေတ်ရောက်ခဲ့ပေမယ့် မြန်မာ့ဘောလုံးဟာ အောင်မြင်မှုတွေနဲ့ ဝေးကွာနေခဲ့တာ အတော်ကြာခဲ့ပါပြီ။ မကြာ ခင်ကမှ လူငယ် ဘောလုံးသမားတွေ မွေးထုတ်ပေးတဲ့ စီမံကိန်းကို စ အကောင်အထည်ဖော်ခဲ့ပြီး မြန်မာ့ဘောလုံး တခေတ်ဆန်းဖို့ အားထုတ်နေတာ အခုဆိုရင် အနာဂတ်အောင်မြင်မှု လမ်းကြောင်းပေါ် ပြန်ရောက်လာပြီလို့ ဆိုနိုင်ပါတယ်။
အသက်၂၃ နှစ်အောက် ဘောလုံးအသင်းဟာ ၂၀၁၁ ဆီးဂိမ်း ပြိုင်ပွဲမှာ ဗီယက်နမ် ကို ၄-၁ နဲ့ အနိုင်ရလို့ ကြေးတံဆိပ်ဆု ရခဲ့ပြီး အရှေ့တောင်အာရှ နိုင်ငံများကို မြန်မာပြန်လာပြီဆိုကာ အချက်ပေးလိုက် နိုင်ပါတယ်။
၂၀၁၂ မှာတော့ အသက် ၂၂ အောက်အသင်း ဟာ ရန်ကုန်မြို့မှာ ကစားခဲ့တဲ့ အာရှ အသက် ၂၂ အောက် ခြေစစ်ပွဲမှာ အာရှ အင်အားကြီး တောင်ကိုရီးယားကို သရေ ကစားနိုင်ခဲ့သလို ဒေသတွင်းပြိုင်ဖက် ဗီယက်နမ်၊ မလေးရှား၊ ဖိလစ်ပိုင် တို့ကို ကျော်ဖြတ်ပြီး အုပ်စု ဒုတိယနဲ့ အာဆီယံနိုင်ငံတွေထဲက ပထမဦးဆုံး ခြေစစ်ပွဲအောင်တဲ့ အသင်း ဖြစ်လာခဲ့ပါတယ်။
ခြေစစ်ပွဲစဉ်တွေမှာ တောင်ကိုရီးယားကို ဂိုးမရှိ သရေ၊ တခြားပြိုင်ဖက်အသင်းတွေ အားလုံးကို ဂိုးအသာသွင်းပြီး ခြေစစ်ပွဲအောင် ခဲ့ တာကြောင့် အာဆီယံ ဘောလုံးပရိသတ်များကြား ပြောစမှတ် တွင်ခဲ့ပါတယ်။
မြန်မာ့ ဘောလုံးအဖွဲ့ ချုပ် အတွင်းရေးမှူး ဦးတင်အောင် က“လူငယ်အသင်းတွေရဲ့ အောင်မြင်မှုဟာ ကျနော်တို့ ဘောလုံး ဖွံ့ဖြိုးတိုးတက်ရေး အနာဂတ် စီမံကိန်းတွေအတွက် ယုံကြည်မှု တိုးစေပါတယ်။ အခု အသက် ၂၂ အောက် အာရှခြေစစ်ပွဲစဉ်မှာ ထိုက် တန်တဲ့ အောင်မြင်မှု ရရှိခဲ့တာက လာမယ့် ၂၀၁၃ ဆီးဂိမ်းမှာ အိမ်ရှင်အဖြစ် လက်ခံကျင်းပဖို့ နီးလာချိန်လည်း ဖြစ်တာမို့ စိတ် ဓာတ် ခွန်အားကို မြင့်မားစေပါတယ်”လို့ ဖီဖာ ကို ပြောပါတယ်။
အောက်ဆုံးက စ
မြန်မာဘောလုံး အသင်းဟာ လွန်ခဲ့တဲ့ နှစ် ၅၀ လောက်တုန်းက အာရှမှာ တန်ခိုးထွားခဲ့ပါတယ်။ ၁၉၆၈ ခုနှစ် အာရှဖလား မှာ ဒုတိယ ရရှိခဲ့ပြီး ၁၉၆၆ နဲ့ ၁၉၇၀ ခုနစ် အာရှမှာ ၂ ကြိမ် ဆက်တိုက် ချန်ပီယံ သရဖူ ရခဲ့တယ်။ ဆီးဂိမ်းပြိုင်ပွဲတွေမှာလည်း ၁၉၆၅၊ ၁၉၆၇၊ ၁၉၆၉၊ ၁၉၇၁၊ ၁၉၇၃ နှစ်တွေမှာ ၅ ကြိမ် ဆက်တိုက် ဘောလုံးချန်ပီယံ ဖြစ်ခဲ့ပြီး အာရှရဲ့ ဘောလုံးထူးချွန်သူ ကစား သမားတွေ ထွက်ခဲ့ဖူးပါတယ်။
ဒါပေမယ့် နိုင်ငံရေး စီးပွားရေး နောက်ကျန်နေမှုနဲ့အတူ မြန်မာ့ အားကစားလည်း မှေးမှိန်ခဲ့ရပြီး အာရှမှာ ရေပန်းစားခဲ့တဲ့ မြန်မာ့ ဘောလုံးအသင်း ခြေကျခဲ့တာ နှစ်ပေါင်း ၃၀ ကျော် ရှိနေခဲ့ပါပြီ။
၂၀၁၁ ခုနစ်က ဆီးဂိမ်း ပြိုင်ပွဲမှာ တတိယ ဆုရခဲ့တာကလွဲရင် မြန်မာဘောလုံး တိုးတက်မှု လမ်းစ ပျောက်နေခဲ့ပါတယ်။
၁၉၆၈ ခုနစ်မှာ အာရှဖလား ဖိုင်နယ်ကို ကန်နိုင်ခဲ့ရာကစလို့ အောင်မြင်မှုနဲ့ ဝေးကွာနေခဲ့ရပြီး ပထမဆုံး ကမ္ဘာ့ဖလား ခြေစစ်ပွဲ ကို လည်း ၂၀၁၀ တောင်အာဖရိက ခြေစစ်ပွဲကျမှ စတင် ပါဝင်ယှဉ်ပြိုင် နိုင်ခဲ့ပေမယ့် အင်အားကြီး တရုတ် ဘောလုံးအသင်းကို ဂိုးပြတ် ရှုံးနိမ့် ခဲ့ပါတယ်။
အတိတ်မြက်ခင်းစိမ်းမှာ ပိုင်ဆိုင်ခဲ့ဖူးတဲ့အောင်မြင်မှုတွေကိုပြန်ရဖို့ မြန်မာဘောလုံးတာဝန်ရှိသူတွေဟာ အခြေခံကအရှိအတိုင်း ပြန် စရမှာကို သိရှိပြီးဖြစ်ပါတယ်။ မြန်မာ့လက်ရွေးစင်ဟောင်းတဦးဖြစ်သူ ဦးတင်အောင် က“ကျနော်တို့ဟာ ဘောလုံးလောက ပြန် တိုး တက်လာဖို့ လူငယ်ဖွံဖြိုးရေးတွေကို အာရိုက်စိုက်ပြီး လုပ်ခဲ့တယ်”လို့ ပြောပါတယ်။
ဆက်ပြီး“စီမံကိန်း အသစ်အရဆိုရင် တနိုင်ငံလုံးအတိုင်းအတာ အသက် ၁၂ နှစ်အောက် ဘောလုံးပြိုင်ပွဲတွေကို စတင်ကျင်းပဖို့ စီစဉ်နေပြီး ပညာရေးဝန်ကြီးဌာနနဲ့ ပူးပေါင်း ဆောင်ရွက်သွားပါမယ်။ အစီအစဉ်တွေ မျှော်မှန်းထားသလို အဆင်ပြေ ချောမွေ့ မယ် ဆို ကျနော်တို့ ရဲ့ အနာဂတ် အသက် ၁၇ အောက် လူငယ်အသင်းဟာ ၂၀၂၁ ကမ္ဘာ့ဖလားကို ၀င်ကန်နိုင်မှာပါ”လို့ လည်း ဦးတင်အောင် က ဆိုပါတယ်။
လွန်ခဲ့တဲ့ နှစ်တွေအတွင်း မြန်မာ့ဘောလုံးလောက တိုးတက်လာတာဟာ ဖီဖာ ရဲ့အကူအညီတွေကြောင့်လို့ ဦးတင်အောင်က ဆိုပါသေးတယ်။
“ဖီဖာ ဂိုးလ် စီမံကိန်းအကူအညီ နဲ့ မြန်မာ့ဘောလုံးအဖွဲ့ချုပ် ရုံးကို တည်ဆောက်နိုင်ခဲ့သလို ဌာနဆိုင်ရာတွေမှာလည်း အုပ်ချုပ်ရေး နဲ့ စီမံခန့်ခွဲရေးတွေ တိုးတက်လာခဲ့တယ်။ မန္တလေးမှာ ဘောလုံးသင်တန်းကျောင်း ဖွင့်လှစ်နိုင်ခဲ့သလို တတိယ ဂိုးလ် စီမံကိန်း က လည်း လူငယ်အသင်း အောင်မြင်မှုတွေ ရလာဖို့ လမ်းခင်းပေးခဲ့တယ်။ ပရော်ဖက်ရှင်နယ် လိဂ် ကိုလည်း ဖီဖာရဲ့ စည်းမျဉ်း စည်း ကမ်း တွေအတိုင်း ၂၀၀၉ ခုနစ်မှာ စတင် ကျင်းပနိုင်ခဲ့ပါတယ်”လို့ ဦးတင်အောင်က ဖီဖာ ဒေါ့ကွန်းကို ပြောပါတယ်။
ခေတ်လူငယ် ခြေသွက်တွေ
မကြာမီက ကျင်းပခဲ့တဲ့ လူငယ်ပြိုင်ပွဲတွေမှာ အောင်မြင်မှုက မြန်မာဘောလုံး လောက ပြန်လည်တိုးတက်မှုရဲ့ သက်သေပါပဲ။ လူငယ်တွေရဲ့အင်အားနဲ့ အသက် ၂၂ အောက်ပြိုင်ပွဲမှာ တောင်ကိုရီးယားကို သရေ ကစားနိုင်ခဲ့သလို အုပ်စု ပွဲစဉ် ၄ ပွဲကိုလည်း ဂိုးပြတ် တွေနဲ့ အနိုင်ရခဲ့ပါတယ်။
ခြေစွမ်းပြနိုင်သူတွေကဆို ကွင်းလယ်ကစားသမား အသင်းခေါင်းဆောင် ကျော်ဇေယျာဝင်း ဖြစ်ပါတယ်။ ထိုင်ဝမ်ကို ၆ ဂိုး ၁ ဂိုးနဲ့ အပြတ်ဖြတ်ခဲ့တဲ့ ပွဲတုန်းကလည်း ခြေစွမ်းပြနိုင်ခဲ့တယ်။ နောက်တန်းခံစစ်က ဇော်မင်းထွန်းလည်း တဖက်တိုက်စစ်မှူးတွေကို အကောင်း ဆုံး ဟန့်တားနိုင်ခဲ့သလို ရှေ့တန်းတိုက်စစ်မှူးတွေဖြစ်တဲ့ ကျော်ကိုကို နဲ့ ကောင်းစည်သူတို့ ကလည်း ပြိုင်ဘက် နောက် တန်းတွေကို ခြိမ်းခြောက်နိုင်သူတွေပါ။
မြန်မာတွေသာမက အာဆီယံ ပရိသတ်များကိုပါ အံ့အားသင့်သွားရအောင် အကောင်းဆုံး ကစားခဲ့တဲ့ အသက် ၂၂ အောက် မြန်မာ လူငယ်အသင်းကို ကိုင်တွယ်ခဲ့သူက တောင်ကိုရီးယားနည်းပြ ပတ်ဆောင်ဟွာပါ။ သူ့ကြောင့်လည်း မြန်မာအသင်းရဲ့ စွမ်းဆောင် ရည် မြင့်မားလာနေပြီး ရှေ့ဆက်အောင်မြင်ဖို့ ရည်ရွယ်ချက်လည်း ပိုကြီး လာနေပါတယ်။
ဦးတင်အောင်က“ပတ်ဆောင်ဟွာကို ကျနော်တို့ ကျေးဇူးတင်ရမှာပါ။ ကျနော်တို့ ယူ ၂၂ အသင်း အာရှဖလားခြေစစ်ပွဲတွေမှာ ခြေစွမ်း တွေ ပြနိုင်ခဲ့တာ သူ့ကျေးဇူးမကင်းဘူး။ နောက်တဆင့် အနေနဲ့ ၂၀၁၃ မှာကျင်းပမယ့် အာရှဖလား ၁၉ နှစ်အောက်ပြိုင်ပွဲကို ခြေ စစ်ပွဲအောင်ဖို့ ကြိုးစား သွားပါမယ်။ ကျနော်တို့ရဲ့ ရည်မှန်းချက်က ခြေစစ်ပွဲအောင်ရုံတင်မက ၂၀၁၄ အာရှ ၁၉ နှစ်အောက်ပြိုင်ပွဲမှာ ထိပ်ဆုံး လေးသင်းထဲ ပါနိုင်ဖို့ပါ။ ဒါမှ အသက် ၂၀ အောက် ကမ္ဘာ့ဖလားကို ကျနော်တို့ရောက်မယ်”ဆိုပြီး ပြောကြားသွားခဲ့ပါတယ်။
ကိုးကား။            ။ www.fifa.com မှ Youth success sends Myanmar soaring

မြန်မာနိုင်ငံသား ၂၈ ဦး ထိုင်းတွင် ရောင်းစားခံရ

ထိုင်းတောင်ပိုင်း ရနောင်းမြို့လှေဆိပ်တွင်လည်း အလုပ်လုပ်နေသော မြန်မာနိုင်ငံသားများကို တွေ့ရသည် (ဓာတ်ပုံ – သန်းထိုက်ဦး / ဧရာဝတီ)

ထိုင်းနိုင်ငံ တောင်ပိုင်း ချွန်ဘူရီ မြို့နယ်ရှိ ဆဲမ်ဆမ် လှေဆိပ်တွင် ရေလုပ်သားများအဖြစ် ရောင်းစား ခံထားရသည့် မြန်မာ နိုင်ငံ သား ၂၈ ဦးကို ထိုင်း အာဏာပိုင်များက မကြာသေးခင်ရက်ပိုင်းက သွားရောက်ကယ်တင်ခဲ့သည်။
ရောင်းစားခံရသည့် မိသားစုဝင် တဦး၏ တိုင်ကြားချက်အရ ပြီးခဲ့သည့် တပတ် ၂၆ ရက်နေ့က ဆဲမ်ဆမ် လှေဆိပ်မှ လှေများကို ထိုင်းအထူး စုံစမ်း စစ်ဆေးရေး ဌာန(DSI) က ၀င်ရောက် စီးနင်း၍ ကယ်တင်ခဲ့ကြောင်း ထိုင်းနိုင်ငံ မဟာချိုင်အခြေစိုက် အလုပ် သမားအခွင့်အရေး မြှင့်တင်မှု ကွန်ရက် (LPN) အဖွဲ့မှ ကိုမြင့်ထွန်းက ဧရာဝတီသို့ ပြောသည်။
မြန်မာနိုင်ငံသား ၂၈ ဦးနှင့် စပ်ဆက်၍ လူကုန်ကူးမှုနှင့် ပတ်သက်သည်ဟု ယူဆရသော မွန်တိုင်းရင်းသား အသက် ၄၀ ခန့်ရှိ ဦးဝင်း ဆိုသူကို ထိုင်းအာဏာပိုင်များက ဖမ်းဆီးထားပြီး ပြန်လည်လွတ်မြောက်လာသူများကို ထိန်းသိမ်းစောင့်ရှောက်ထားကြောင်း ၎င်းက ပြောဆိုသည်။
လူကုန်ကူးမှုနှင့် ဆက်စပ်၍ ဖမ်းဆီးခံထားရသည့် မွန် တိုင်းရင်းသား ဦးဝင်းနှင့် လှေပိုင်ရှင်တို့ကို ထိုင်းအာဏာပိုင်များက စစ်ဆေးမှု များပြုလုပ်သွားမည်ဟု ဆိုသည်။
ရောင်းစားခံရသူများတွင် အသက် ၁၆ နှစ် အရွယ် ကလေးတဦး ပါဝင်ပြီး ကျန်သူများမှာ အသက် ၂၀ ကျော်များ ဖြစ်ကြောင်း ကရင်ပြည်နယ်၊ မွန်ပြည်နယ်နှင့် ရခိုင်ပြည်နယ်များမှ လာရောက်ကြသူများ ဖြစ်ကြောင်း သိရသည်။
ပြီးခဲ့သည့် ဇွန်လကလည်း ယင်း ဆဲမ်ဆမ် လှေဆိပ်တွင် ရောင်းစားခံရပြီး ချုပ်နှောင် ခိုင်းစေခံနေရသည့် မြန်မာနိုင်ငံသား ၁၁ ဦး ခန့်ကို ဒေသခံ အာဏာပိုင်များနှင့် အလုပ်သမားအရေး ဆောင်ရွက်နေသူများက ကယ်တင်ခဲ့သည်။
ထိုင်းနိုင်ငံအတွင်း အမျိုးသားများသာမက အမျိုးသမီးများကိုလည်း မြန်မာပြည်သား အချင်းချင်း ထိုင်း အလုပ်ရှင်များထံသို့ ရောင်း စားမှုများလည်း ရှိကြောင်း သိရသည်။
မြန်မာ နိုင်ငံသားများသည် ထိုင်းနိုင်ငံ၌ အထည်ချုပ် စက်ရုံ အပါအ၀င် ဈေး၊ စားသောက်ဆိုင်၊ ဆောက်လုပ်ရေးလုပ်ငန်း၊ အိမ်ဖော်၊ လိင်ဖျော်ဖြေရေး လုပ်ငန်းများတွင် အလုပ် လုပ်ကိုင်နေကြပြီး ခေါင်းပုံဖြတ်ခံရခြင်းများ မကြာခဏ ကြုံတွေ့ နေရကြောင်း သတင်း များအရ သိရသည်။
သို့သော် မြန်မာပြည်သားအများစုသည် ပွဲစားများကို အားကိုး၍ ထိုင်းနိုင်ငံအတွင်းသို့ အဖမ်းအဆီး အစစ်အဆေးများကြားမှ နေ့စဉ် ကဲ့သို့ လာရောက် အလုပ်အကိုင် ရှာဖွေနေကြဆဲ ဖြစ်သည်။
၂၀၁၀ ပြည့်နှစ် ဧပြီလ၂၅ ရက်နေ့ထုတ် အစိုးရ မြန်မာ့အလင်း သတင်းစာတွင် ထိုင်းနှင့်မြန်မာ လူကုန်ကူးမှု ပူးပေါင်းတိုက်ဖျက်ရေး နားလည်မှု စာချွန်လွှာကို နှစ်နိုင်ငံ တာဝန်ရှိသူများ လက်မှတ်ရေးထိုးကြကြောင်း ဖော်ပြခဲ့သည်။
ထိုင်းနိုင်ငံအတွင်း လာရောက် အလုပ်လုပ်နေသော ရွှေ့ပြောင်း မြန်မာအလုပ်သမား၂ သန်းခွဲမှ ၄ သန်း ၀န်းကျင် ရှိနိုင်ကြောင်း အလုပ်သမားအဖွဲ အစည်းများက ခန့်မှန်းထားသည်။

လွတ်လပ်သည့် တက္ကသိုလ်များ ပေါ်ထွက်လာတော့ မည်လော

ရန်ကုန်တက္ကသိုလ် (ဓာတ်ပုံ – ဧရာဝတီ)

ဒီမိုကရေစီ စနစ်နှင့်အညီ လွတ်လပ်စွာ ကိုယ်ပိုင်အုပ်ချုပ်ခွင့်ရ တက္ကသိုလ်များ ပေါ်ထွန်းရေးအတွက် ခေတ်စနစ်နှင့် ကိုက်ညီမည့် ဥပဒေသစ် တရပ် ရေးဆွဲ ပြဌာန်းသွားမည်ဟု သိရသည်။
ပြည်သူ့လွှတ်တော် ပညာရေးမြှင့်တင်မှု ကော်မတီက တင်သွင်းသော ၂၀၁၂ ခုနှစ် တက္ကသိုလ် ပညာရေး ဥပဒေကြမ်းသည် ခေတ်စနစ်နှင့် အံဝင်ခွင်ကျမှု မရှိသဖြင့် ပယ်ဖျက်ပေးရန် ပြည်သူ့လွှတ်တော် ကိုယ်စားလှယ်များ ဖြစ်ကြသည့် ဒေါ်တင်နွယ်ဦး၊ သူရ ဦးအောင်ကိုတို့က တောင်းဆိုခဲ့ကြပြီး၊ ဒေါ်အောင်ဆန်းစုကြည်က ပြင်ဆင်ဖြည့်စွက်ရန် လိုအပ်ကြောင်း ယမန်နေ့က ဆွေးနွေးတင်ပြရာ လွှတ်တော်က သဘောတူခဲ့သည်။
ပညာရေးမြှင့်တင်မှု ကော်မတီက တင်သွင်းထားသည့် ဥပဒေကြမ်းသည် မြန်မာဆိုရှယ်လစ် လမ်းစဉ်ပါတီ အစိုးရ၏  တက္ကသိုလ် ဥပဒေကို အခြေခံ ရေးဆွဲထားသည့် အတွက် လွတ်လပ်သည့် ပညာရေး စနစ် ဖြစ်မလာနိုင်ကြောင်း၊ ပညာရေးဝန်ကြီး ဌာနနှင့် သက်ဆိုင်ရာ ဌာနများ၏ ချုပ်ကိုင်မှု ရှိသည်ဆိုကာ ကန့်ကွက်ခဲ့ကြကြောင်း ကိုယ်စားလှယ်များက ပြောသည်။
“အသစ် ရေးဆွဲမယ့် ဥပဒေကြမ်းဟာ ၁၉၂၀ လောက်က ပြဌာန်းခဲ့တဲ့ ရန်ကုန် တက္ကသိုလ် ဥပဒေ လိုမျိုး လွတ်လပ်တဲ့ ဥပဒေ ဖြစ်လာနိုင်ပါတယ်။ နိုင်ငံတကာ ပညာရေး စနစ်နဲ့လည်း ကိုက်ညီအောင် ဆောင်ရွက်သွားကြမှာပါ” ဟု ပြည်သူ့လွှတ်တော် ကိုယ်စားလှယ်နှင့် ဥပဒေကြမ်း ရေးဆွဲရေး ကော်မတီဝင် ဦးဘရှိန်က ဆိုသည်။
၂၀၁၂ ခုနှစ် တက္ကသိုလ် ပညာရေး ဥပဒေကြမ်းအား နိုင်ငံတကာ အဆင့်မီ ပညာရေးစနစ် ဥပဒေ ဖြစ်ရေးအတွက် ပြင်ဆင် ရေးဆွဲရန် အချိန်ယူရဦးမည် ဖြစ်ကြောင်း၊ အသစ်ရေးဆွဲမည့် ဥပဒေကြမ်းသည် နိုင်ငံနှင့် နိုင်ငံသားများအတွက် အားကောင်းမည့် ပညာရေးစနစ် ပေါ်ထွန်းရန် လိုအပ်ကြောင်း ပြည်သူ့လွှတ်တော် ကိုယ်စားလှယ် ဦးသိန်းညွန့်ကလည်း ပြောသည်။
“ပြင်ဆင်ရေးဆွဲမယ့် ဥပဒေကြမ်းမှာ တက္ကသိုလ် ကျောင်းသားတွေရဲ့ အခွင့်အရေး အပြည့်အ၀ ရရှိဖို့အတွက် လိုအပ်တဲ့ အချက်တွေကို ကျနော် ပါဝင်ဆွေးနွေးမှာပါ။ နိုင်ငံတကာ ပညာရေး စနစ်ကို ထဲထဲဝင်ဝင် လေ့လာထားတဲ့ ဒေါ်အောင်ဆန်းစုကြည် ကိုယ်တိုင်လည်း ပြင်ဆင် ဖြည့်စွက်ဖို့ အချက်တွေ ရှိတယ်” ဟု ၎င်းက ဆိုသည်။
ဒေါ်အောင်ဆန်းစုကြည် ကလည်း ထိုဥပဒေသည် လွန်ခဲ့သည့် နှစ်ပေါင်း ၅၀ ၀န်းကျင် က ဆိုရှယ်လစ်စနစ် ဥပဒေကို မွမ်းမံထားခြင်းသာ ဖြစ်၍ ပြင်ဆင်ရန် လိုအပ်ကြောင်း ဆွေးနွေးခဲ့ပြီး လွှတ်တော်ထဲရှိ ပညာရေး နယ်ပယ်မှ ပညာရှင်များ၊ စိတ်ပါဝင်စားသူများ ပူးပေါင်း၍ ခေတ်နှင့်လျော်ညီသည့် တက္ကသိုလ် ဥပဒေ ရေးဆွဲပြဌာန်း နိုင်ရန် ပြည်သူ့လွှတ်တော် ဥက္ကဋ္ဌ
သူရ ဦးရွှေမန်းက တိုက်တွန်း ဆွေးနွေးသွားကြောင်း ကိုယ်စားလှယ် များက ပြောသည်။
ပညာရေး မြှင့်တင်မှုကော်မတီက တင်သွင်းသည့် ဥပဒေသည် သက်ဆိုင်ရာ ၀န်ကြီးဌာန၏ ထိန်းချုပ်မှု ရှိကြောင်း၊ မြန်မာနိုင်ငံ၏ ယခင် ပညာရေး စနစ်သည် ကျော်ကြား ခဲ့ဖူးသော်လည်း လက်ရှိပညာရေး စနစ်မှာမူ အနိမ့်ဆုံး အဆင့်ရောက် ရှိနေကြောင်း၊ မြန်မာနိုင်ငံမှ ဘွဲ့ရများသည် ပြည်ပတွင် အလုပ်ကြမ်းနှင့် အိမ်အကူ အလုပ်တို့ကိုသာ ရရှိသည်ကို ကြားသိနေ ရကြောင်း ပြည်သူ့လွှတ်တော် ကိုယ်စားလှယ် သူရ ဦးအောင်ကိုက ဆွေးနွေးထောက်ပြ ခဲ့သည်ဟု သိရသည်။
အသစ်ရေးဆွဲမည့် တက္ကသိုလ် ပညာရေး ဥပဒေကြမ်းတွင် ကျောင်းသား၊ ကျောင်းသူများအတွက် နေထိုင်ရန် အဆောင်များပါ ပူးတွဲ တည်ဆောက်ပေးရန် အစိုးရကို တိုက်တွန်းထားသည့် အချက်များ ပါဝင်သည်။
မြန်မာနိုင်ငံတွင် ယခုအခါ တက္ကသိုလ်၊ ကောလိပ်ပေါင်း ၁၇၀ ၀န်းကျင် ရှိပြီး အများစုမှာ မြို့နှင့်ဝေးလံသည့် ဒေသများ၌ တည်ဆောက်ထားခြင်း ဖြစ်ကာ ပညာရေး ၀န်ကြီးဌာန၊ ကျန်းမာရေး ၀န်ကြီးဌာန၊ သိပ္ပံနှင့်နည်းပညာ ၀န်ကြီးဌာန စသည့်ဖြင့် သက်ဆိုင်ရာ ၀န်ကြီးဌာနများ၏ လက်အောက်တွင် ထားရှိသည်။
ကိုယ်စားလှယ်များ၏ ထောက်ပြဆွေးနွေးမှု အပေါ် ပညာရေး ၀န်ကြီး ဒေါက်တာမြအေးကလည်း ၂၀၁၂ ခုနှစ်တွင် ပုဂ္ဂိလိက ကျောင်းများ ဖွင့်လှစ်ရန် ဆောင်ရွက်နေပြီး ကိုယ်ပိုင် တက္ကသိုလ် ဥပဒေကြမ်းကိုလည်း ရှေ့နေချုပ်ရုံးသို့ တင်ထားပြီး ဖြစ်ကြောင်း၊ ထိုဥပဒေ ကြမ်းကို လွှတ်တော်သို့ ပေးပို့၍ အတည်ပြုချက် ရယူသွားမည်ဖြစ်ကြောင်း တုံ့ပြန် ဆွေးနွေးသွားသည်။
နှစ်ပေါင်း ၅၀ ကျော် ထိန်းချုပ်ခံထားရသည့် တက္ကသိုလ် ပညာရေး စနစ်မှနေ၍ လွတ်လပ်စွာ ပညာ သင်ကြားနိုင်ရေး ဥပဒေ သစ်များ ရေးဆွဲရန် အကောင်အထည် ဖော်ဆောင်နိုင်မှုအပေါ် လွှတ်တော် ကိုယ်စားလှယ်များက အောင်မြင်မှုတရပ်ဟု ပြောဆိုနေကြကြောင်း သိရသည်။
အသစ်ရေးဆွဲမည့် တက္ကသိုလ် ဥပဒေကြမ်း အဆိုသည် လာမည့် ပဉ္စမ အကြိမ်မြောက် လွှတ်တော် အစည်းအဝေးတွင် တင်သွင်း ဆွေးနွေးနိုင်မည်ဟု ထင်ရကြောင်း၊ ထိုဥပဒေ အတည်ပြု ပြဌာန်းပြီးပါက တက္ကသိုလ်ကောင်စီ ကဲ့သို့ အဖွဲ့များလည်း ပေါ်ပေါက်လာမည် ဖြစ်ကြောင်း ကိုယ်စားလှယ်များက ပြောသည်။

ဗုဒ္ဓ၀င်နှင့် ၀ါဆိုစဉ်

ဗုဒ္ဓဟူသော အဓိပ္ပာယ်မှာ "သိသောသူ" သို့ မဟုတ် "၀ိဇ္ဇာဥာဏ်အလင်းရသူ" တနည်း "သဗ္ဗညုတ ဥာဏ်တော်ရပြီးသူ " ဖြစ်သည်။ ထိုသို့ ဆိုလျှင် ဗုဒ္ဓသည် မိမိကိုယ်တိုင် ကြိုးစားအားထုတ်ကျင့်ကြံမှုဖြင့် သိစရာ ရှိသမျှကို အကုန်အစင်သိမြင်သော သဗ္ဗညုတ ရွှေဥာဏ်တော်ကိုရပြီး၊ သံသရာဝဋ်ဒုက္ခအပေါင်း၏ အဆုံးစွန် ဖြစ်ရာ နိဗ္ဗာန်ကို မျက်မှောက်ပြုခဲ့သည့် အတူမရှိ အတုမရှိသည့် လူသားတစ်ဦးသာတည်း။
ကပိလ၀တ်နေပြည်တော် သုဒ္ဓေါဒနမင်းကြီး၏ မိဖုရား မာယာဒေ၀ီ၏၀မ်းတွင် ၀ါဆိုလပြည့် ကြာသပတေးနေ့ တွင် ပဋိသန္ဓေယူသည်။ လုမ္ဗနီဥယျာဉ်တွင် ဖွားမြင်သည်။ ဖွားရက်မှာ သက္ကရာဇ် ၆၈ ခု (BC 623) ကဆုန်လပြည့် သောကြာနေ့ ဖြစ်သည်။
မွေးဖွားပြီးနောက် " ငါအဦးဆုံး၊ ငါအကြီးဆုံး၊ ငါအမြတ်ဆုံး " ဟူသော စကားကြီးသုံးခွန်းကို ကြွေးကြော်တော် မူခဲ့သည်။ ဘုရားလောင်းကို ဖွားမြင်ပြီးနောက် ခုနစ်ရက်အရတွင် မယ်တော် မာယာစုတေသည်။ မယ်တော် မာယာစုတေရခြင်းမှာ သားဖွားခြင်းနှင့်စပ်သော ဒုက္ခကြောင့်မဟုတ်ပါ။ ဘုရားလောင်းတို့ ကိန်းဝပ်ရာ ၀မ်း တိုက်သည် နောက်ထပ်မည်သူမျှ ပဋိသန္ဓေမနေထိုက်သောကြောင့် စုတေရခြင်းဖြစ်ပါသည်။
ဘုရားလောင်းကို သိဒ္ဓတ္ထဟုအမည်သညာမှည့်သည်။ ၁၆ နှစ်အရွယ်တွင် သုပ္ပဗုဒ္ဓမင်းကြီး၏သမီး ဒေ၀ဒတ်၏အစ်မ ယသော်ဓရာနှင့်လက်ထပ်သည်။ ရွှေနန်းသုံးဆောင်တွင် တလှည့်စီနေပြီး ထီးနန်းစည်းစိမ် ၁၃ နှစ်စံစားသည်။ ၂၉ နှစ်အရွယ်တွင် သူ၏နှလုံးသားဝယ် သစ္စာဥာဏ်အလင်း ထင်ဟပ်လေသည်။ သတ္တ၀ါ အပေါင်းသည် ခြွင်းချက်မရှိ သေခြင်းတရားကို ရင်ဆိုင်ကြရမည်။ ခပ်သိမ်းသော လောကီချမ်းသာတို့ သည် ဆင်းရဲခြင်း၏ ရှေ့ ပြေးဖြစ်ကြောင်းဆင်ခြင်မိလေသည်။ထို့ ကြောင့် ဒုက္ခအကြောင်းရင်းကို ရှာဖွေလိုသည့် ဆန္ဒ များပြင်းပြလာခဲ့သည်။ ထိုအချိန်တွင် သူအို၊ သူနာ၊ သူသေ၊ ရဟန်းဟူသော နိမိတ်ကြီးလေးပါးကိုတွေ့ ရကာ သံဝေဂဖြစ်ပြန်၏။ သက်တော် ၂၉ ၊ သားတော်လေး ရာဟုလာမွေးဖွားသည့်ညမှာပင် ကဏ္ဍကမြင်းကိုစီး၍ နောက်ပါ ဆန္ဒအမတ်နှင့်အတူ တောထွက်တော်မူခဲ့သည်။
အနော်မာမြစ်ကမ်းအနီးတွင် ဆံတော်ကိုပယ်သည်။ (ထိုဆံတော်ကို သိကြားမင်းက တာဝတိံသာတွင် စူဠာမဏိဟူသော စေတီကိုတည်ခဲ့သည်။)ဃဋိကာရဗြဟ္မာကြီးက ပရိက္ခရာရှစ်ပါးကို လာဆက်သည်။ (သိဒ္ဓတ္ထ ၏ ၀တ်လဲတော်ကို ဗြဟ္မာပြည်တွင် ဒုဿစေတီကို တည်ခဲ့သည်။)
အလောင်းတော်မှတပါး မည်သူမျှ မစွမ်းနိုင် ကျင့်နိုင်ရန်ခက်ခဲ့သည့် ဒုက္ကရစရိယအကျင့်ကို ဥရုဝေလတောတွင် ၆ နှစ်ကြာမျှ ကျင့်ခဲ့သည်။ နောက်ဆုံးတွင် အစွန်းနှစ်ဘက်ရောက်နေသော အကျင့်တို့ ကိုပယ်ကာ မဇ္ဈိမ ပဋိပဒါ (အလယ်အလတ်လမ်းစဉ်)ကို ရှာဖွေမိလေသည်။ ဒုက္ခအပေါင်း၏ ဖြစ်ကြောင်းရင်းမြစ် သမုဒယတရား မှာ ကိလေသာပင်ဖြစ်သည်ဟု ဥာဏ်တွင်သိမြင်လေပြီ။
သက်တော် ၃၅၊ (BC 588) အိန္ဒိယပြည် ဘီဟာနယ် ဂါယာမြို့ အနီး နေရဉ္ဖရာမြစ်ကမ်းရှိ ဗောဓိညောင်ပင် အောက်တွင် ဗုဒ္ဓ ဘုရားရှင်အဖြစ်သို့ ရောက်တော်မူခဲ့သည်။ ဘုရားဖြစ်သည့်နေ့ မှာ မဟာသက္ကရာဇ်အားဖြင့် ၁၀၃ ခု၊ ကဆုန်လပြည့် ဗုဒ္ဓဟူးနေ့ ။
ယင်းနေ့ မှအစပြု၍ ဗုဒ္ဓသည် ၄၅ ၀ါကာလပတ်လုံး နေ့ ညမနား လူနတ်ဗြဟ္မာ သတ္တ၀ါအားလုံးတို့ အား သစ္စာနှင့် မဂ္ဂင်၊ ဓမ္မနှင့် ၀ိနယတို့ ကို မရပ်မနား ဟောကြားပြသ တရား ရေအေးတိုက်ကျွေးကာ ဆုံးမတော် မူခဲ့သည်။ သံသရာဝဋ်အပေါင်းမှ လွတ်မြောက်ရန်နှင့် ကိလေသာအညစ် အကြေးတို့ မှ ကင်းစင်စေရန် မိမိ ကိုယ်ကိုသာ မိမိအားကိုး ကျင့်ဆောင်ရမည်ဟုလည်း လမ်းပြတော်မူခဲ့သည်။
ဘုရားရှင် ၄၅ နှစ် ၀ါဆိုသော ဌာနေများမှာ-
ဝါဆိုစဉ် ၀ါဆိုရာဌာန
၁- ဗာရာဏသီ မိဂဒါဝုန်တော
၂- ၃-၄- ရာဇဂြိုဟ် ဝေဠုဝန်ကျောင်း
၅- ဝေသာလီပြည်
၆- မကုဠတောင်
၇- တာဝတိံသာ
၈- ဘဂ္ဂတိုင်း
၉- ကောသမ္ဗီပြည်
၁၀- ပါလိလေယျကတော
၁၁- နာဠပုဏားရွာ
၁၂- ဝေရဉ္ဖာပြည်
၁၃- စာလိယတောင်
၁၄- သာဝတ္ထိပြည် ဇေတ၀န်ကျောင်း
၁၅- ကပိလ၀တ်ပြည်
၁၆- အာဠ၀ီပြည်
၁၇- ရာဇဂြိုဟ်ပြည်
၁၈-၁၉- စာလိယတောင်
၂၀- ရာဇဂြိုဟ်
၂၁ မှ ၄၄ - သာဝတ္ထိပြည် ဇေတ၀န်ကျောင်း
၄၅- ဝေဠုဝရွာ တို့ တွင် ၀ါဆိုတော်မူခဲ့သည်။ မြတ်စွာဘုရားသည် ၀ါတော် ၂၀ ထိအမြဲနေလေ့မရှိဘဲ ထိုထိုမြို့  ရွာများသို့  လှည့်လည်ပြီးဝါဆိုတော်မူသည်။ထို့ ကြောင့်ဝါတော် ၂၀ထိ အနိဗဒ္ဓ၀ါ ဟုခေါ်ပါသည်။
၂၁ ၀ါမှ ၄၅ ၀ါထိနောက်ပိုင်း ၂၅ ၀ါအနက် ၂၄ ၀ါမှာ သာဝတ္ထိပြည်၌သာ အမြဲဝါဆိုတော်မူ၏။ နောက်ဆုံးဝါကို ဝေဠုဝရွာတွင် ၀ါကပ်တော်မူခဲ့သည်။ ထို့ ကြောင့် ထိုဝါတို့ ကို နိဗဒ္ဓ၀ါ ၂၅ ၀ါဟုဆိုပါသည်။
ထို ၄၅၀ါကာလပတ်လုံးအတွင်း ဘုရားရှင်တို့ ပြုအပ်သော ဗုဒ္ဓကိစ္စငါးပါးကို နေ့ စဉ်အမြဲအောက်ပါ အတိုင်း ပြုကျင့်တော်မူခဲ့သည်။
၁- ပုရေဘတ္တကိစ္စ =ဆွမ်းမခံမီ လူတို့ ကို တရားဟောတော်မူ၏။
၂- ပစ္ဆာဘတ္တကိစ္စ =ဆွမ်းစားပြီးနောက် နေ့ လယ်ပိုင်းတွင် ရဟန်းရှင်လူတို့ ကို တရားဟောတော်မူ၏။
၃- ပုရေမယာမကိစ္စ =ညဥ့်ဦးယံတွင် ရဟန်းတို့ အား တရားဟော၍ အမေးပုစ္ဆာကို ဖြေကြားတော်မူ၏။
၎- မဇ္ဈိမယာမကိစ္စ =သန်းခေါင်ယံတွင် နတ်ဗြဟ္မာတို့အား တရားဟောတော်မူ၏။
၅- မစ္ဆိမယာမကိစ္စ =မိုးသောက်ယံတွင် အချိန်သုံးပိုင်းထားကာ ပထမပိုင်း စင်္ကြသွား၊ ဒုတိယပိုင်း ကျိန်းစက်၊ တတိယပိုင်းတွင် ကျွတ်ထိုက်သော သတ္တ၀ါတို့ ကိုကြည့်ရှုတော်မူ၏။
သက်တော် ၈၀ ၊ ၀ါတော် ၄၅ ၀ါအရ သက္ကရာဇ် ၁၄၈ ခုနှစ်၊ ကဆုန်လပြည့် အင်္ဂါနေ့ တွင် ကုဿိန္နာရုံပြည် မလ္လာမင်းတို့ ၏ အင်ကြင်းဥယျာဉ်တွင် ပရိနိဗ္ဗာန်စံတော်မူခဲ့ပါသည်။(ကုဿိန္နာရုံပြည်မှာ ယခုအခါ အိန္ဒိယပြည် ယူပီ ခေါ် ဥတ္တရာပရာဒေ့ရှ် (ဥတ္တရာပထဒေသ)အရပ်ဖြစ်ပါသည်။)
နောက်ဆုံးမှာကြားတော်မူသော စကားတော်ကား
"ချစ်သားတို့ …… နောက်ဆုံးစကားမှာကြားခဲ့မည်၊ ပြုပြင်မှုကြောင့်ဖြစ်သော သင်္ခါရတရားမှန်သမျှ ပျက်စီးတတ် သောသဘောရှိ၏။ မမေ့မလျော့ မပေါ့ဆသော သတိတရားနှင့်နေထိုင်ကြ " ဟူ၍ဖြစ်၏။
မြတ်စွာဘုရားရှင်၏ ရုပ်ကလာပ်တော်ကို မလ္လာမင်းတို့ က ဦးဆောင်ကာ သင်္ဂြိုဟ်တော်မူသည်။ တေဇော ဓာတ်လောင်တော်မူသော နေ့ မှာ မဟာသက္ကရာဇ် ၁၄၈ ကဆုန်လဆုတ် ၁၂ ရက် တနင်္ဂနွေနေ့ ဖြစ်ပါသည်။ မီးသင်္ဂြိုဟ်ရာတွင် ပင်ကိုယ်အတိုင်း တည်ရှိနေသော ဓာတ်တော်များမှာ
ညှပ်ရိုးတော် ၂ ဆူ
စွယ်တော် ၄ ဆူ
နဖူးသင်းကျစ် ၁ ဆူ ပေါင်း ၇ ဆူဖြစ်သည်။ ဓာတ်တော်များကို ခုနှစ်ပြည်ထောင်မင်းများအား ဒေါနပုဏား ကြီးက ခွဲဝေပေးသည်။ အချို့ ဓာတ်တော်များကို အရှင်မဟာကဿပနှင့် အဇာတသတ်မင်းတို့ တိုင်ပင်ပြီး စက်ယန္တယားအစောင့်ထားကာ သိမ်းဆည်းမြှပ်နှံထားခဲ့ရာ နောင်နှစ်ပေါင်း ၂၃၅ နှစ်အကြာ သီရိဓမ္မာသောက မင်းကြီးက တူးဖော်၍ စေတီပေါင်း ရှစ်သောင်းလေးထောင်တည်ထားကိုးကွယ်ကာ သာသနာတော်ကြီး စည်ပင်ပျံ့ ပွားစေခဲ့ပါသည်။
လူတကာ နတ်တကာတို့ ထက်လွန်ကဲလျက် အမြတ်ဆုံး အမြင့်ဆုံးဖြစ်တော်မူသော ဗုဒ္ဓဘုရားရှင်အား ဤစာစုဖြင့် ပူဇော်ကန်တော့ပါ၏။
မင်းခမောင်*(minkhamaung.blogpots.com )

ဂစ်တာလက်ကွက်မသိသူများ အတွက် လက်ကွက်ပေါင်း တစ်သန်းကျော်ပါတဲ့ BILLION CHORDS

ဂစ်တာ Crazy များအတွက်ပါ...လက်ကွက်ပေါင်း တစ်သန်းကျော်ပါ ပါတယ်....
လက်ကွက်လေးပေါ်နှိပ်ကြည့်ပြီး အသံကိုလည်းနားထောင်ကြည့်နိုင်ပါတယ်....
ဒေါင်းလုပ်ကိုတော့ MediaFire ကနေပေးလိုက်ပါတယ်......



DOWNLOAD BILLION CHORDS







မိမိပရိုဖိုင်မှာ သီချင်း playlist လေး ထည့်ရအောင်

ဒီနေ့ အကိုတစ်ယောက်ရဲ့ ပရိုဖိုင်မှာ သီချင်း playlist လေးတွေတော့ ချစ်စရာလေးမို့ မေးကြည့်တော့ သူက ပြောပြတယ်ဗျ ဘယ်မှာ ဘယ်လိုလုပ်ရတယ်ပေါ့လေ အဲတော့ မိဒီလဲ သူငယ်ချင်းတွေကို မျှဝေချင်တဲ့စိတ်လေး ဖြစ်လာလို့ မျှဝေပေးလိုက်ပါတယ်နော်

သူကပြောတယ်ဗျ ဒီသီချင်း Playlist လေးးကို ဒီလင့်လေးမှာ (http://www.podsnack.com/) သွားပြီး ရယူရပါတယ်တဲ့။ ပြီးတော့ မိမိအကောင့်လေး ဖောက်ရပါတယ်တဲ့

ကဲ အဲတော့ အဲလင့်လေးကို သွားပြီးတော့ အကောင့်လေးဖောက်လိုက်ရအောင်ဗျာ အကောင့်ဖောက်ပြီးရင်တော့ activate တွေ ဘာတွေလုပ်ပြီး sign in ပေါ့ဗျာ။ ပြီးရင်တော့ မိဒီက playlist လုပ်ချင်တာဆိုတော့ Build a playlist ပေါ့ဗျာ

ပြီးရင်တော့ သူက step 3 ခု ရှိတယ်

1. Add Track

2. Customize

3. Publish ဆိုပြီးပေါ့ ပထမဆုံးတော့

အဆင့်တစ် ဖြစ်တဲ့ Add Track ပေါ့

Title မှာ ကိုယ်ပေးချင်တဲ့ Title ပေးပေါ့ မိဒီကတော့ My Playlist လို့ပေးထားတယ် ပြီးတော့ သီချင်းက ဘယ်ကယူမှာလဲ Youtube ကနေယူမှာလား My computer ကနေ ယူမလားပေါ့ မိဒီကတော့ ကိုယ်စက်ထဲက သီချင်းပဲ သုံးချင်တာမုိ့ My computer ကို ရွေးလိုက်ပါတယ်

My computer ရွေးပြီးရင်တော့ Browse ကိုရွေးပြီး ကိုယ့်စက်ထဲက ထည့်ချင်တဲ့သီချင်းကို ရွေးလိုက်ယုံပဲနော်

ပြီးရင်တော့သူက ကိုယ်ရဲ့ သီချင်းတွေကို upload လုပ်မယ်ပေါ့စိတ်ရှည်ရှည်လေးတော့ စောင့်ပေါ့နော်

upload လေး ပြီးရင်တော့ သီချင်းလေးတွေ playlist လေး ထွက်လာပြီပေါ့နော် အဲမှာ ပုံလေးတွေသုံးချင်တယ်ဆိုရင် edit track ကနေပြီးတော့ ပုံလေးတွေထည့်ထည့် ဒါမှမဟုတ် Next သွားပြီးမှ Edit all ကနေပြီးပဲ ပုံသွားထည့်ထည့် ရတယ်လေနော် မိဒီကတော့ Next ကို အရင်ရွေးလိုက်မိတယ်

ပြီးရင်တော့ အစောကပြောခဲ့သလို Edit all ကိုနှိပ်ပြီး မိမိသီချင်းလေတွေမှာ ပုံလေးတွေထည့်ပေါ့နော်

ပုံလေးတွေ အားလုံးထည့်ပြီးသွားရင်တော့ Done ကို နှိပ်လိုက်နော်။ ပြီးရင် ဘာလုပ်ရမလဲဆိုတော့ ကိုယ့် playlist လေးကို ဘယ်လို template လေးတွေ သုံးချင်လဲဆိုတာကို စိတ်ကြိုက် template လေးတွေ ရွေးပြီး preview ကြည့်ပြီး စိတ်တိုင်းကျရွေးချယ်လို့ရပါတယ်။ နောက် အောက်က setting မှာလည်း စိတ်ကြိုက်ပြုပြင်လို့ရတယ်နော်

ပြီးရင်တော့ finish ပေါ့နော်။ ကဲ စိတ်ကြိုက်ပြင်ဆင်မှုလေးပြီးသွာရင်တော့ Code လေးတွေထုတ်ရအောင်လို့ Free Embed ကိုရွေးလိုက်နော်

ပြီးရင်တော့ ကိုယ့် playlist လေး ရပြီပေါ့နော် ကုဒ်ကတော့မိဒီပြထားပေမယ့် အဆင်ပြေတာလေး ရယူပေါ့နော်

ကုဒ်လေးတွေ copy ယူပြီးရင်တော့ မိမိပရိုဖိုင်လေးရဲ့ text box လေးမှာ paste ပေါ့နော် ထုံးစံအတိုင်း HTML လေးတော့ ပြောင်းအုံးနော် အဟဲ ဒါလေးကတော့မိဒီရဲ့ playlist လေးပေါ့နော် နမူနာလေးပါ

အားလုံးလဲ အဆင်ပြေမယ်ထင်ပါတယ် လိုအပ်တာရှိရင်လဲ ပြောပါနော်

တစ်ခုတော့ရှိတယ် ကွန်နက်ရှင်လဲ အတော်အသင့်အဆင်ပြေမှဖြစ်မယ်ဗျ

အတော်လေးတော့လေးတယ်

လိုအပ်ချက်တွေရှိရင်လဲ ပြောပါနော် မိဒီလိုအပ်ချက်ကြောင့် အဆင်မပြေမှာဆိုးလို့ပါ။

ပျော်ရွှင်ချမ်းမြေ့ကြပါစေ။ ။

Virus ကာကွယ်ရေးအတွက်လမ်းညွှန်၂၃ချက်

၁။ Anti-virus ဆော့ဖ်ဝဲလ်တွေဟာ မလုံလောက်ပါ။ ‘Removal tools’ ကိုinstall လုပ်ပါ။ (virus ကာကွယ်ရေး ဆော့ဖ်ဝဲလ် တွေဟာ ပီစီ ကို spyware ဒါမှမဟုတ် adware တွေငြိကပ် ကူးစပ် တဲ့အခါ မဆိုင်သလို လုပ်နေလေ့ ရှိတတ်ပါတယ်။

၂။ spyware/adware removal tools ကိုအနည်းဆုံး၂ခုထားပါ။ (anti-virus tool တွေ ကသာ အချင်းချင်း ရန်စောင် ပြဿနာ တက်တတ် ကြပေမယ့် spyware ကာကွယ်ရေး ဆော့ဖ်ဝဲလ်တွေ ကတော့ အချင်းချင်း သင့်မြတ် ကြလေ့ ရှိပါတယ်။

၃။ Firefox လား? IE လား? သေချာစွာ စဉ်းစားပါ။ (များသောအားဖြင့် spy-ware တွေဟာ အဲဒီလို browser နှစ်ခုအကြား ဗျာများ နေတဲ့ အချိန်မှာ ဝင်လာ တတ်ပါတယ်။ တချို့ website တွေ ဟာ တတ်ပါတယ်။ တချို့website တွေဟာတတ်ပါတယ်။ တချို့ website တွေဟာ IE နဲ့အလွမ်း သင့်ပြီး တချို့ကျတော့ firefox နဲ့မှ အဆင်ပြေ တတ်ကြတဲ့ အတွက် တွေဝေမှုကို လျှော့ချပါ။

၎။ P2P ကွန်ရက်ကို သတိထားပါ။ (’.torrent’ တွေကနေ တစ်ဆင့် adware/spyware တွေ ကူးစက်တတ်တာ ခုနောက်ပိုင်းမှာ ပုံပြင် သစ်တွေ ဖြစ်လာနေပါပြီ။ မလိုအပ်ရင် P2P မသုံး ဘဲ ရိုးရိုးသာ download ချပါ။

၅။ Bazooka Scanner ကို down-load ရယူပါ။ (spyware,adware) ရှိမရှိ အဓိက စစ်ဆေးပေးတ bazooka scan-nerကိုအခမဲ့ ရနိုင် ပါတယ်။

၆။ ဆော့ဖ်ဝဲလ် update ကို ကိုယ်တိုင်တိုင် လုပ်ပါ။ (တစ်ခါတလေမှာ ဆော့ဖ်ဝဲလ် update လုပ်ပေးပါမယ် ဆိုတိုင်း အတင်းကာရာ လက်မခံ လိုက်ပါနဲ့။ အရင်ဆုံး ကိုယ့်ရဲ့ anti-spyware ဟာ update ဖြစ်မဖြစ် စစ်ဆေးပါ။)

၇။ firewall ကို ကိုယ်ကိုယ်တိုင် တည်ဆောက်ပါ။ (ဥပမာ Zonealarm လိုမျိုး firewall ဟာ အမြင်ကတ်စရာ ကောင်းလောက်အောင်ကို တာဝန်ကျေပြီး ကိုယ်သုံးစွဲ ချင်တဲ့၊ ယုံကြည်ရတဲ့ software list တွေကို သူ့ကို ပေးထား လိုက်ရုံနဲ့ အဆင်ပြေပါတယ် firewall ထားရှိတဲ့အတွက် RAM ကတော့ မသိမသာ ထပ်လိုပါမယ်။)

၈။ EULA ကို ဖတ်ပါ။ (end user license agreement ဆိုတာဟာ ဆော့ဖ်ဝဲတိုင်းနဲ့ website အတော် များများမှာ ပါဝင် တတ်ပါတယ်။ ဆော့ဖ်ဝဲလ် အသစ်တစ်ခုဟာ ကိုယ့်နဲ့ မရင်းနှီးသေး ရင် EULA ကို အဓိကထားပြီး ဖတ်ရှုပါ။

၉။ back up လုပ်ပါ။ back up လုပ်ပါ။ back up လုပ်ပါ။ (ပညာရှင်တိုင်း လိုလိုက data တွေကို back-up လုပ်ဖို့ အကြံပြုခဲ့ပေမယ့် user တိုင်းလိုလိုက မေ့လျော့ နေကြဆဲပါ။ အရေးကြီးတဲ့၊ တန်ဖိုးရှိတဲ့ အချက်အလက်တွေ မဆုံးရှုံးစေဖို့ နည်းလမ်းကောင်းတွေထဲက တစ်ခုက back up လုပ်ခြင်းပဲဖြစ်ပါတယ်။)

၁၀။ home page ပြောင်းလဲ သွားတာမြင်တာနဲ့ scan လုပ်ပါ။ (ကိုယ်တိုင်မသိလိုက် ပါပဲနဲ့ home page ပြောင်းလဲ သွားပြီ ဆိုတာနဲ့ ချက်ချင်း scan လုပ်ပါ။ အဲဒါဟာ spyware ဖြစ်ဖို့ အခွင့်အလမ်း များနေပါပြီ။)

၁၁။ window ကို အဆင့်မြှင့် တင်ပါ။ (အကယ် XP သုံးစွဲနေရင် service pack 2 ကို ပြောင်းလဲ သင့်ပြီး XP SP2 သုံးစွဲနေရင် vista ကို အဆင့်မြှင့် တင်သင့် ပါတယ်။ လူသိ နည်းနေတဲ့ OS ဟာ အတိုက်အခိုက် ခံရမှု နည်းပါး နေဦးမှာပါ။)

၁၂။ ကြော်ငြာတွေဟာ spyware တွေလား။ (မသေချာပါ။ ကြော်ငြာတိုင်းဟာ spyware မဟုတ်သလို spyware တိုင်း ကတော့ Advertising တိုင်းဆီကနေ ၀င်ရောက် လာတာပဲ ဖြစ် ပါတယ်။)

၁၃။ Keylogger တွေကို ကာကွယ်လို့ ရနိုင်ပါတယ်။ (တကယ်လို့ကိုယ်ပိုင် ဗဟုသုတ နည်းပါး နေရင် keylogger တွေ ရဲ့ သွင်ပြင် လက္ခဏာ တွေကို ရှာဖွေ ဖတ်ရှုပါ။ ‘Ctrl+Alt+Del’ သုံးစွဲပြီး system မှာ run နေတဲ့ မသင်္ကာတဲ့ ‘exe’ ဖိုင် မှန်သမျှကို ဖယ်ရှား ပစ်ပါ။ အဲဒီလို ဖယ်ရှား ပစ်ခြင်း အားဖြင့် system ဖိုင်အစစ်တချို့ ဆိုရင် လတ်တလောမှာ အလုပ် မလုပ် တော့တာကလွဲပြီး ဘာမှ မဖြစ်နိုင်ပါ။)

၁၄။ အများသုံး ကွန်ပျူတာတွေ ဆီမှာ ကိုယ်ပိုင် အချက်တွေ မသုံးစွဲ ပါနဲ့။ (လူအများနဲ့ စပ်တူ သုံးစွဲရတဲ့ ကွန်ပျူတာ တွေဆီမှာ လိုအပ် ချက် ကြောင့် (ဥပမာ cyber cafe လိုမျိုး နေရာ) ကိုယ်ပိုင် အချက်အလက်တွေ သုံးစွဲ ရမယ်ဆိုရင် သတိ ထားပါ။ ကွန်ပျူတာကနေ ထွက်ခွာ မယ်ဆိုင်ရင် ကိုယ့် history တွေကို ရှင်းလင်းပစ်ခဲ့ပါ။

၁၅။ Upload ဖိုင်တွေကိုလဲ သတိထားပါ။ (ဓာတ်ပုံ သို့မဟုတ် အခြား အချက် အလက်များ မဖြစ်မနေ တင်ပို့ ရပြီ ဆိုပါရင် secure ရှိတဲ့web host တွေကို သုံးစွဲပါ။)

၁၆။ anit-spyware software အခမဲ့ပေးတဲ့ website- ဥပမာအားဖြင့် AVG anit-spyware website ကနေ အခမဲ့ ပေးထား ပါလျက်နဲ့ download ချလို့မရနိုင်တာမျိုးရှိပါတယ်။ (အဲဒါဟာ သိပ်ကောင်းပါတယ်။ ဘာဖြစ်လို့လဲဆိုတော့ကိုယ့်ပီစီမှာ spyware ၀င်နေတာကို AVG ကသိနေ လို့ပါ။ နောက်တစ်မျိုးက ကိုယ့်ရဲ့ spyware က anti-spyware ကိုလက်မခံလို့ပါ။ ဒါဆိုရင်တော့ သတိကြီးကြီးနဲ့ ရှင်းလင်းပစ်ရပါလိမ့်မယ်။)

၁၇။ DOS တိုက်ခိုက်မှု ရှိလာနိုင်သလား။ ကွန်ပျူတာရဲ့ အတွင်းပိုင်းစနစ်အထိ နက်နက်ရှိုင်းရှိုင်း ၀င်ရောက်တိုက်ခိုက်မှု ဖြစ်ပါတယ်။ P2P network မှာ ကိုယ်မသိတဲ့ လူတွေဆီကို sharing မလုပ်ဖို့နဲ့ အခမဲ့ရတဲ့ software တိုင်းကို မယုံကြည်ဖို့ zip/ rar file တွေကို သတိ ထားဖို့ လိုပါမယ်။

၁၈။ icon တွေကို desktop ပေါ်မှာအတင်းအကျပ် နေရာယူပြီဆိုရင် spyware ဖြစ်နေပါပြီ။ (ဆော့ဖ်ဝဲတိုင်းမှာ desktop icon shortcuts သဘောမျိုးဖန်တီးပေးပေမယ့် သုံးစွဲသူ ခွင့်မပြု ဘဲ နေရာ မယူတတ်ကြပါ။)

၁၉။ အချက်ပေးပုံသဏ္ဍာန်တွေ မှားယွင်နေတဲ့အခါ anti-spyware ဆော့ဖ်ဝဲလ်တွေဟာ ပြီးပြည့်စုံမှု မရှိပါ။ သူတို့ကိုရှင်းလင်း ပစ်တိုင်းမှာ uninstall ကို အသေအချာ ပြုလုပ်ပါ။ သဘောတရား အရပြောရရင် anti-spyware ဆော့ဖ်ဝဲလ် ကိုယ်က spyware တစ်ခုပါပဲ။

၂၀။ Remote Access Trojan ဆိုတာ virus လိုမျိုး။ program ငယ်ကလေး တစ်ခုကို ကွန်ပျူတာ စနစ်အတွင်း ကိုယ်မသိ လိုက်ရပါပဲ ၀င်ရောက်စေခဲ့ပြီး အဲဒီပရိုဂရမ်ကလေးဟာ ကိုယ်လုပ်နေ သမျှသတင်းအချက်တွေနဲ့ ကိုယ့်ရဲ့ကိုယ်ရေးကိုယ်တာ ကိစ္စ၀ိစ္စ မှန်သမျှကို ပိုင်ရှင် ဆီကို သတင်းပြန် လည်ပေးပို့နေလေ့ ရှိပါတယ်။

၂၁။ Drive-By Download ဆိုတာ အဓိက အားဖြင့် ပုဂ္ဂလိက အချက်အလက်တွေနဲ့ လုံခြုံမှုကို ထိပါးစော်ကားတဲ့ တိုက်ခိုက်မှုတစ်မျိုး ကို ခေါ်ဆိုပါတယ်။ တကယ်လို့ ကြော်ငြာ pop-up တွေကို သတိထားပြီး တားဆီးမယ်ဆိုရင် တိုက်ရိုက်ထိတွေ့ခံရမှု မရှိနိုင်ပါ။ Pop-up blocker ပါဝင်တဲ့ firefox လို borwser မျိုးကို သုံးစွဲသင့်ပါတယ်။

၂၂။ Search bar တွေကို မယုံကြည်ပါနဲ့။ google.com နဲ့ google toolbar… Yahoo နဲ့  Yahoo toolbar တို့လို ယုံကြည်စိတ်ချ ရတဲ့ အရာတွေ ရှိနေပြီးတဲ့ အချိန်မှာ web ကို အထူး ရှာဖွေပေး မယ် ဆိုတဲ့ toolbar တွေကို ယုံကြည်ကိုးစား မနေပါနဲ့တော့။ www.google.com လို့ address bar မှာ ရိုက်လိုက်ရတာဟာ မရေရာ မသေချာတဲ့ toolbar တွေကို install လုပ်လိုက်နေတာထက် အများကြီး လုံခြုံမှုရှိပါတယ်။

၂၃။ ဒီနေရာကိုသွားပါ။ Virus နဲ့ ပတ်သက်ပြီး အကောင်းအဆိုးတွေကို ပုံမှန် သတင်းပေးရင်း ကာကွယ် ဖို့နည်းလမ်းတွေကို အခမဲ့ ဖြန့်ချီနေ တဲ့ နေရာတွေ ရှိသလို အခု website တွေကတော့ spyware, adware, malware စတာတွေကို ရင်ဆိုင် ဖြေရှင်းဖို့ သတင်း တွေ၊ tools တွေ၊update new တွေ ရနိုင်ပါတယ်။

(ကွန်ပျူတာ ဂျာနယ် ၂၀၀၈ခုနှစ်၊ မေလ၊ အမှတ် ၁၇၁)


https://www.facebook.com/groups/technologymynoat/
http://kolinthalarwaddythar.blogspot.com/

minkhamaung.blogpots.com

Monitor {အနည်းဆုံး} နှစ်လုံးနဲ့SYSTEM UNIT တစ်လုံးကိုချိတ်ဆက် အသုံးပြုမယ်

Monitor {အနည်းဆုံး} နှစ်လုံးနဲ့SYSTEM UNIT တစ်လုံးကိုချိတ်ဆက် အသုံးပြုမယ်



သင်ဟာ အချိန်တစ်ချိန်ထဲမှာ မတူညီတဲ့ အလုပ်တွေကို လုပ်နေပြီး Program များကိုလည်း အများအပြားဖွင့် ထားတဲ့အခါ Monitor တစ်လုံးထဲကနေ အလုပ်လုပ်ဖို့ဆိုလျှင် အဆင်မပြေနိုင် ပါဘူး။ ဒီအတွက် Monitor နှစ်လုံးကို ချိတ်ဆက်ပြီး PC တစ်လုံးထဲတွင် အသုံးပြုခြင်းဖြင့် Multiple Displays အဖြစ် အသုံးပြုနိုင်မှာဖြစ်ပြီး သင်လုပ်ကိုင်နေသော အလုပ်များကို အလွယ်တကူ ထိန်း ချုပ်နိုင် မှာ ဖြစ်ပါတယ်။

ဒီလိုလုပ်ဖို့အတွက် အမျိုးအစားတူညီတဲ့ Monitor နှစ်လုံးနဲ့ Display Adapter လိုအပ်မှာဖြစ် ပါတယ်။

၁။ Monitor နှစ်လုံးတပ်ဆင်တော့မယ်ဆိုရင် ပထမဦးစွာ သင့်ရဲ့ ကွန်ပျူတာကို Shutdown ချထားပါ။

၂။ ထို့နောက် Monitor နှစ်လုံးကို Display Adapter နဲ့ချိတ်ဆက်ထားလိုက်ပါ။

၃။ သင့်ကွန်ပျူတာရဲ့ စနစ်ကို စတင်ဖွင့်ပြီး Display Setting ချိန်ညှိပေးပါ။

၎။ Desktop ပေါ်တွင် Right Click နှိပ်ပြီး "Window XP" ဆိုလျှင် Properties ကို ရွေးချယ်ပြီး WindowVista ဆိုလျှင် "Personalize" ရွေးချယ်ပေးပါ။ Display Properties Box ကျလာပါလိမ့် မယ်။ Display Setting

ကို ရွေးချယ်ပေးလိုက်ပါ။

၅။ ဒုတိယတပ်ထားသည့် Monitor ကို ရွေးချယ်လိုက်ပါ။

၆။ အားလုံးပြီးသွားပြီဆိုလျှင် Apply Button ကို Click နှိပ်ပြီး OK ကို Click နှိပ်လိုက်ပါ။ Monitor နှစ်လုံးကို

System Unit တစ်လုံးထဲတွင် တပ်ဆင်ပြီး စတင်အသုံးပြုနိုင်ပြီ ဖြစ်သည်။

Display Adapter နဲ့SYSTEM UNITပေါ်မူတည်ပြီး မိမိတို့စိတ်ကြိုက် Monitorများတပ်ဆင်နိုင်ပါ သည်..........

အဆင်ပြေကြပါစေဗျာ..

Photoshop အခြေခံသင်ခန်းစာ(၅)

Photoshop သင်ခန်းစာနဲ့ပတ်သက်ပြီး လေ့လာသူများအနေဖြင့် အလွယ်တကူလေ့လာနိုင်အောင် လိုအပ်ချက်ကလေးများကို ဆက်လက်တင်ပြပေးသွားပါမယ်။ ကျွန်တော့် ရေးသားတင်ပြမှုများနှင့် ပတ်သက်ပြီး ဝေဖန်အကြံပြုချက်များကိုလည်း အမြဲတမ်းကြိုလင့်နေပါတယ်။
အခုသင်ခန်းစာမှာတော့ Crop tool အကြောင်းဆွေးနွေးပေးပါမယ်။ ဒီ tool ဟာ အသုံးများပါတယ်။ ပုံတွေဖြတ်ထုတ်တဲ့အခါမှာ အသုံးပြုကြပါတယ်။ ဒီ tool ဟာ Photoshop တင်မကပါဘူး။ အခြား Software တွေမှာပါ ထည့်သွင်းပေးထားတာတွေ့ဘူးကြမှာဖြစ်ပါတယ်။
အလားတူပဲ Photoshop ဘယ် Version မဆို Crop tool ပါရှိပါတယ်။

အခုသင်ခန်းစာမှာ အသုံးပြုမယ့်ပုံကလေးဖြစ်ပါတယ်။

ပုံ(A)

အခုပေးထားတဲ့ပုံကို width = 1 inches, Height = 1.25 inches နဲ့ Resolution = 72 အရွယ် ပုံကလေး ဖြတ်ထုတ်ယူပါမယ်။

ပုံ(B)

အခုလေ့ကျင့်ခန်းကို စတင်နိုင်ဖို့အတွက် သင့်စက်ထဲကို ပုံ(A)ကို Save လုပ်ပြီးယူလိုက်ပါ။
အဆင့်(၁)
Adobe Photoshop Software ထဲ အရင်ဝင်လိုက်ပါ။ ပြီးလျှင် ပုံ(A)ကို ဖွင့်လိုက်ပါ။

အဆင့်(၂)
Tool box က Crop tool ကို Click လိုက်ပါ။

အောက်မှာ ပြထားတဲ့အတိုင်း Width ကို 1 in, Height ကို 1.25 in နဲ့ Resolution ကို 72 သတ်မှတ် ပေးလိုက်ပါ-

အဆင့်(၃)
Mouse ကို အမျိုးသမီးပုံရဲ့ ဘယ်ဖက် အပေါ်ထောင့်ကနေ ကန့်လန့်ဖြတ် ညာဖက် အောက်ထောင့်ကို ဆွဲချလိုက်ပါ။

အကယ်၍ စ်ိတ်တိုင်းကျနေရာ မရဘူးဆိုရင် Keyboard က Arrow Key တွေနဲ့ လိုအပ်သလို နေရာ ရွှေ့ပေးလို့ရပါတယ်။
စိတ်တိုင်းကျ ဖြစ်ပြီဆိုရင် Enter Key ကို နှိပ်ပါ။ သင်အလိုရှိတဲ့ အရွယ် အစားအတိုင်း ပုံကို ဖြတ်ထုတ်ပြီးသွားပြီဖြစ်ပါတယ်။

အဆင့်(၄)
သင့်ပုံရဲ့ အရွယ်အစား မှန်ကန်မှုရှိ-မရှိကို Image menu က Image Size…ကို ရွေးလိုက်ပါ။ အောက်ပါ အတိုင်းတွေ့မြင်ရပါမယ်-

OK ကို Click လုပ်ပြီး ပြန်ထွက်လိုက်ပါ။
ဒီသင်ခန်းစာကလေးကနေ သင်လိုချင်တဲ့ အရွယ်အစားကို Crop tool ကို အသုံးပြုပြီး ဖြတ်ထုတ်ယူနိုင်မယ်လို့ မျှော်လင့်ပါတယ်။ အချိန်ရတာနဲ့အမျှ ဆက်လက်ရေးသားတင်ပြပေးပါမယ်။

minkha maung

VSO ConvertXtoDVD 4.1.19.365 လေးပါ

DVDခွေလုပ်ခြင်လည်ရတယ် နောက်ပိDVDခွေတွေကို ပြန်ပေါင်းပြီ တခွေထည်းပြန်လုပ်ပေးလဲရတယ်နော်
ကျနော် သုံးနေတဲ့ ဆောစ့်ဝဲလေးပါ လိုအပ်သူများ ဒီမှာဒေါင်းနော်mediafire Download အဆင်ပြေပါစေ..

ဒီကနေ ယူလာတာပါ

မြန်မာများရဲ ဂုဏ်ကို မြင့်တင်ပေးမယ့် မြန်မာအမျိုးသမီး နှစ်ဦး

မြန်မာပြည့်ရဲ့ကျက်သရေအရှိဆုံးသတင်းလေးတစ်ခုကိုပြောပြချင်ပါတယ်..အဲ့ဒါကတော့သွေးကင်ဆာရောဂါကို(၁၀)ရက်အတွင်းပေ​ ပျာက်သွားအောင်ကုသပေးနိင်ခဲ့​တဲ့ဆရာမလေးနှစ်ယောက်ရဲ့လိပ်စာကိုပြောပြချင်ပါတယ်♣♣ဆရာ​ဝန်မလေးနှစ်ယောက်ရဲ့ပြောပြချက်အရဒီရောဂါကိုကုသနိင်အောင်ကိုရီးယားနိင်ငံတောတောင်ထဲ​ မှာရရှိထားတဲ့တိုင်းရင်းဆေး​နဲ့ကုသနိင်ခဲ့တာဖြစ်ပါတယ်၊ဒီသတင်းလေးကိုအားလုံးရှယ်ပေး​ကြပါနော်...အခုကုသပေးတဲ့ဆရာ​ ဝန်မလေးနှစ်ဦးကတော့ဆင်းရဲရှာပါတယ်ဒါပေမဲ့သူတို့ရဲ့ကြိုးစားမှုက.​ .ယနေ့ကမ္ဘာပေါ်မှာဘယ်သူမှမကုသ​နိင်သေးတဲ့ပညာရပ်တစ်ခုပါ...​ သွေးကင်ဆာရောဂါကိုသွေးလုံးဝ​သွင်းစရာမလိုပဲဆေးကုသချိန်.​ .၁၀ရက်အတွင်းပပျောက်အောင်ကု​သပေးနေပြီးဖြစ်ကြောင်းနှင့်​ ဆရာမလေးနှစ်ဦးရဲ့မေတ္တာဖြင့်​သာကုသပေးနိင်ကြောင်းကိုအသိ​ ပေးအပ်ပါသည်ခင်ဗျာ.. စုံစမ်းရန်လိပ်စာကတော့..094​21102672(ဆရာမဒေါ်လှလှဝင်း).​.ဆရာမဓေထားထားမေ( မန်မာနိင်ငံရေကြောင်းတက္ကသို​လ်ဒေး(သန်လျှင်မြို့ကျိုက်ေ​ ခါက်ဘုရားရဲ့နောက်လမ်းရေကြောင်းလမ်းဆုံ)လူမျိုးဘာသာမရွေးကုသပေးနေပြီဖြစ်ကြောင်ြးေ​က်ာငြာအပ်ပါသည်..ဒီသတင်းလေး​ ကိုဖြန့်ဝေပေးကြပါသူငယ်ချင်းများခင်ဗျာ..ရန်ကုန်မြို့(​ သန်လျှင်)မြန်မာနိင်ငံရေြးေ​ကာင်းတက္ကသိုလ်အနီး..အာမခံဖြ​ င့်ကုသပေးနိင်ပြီးဖြစ်ကြောင်း.
http://www.facebook.com/index.php#!/photo.php?fbid=270415806392147&set=a.108208089279587.9371.100002711896074&type=1&theater ထိုနေရာမှမျှဝေပါသည်။